وليش تراضينه وانتي ماغلطتي
انصحك ترتبين نفسك
يعني مثلا خلي تنضيف البيت وغسيل الحمامات يوم الجمعه بس
وادا بيجيب شغالة اهله قولي ياسلام ليتها كل يوم تجي
وبالنسبه للطبخ حاولي تسوين الغدا ساندويشات المنتدى مليااان منها
واهله انزلي لهم مرتين في الاسبوع
ولا تلزقين فيه على قد مابتلحقينه على قد مابينحاش منك
انشغلي في مداكرتك وحياتك الخاصه وشوفي كيف يجي يدور عليك
كنت زيك والحمدلله الحين تغير زوجي لاني انا غيرت نفسي

الله يعين ها الحريم على الرجال مالك الا الصبر
وذ زعل وانتي مو غلطانه لا تعتذرين بل ازعلي ان ببديت زواجي اذ زعل اركض وارضيه واتحببه عشان يرضي لاكن ها لحين ما دمي على حق ازعل واخليه هو الي يعتذر
ويحبيبتي انتي توك باول المشور يبيلكم فتره طويله على بال ماتعرفون بعض
دايمن وابدن ادعي ربك ان الله يصخره لك
ونبهي اهلك لما يجي يشتكي يقولن له حلو مشاكلكم بينكم ونبهيهم انهم دايمن يكونون بصفك عشان ما تقوي شوكته عليكي
والله يوفقك ويسعدك

ربي يعينك بس ضروري يقدر وضعك
بس يمكن هو اتعود فبيت اهله ان كل شي مرتب ومنظم

وش فيها اذا نظفت شغالة اهله ؟؟؟؟ خليك من كلامه

خليها تجي تنظف وتغسل المواعين وقت ما هو طالع

كلها جناح ما ياخذ ساعة زمان

وبكذا يخف عليك ضغط بدني ونفسي صدقيني شغل البيت هم اكثر من انه تعب بدني لانكم ما عندكم اطفال يقلبون الدنيا

وحددي ساعات للمذاكرة يوميا قولي لو سمحت هذا وقت دراستي لا انزل ولا اصعد

وحددي وقت لزيارة اهله يناسب وضعك

والكورة يا هلا بها احسن من يتفرج على قنوات مايعة

ومسألة انه يشتكيك عند اهلك ترى افضل من انه يشتكيك عند اهله !!

وسالفة انه له حق يعصب ويهاوش وانتي لا
شوفي الرجال اول الزواج غالبا كذا يبغي يوريك انه انا شي مهم ووووو
اهم شي وقت ما يعصب ويصرخ تسكتين ما تردينن عليه ولا تعلين صوتك ابد لانه اصلا ما يكون في وعيه يرمي الكلام رمي والغضب من الشيطان والقوي اللي يملكه نفسه ساعة الغضب << صدقيني مرة بعد مرة بيهدأ لانك تثبتين بالفعل انك اقوى بهدوئك وضعيف الحجة هو دايم صوته عالي وكلامه قليل ادب ومرات يده طويلة

بعد ما ينتهي الهواش بكم ساعة ويهدا ممكن بهدووء وباحترام تقولي رايك وتناقشين بدون صوت عالي وبدون تزعل ولا تقولين انه
الغلطان وقولي له انا احترمك وما ابي منك الا الاحترام حتي بوقت الزعل ماابي اسمع اهانات اهلي ربوني على اني احترم الناس

واتفقي معاه على الاحترام والتقدير المتبادل

واذا عندك معاصي في بيتك وقفيها وطلعيها ونظفي بيتك من التماثيل والصور والموسيقى وشغلي القران دايم

واصلحي ما بينك وبين رب العباد يصلح مابينك وبين العباد


ملاحظة
ماادري انتي قد قريتي عن البوصلة الشخصية شوفي شخصية زوجك اي جهة وتعاملي معاه على الاساس مع اني اتوقع انه شمالي لانهم من النوع اللي يعصب ويثور ويحب السيطرة وفرض الراي بس لهم طريقة في التعامل تخليك تجيبين راسه وهو راضي خخخخخ


اتمنى تستفيدين من ردي وترى موب انتي لحالك تعانيين وهذا شي طبيعي اول سنة زواج سنة العواصف

حبيبتي لازم تفهمي ان اول سنه من زواجكم لازم المشاكل
وياكثرها الى درجه انها تصل عند كثير من الناس الى الطلاق
لان في السنه الاولى كل واحد مستغرب طبع الثاني بعدين تفهمو بعض
وتزين وتتذكرون ذي الايام وتضحكون عليها وتتمنون انها ترجع لكم ووالله انها مرت عليه وعلى غيري
لدرجه انه مايجي يوم الا وابكي فيه الى درجه انه يهجرني ولكن بعد مافهمنا بعض خلاص راحت المشاكل ولكن ما عرف احد بمشاكلنا
فزوجك المفروض مايقول لحد وانتي كذالك خلو مشاكلكم بينكم هي مرحله وتعدي
واتمنى لكم التوفيق