ندمت

السلام عليكم
قبل فترة نزلت موضوع عن عني محتاره اذا أوافق او ارفض الخاطب الي تقدملي، صليت استخارة وقتها وأول ماصليت حسيت بنشراحة صدر وإني فرحانه ولكن قلت في نفسي ان اذا هذا الشخص وافق على كل شروطي فأنا موافقه عليه
ولكن رفضته لانه ماوافق على شروطي الي هي الوظيفة والسكن مستقل، رغم انه إنسان مكمل دراسته الجامعية ويشتغل وأبوي كان موافق مبدئيا عليه
والحين احس ندمت اني رفضت بس عشان الخاطب مب موافق على شروطي، رغم اني كنت أتمنى زوج بمثل بعض مواصفاته، وامي نصحتني اني أوافق وقالتلي مو كل شي اول الزواج بتحصلينه وعيشي مع أهله فتره بعدها اكيد بتسكنون في بيت مستقل والوظيفة انتي حاولي تقنعينه فيها، وأبوي يقولي اذا الرجال يرفض زوجته تتوظف يعني ماهو طمعان بفلوسها وراتبها وهو بيصرف عليها
اخاف أكون غلطانه اني رفضته وانا الحين احس بالندم لان يمكن كانت هذي فرصتي في الزواج بس ان شا الله تكون خيرة
والله تعبت وانا أفكر بالزواج ومايجيني واحد يرضى اني أتوظف واسكن سكن مستقل رغم اني اذا توظفت بكون معلمة رياض اطفال يعني مكان مافيه اختلاط وصباحي
دعواتكم ان الله يعوضني بألي أحسن منه ويكتب لي الي فيه الخير عاجلا غير آجل