ندمانه على تصرفك ... ؟؟؟؟؟

السلام عليكم ورحمة الله وبركاته

شلونكم بنات ؟؟؟

امس كنا سهرانين في بيت عمي ..جمعه حلوه كلها سواليف ووناسه
وطبعا مثل اغلب جمعات الحريم .. كانت المواضيع الرئيسيه هي
الشغالات وعمايلهم
والرجال وعمايلهم

هذي تقول زوجي ما قد جاب لي شي
وهذيك تقول زوجي ما عمره مشاني
ووحده تقول زوجي ما عمره وداني مطاعم
وهذي تقول زوجي ما يقول لي كلام حلو ابدا
وهذي تقول ….وهذي تقول ….وهذي تقول ……. وانا اولهم

وفجأه قالت مرت عمي وهي حرمه كبيره بالعمر ( سبحان الله ..الحريم كفارات بالعشير )
وجلست انا افكر في كلمتها هذي !!!!! صدقت والله !!!

عشان كذا وش رايكم يا اخواتي كل وحده متزوجه تدخل موضوعي
تذكر لنا شي زين سواه لها زوجها ( تصرف منه ، موقف وقفه معاها ، شي خاطرها فيه وجابه لها ) وتشكر فيه ، وش رايكم ؟؟؟

والله يهدينا
ولا يحرمنا منهم ويسخرهم لنا ويسخرنا لهم

حديث صحيح عن الرسول عليه الصلاة والسلام :
إنى رأيت الجنة ، وتناولت عنقودا ، ولو أصبته لأكلتم منه ما بقيت الدنيا ، ورأيت النار ، فلم أر منظرا كاليوم قط أفظع ، ورأيت أكثر أهلها النساء ، قالوا : بم ، يارسول الله ؟ قال : بكفرهن ، قيل : أيكفرن بالله ؟ قال : يكفرن بالعشير ، ويكفرن بالإحسان ، لو أحسنت إلى إحداهن الدهر كله ، ثم رأت منك شيئا ، قالت : ما رأيت خيرا قط