انا ماشاء الله والحمد لله جميلة الوجه بشهادة الجميع لكن مليانة الجسم تميل للسمنه الزايده
حاليا عمري 25 سنه ولما كنت ادرس معروفه بحرصي واجتهادي الدراسي لهيت في دراستي الجامعيه تخصصي كان صعب وتقدم لي بداية الجامعه لما كنت 21- 22 سنه تقريبا ولد صديق الوالد ماشاءالله الولد كلن يمدحه والوالد معجبه الولد كان بس انا اكبر البنات وامي مو اجتماعيه وانا اهتمامي كان للدراسه
خففففففففت ذاك الوقت وهم تقدموا على اساس يجون اهله ويتعرفون وكذا مانعرفهم بس الاباء اصحاب,
الوالد لما سأل ويعرف احد يعرف الولد شخصيا عرفنا انه تقدم لكذا ناس ويرفضونه عشان يبغى يسكن مع اهله
مع ان مادياتهم حلوه الحمدلله !
استغربنا هو مقتدر ليش السكن مع اهله خصوصا ان والده موجود وعايش وفيه اولاد شباب لسى ماتزوجوا وبنات يعني حموله كبيره! و انا صغيره وعندي دراسه
استغربنا وامي الله يحفظها ويطول لي بعمرها ماتبغى لي مع حموله وكانت تقول لي انتي لسى صغيره وتوك وكثير من بنات عمك وقرايبك اللي بعمرك واكبر لسى ماتزوجوا ليش الخوف ! وانا ماعندي الخبره بهالتفاصيل وكنت متخوفه على دراستي وطبعا ابي الزوج الصالح اللي ارتاح معاه .
تأخرنا عليهم بالرد كنت خايفه وابوي مايبغى يضغط علي
وامي اول مره انخطب اختبصصصصصت وانا لااهيه فدراستي وكنت اشوفها كلللل شي مركزه عليه ذاك الوقت
بعدين المهم حددنا وقت وجوا امه وثنتين من خواته وشافوني كنت مرررره مرتبكه هذولا اول ناس اطلع لهم وزاد ربكتي امي كانت مرتبكه معي لانها مو اجتماعيه وناس جداد عليها مع هذا كان الانطباع مبدئيا عادي
امي قالت نبي البنت تكمل دراستها وسكن لها قالوا هو يبغى مع اهله مع ان له اخ متزوج وطالع فبيت مستقل !
راحوا وبعدين اتصلوا انه الله يوفقها ويوفق الولد بمعنى الشروط ماناسبت او يمكن يبغوا يخلصوا السالفه ويشوفوا غيري لاني تأخرت عليهم بالرد
الحين لما توسعت نظرتي تحسسسسسسسسسسسسسسفت توني عرفت مزاياه اللي احس انها ماراح تتكرر لي
رجال محترم خلوق متزن موظف مقدر فمكان كووويس ماشاءالله رجال ينشرى ..
بعد ضياع الفرصه ابليس فتح علي باب الهواجس :
ماراح يجيني احسن منه ! ضيعت على نفسي فرصه !
بتجلسين بدون زواج !
لدرجة وسوست صرت اقول لا يمكن راحوا لاني ماعجبتهم
او شافوا جسمي مايناسبهم !
صررررت نفسيا مكتأبه خفت من العنوسه كثييييييير
وكثير من بنات خوالي وعماني اللي بعمري واللي اصغر تزوجوا
اذكر كلمة امي الله يسامحها ذاك الوقت يوم تقول لي لسى صغيره وبنات قرايبك الاكبر واللي بعمرك لسى ماتزوجوا
تجيني الصيحه الا اصييييييييح والله هذاهم الله يهنيهم تزوجوا وانا بقيت مع اني الحمد لله حلوه متعلمه
اللي اجربني ماانسى الموضوع الولد لانهم قراب مننا تجيني غصب اخباره بدون ماادورها تزوج وعنده ولد الله يهنيه ويسعده, حتى هو كاتب في النت ادخل اقرأ له ويعجبني رقيه واسلوبه واندم اكثر واحس اكثر انه خساااره ضياعه مني بس الحمد لله على ماقضى وقدر,
لكن تحز بخاطررررري نفسي والله واحزن عليها
للحين محد تقدم لي يمكن يشوفوني شي اكبر منهم اللي بعايلتنا لانهم الاغلب ماكملوا دراسه وماديات وسط الى ضعيفه
وانا الحمد لله متعلمه وموظفه والوالد مقتدر اللهم لك الحمد والشكر
واللي برى العايله حنا الوالده مو اجتماعيه ابددد فما نروح لاحد ولا يجينا احد تعبت معها من هالنقطه
محد يدخل بيتنا ولا نروح لاحد
وييييين بيشوفوني الناس ؟؟؟ وكيف بتزوج !!!
خااايفه العمر يروووووح
اشياء كثيره حولي متعبتنييييي
الولد كان فرصه محد يضيعها وانا ضيعتها بس لما احاول اتفائل اقول لنفسي فعلا الحين محد يبغى السكن عند حموله وتعب ووجع راس صح ولا شرايكم ؟؟!
اقول لنفسي يمكن ماكنت كملت دراسه وماتوفقت معاه وخسرت الثنتين
بس ارجع اخاف اقول وين الرجال اللي مثله بهالوقت ؟؟ الشباب اخلاقهم تغيرت وهذا حتى دخان مايشرب, وهذا بابك يابنت ماانطق بعد ولا انخطبتي لاحد !!
لهيت في الدراسه وضاااع الزواج وارجع اقول الحمد لله تعلمت وتوظفت تحفظني من غدر الدنيا بعد الله سبحانه
صديقاتي وقريباتي الله يهنيهم تزوجوا وكلهم كانوا مطنشين الدراسه والمستقبل العملي هم ماشاء الله اللي كسبوا زوج واطفال واسره ربي يسعدهم اكثر ويرزقني من واسع فضله
الحمد لله مؤمنه بالقضاء والقدر والرزق من رب العالمين واستغفر الله كثير واتصدق والله يتقبل مني ويرزقني
لكن اعيييش ضغغغغغغغغط نفسي ومد وجزر وقلبي يتقطع على نفسي تعبت تعبت تعبت
حتى اخواني الصغار بدوا يفهمون ليش ماتتزوجين ! متى تروحين لبيت زوجك مو قصدهم يجرحون بس هذا الطبيعي شعووووووور متعب وندم يعور القلب ويدميه والخوف لا يطاق ولا يحتمل
ساعوني وارشدوني الله يجزاكم خير
وهل البنت اذا عدت سن الـ25 خلاص كبيييره وغير مرغوب فيها بنظرة الرجال والامهات اللي يخطبوا لعيالهم ؟؟
وهل البنت السمينه مالها فرصه بالزواج ؟؟
وتكفووون ادعوا لي ادعوا لي ربي يشرح صدري ويرزقني الزوج الصالح عاجلا غير آجل الله يرزقكم كل اللي فخواطركم ويسكنكم جنات النعيم