نوف١١١١

نوف١١١١ @nof1111

عضوة جديدة

ندمت بعد ملكة طليقي تكفون ساعدوني

الأسرة والمجتمع

السلام عليكم
بنات مدري منوين ابدى بس احس بضيقه وقهر ولادري وش اسوي انا مطلقة برغبة مني من ولد خالتي نحب بعض من احنا صغار
طلقت لكثرة المشاكل بيننا مايحب اهلي يتدخلون في شيء يخصني انا اشاور خواتي متزوجات في بعض اموري ويرفض بعض الي اطلبه ويقول مانبي نقلد الناس لنا حياتنا وانا انقهر من رده لي واحيان يردني لا اروح لجمعة خواتي يقول يخربن عليك وهن ينصحن لي من حرص علي مو تخريب وبعد فيه غيره قويه اذا طلعت معه مشوار وفيه عيال واقفين برى عند البيت يقولهم روحو ماتقفون هنا وانا انقهر احس كنه شك في ولا كيف وسالت مستشار اسري قال اذا مايفتش جوالك ومايبحث وراك ماهو شك غيره ؟
وبعد وكل شي له فيه راى حتى لبسي ومكياجي يقول سوي كذا احسن من كذا وانا اعانده في امور كثيره بس تخصني هو يعصب ويطلع برى البيت اذا صارت مشكلة الى ان يوم قال لأخوي اذا بتستمر على ذا الوضع تسمع كلام اهلها ولاتمشي على كلامي بطلقها؟
هنا انا جلست في بيت اهلي مارجعت معه وحسيت بكره شديد له بسبب كلامه عني عند اخوي كأني رخيصه عنده يطلق ماهميته !
وبعد اسبوع جاء وحاول يرجعني ورفضت حتى اقابله وهو يتردد علينا كل اسبوع واقابله احيان واقول مابيك طلقني واحيان ارفض مقابله ويوسط اهلي كلهم حتى خدامتنا يرسل معها ورقه لي يعتذر ( لأني حاضرته من الجوال ) وانا رافضه وصرت استمتع بمحاولاته واحس لي اهمية حتى اهلي قالوا يحبك وماراح يترك حسبي الله على ابليس الي وسوسلي وخربت بيتي
مع الرفض واصراري على الطلاق طلق (طلقة وحدة بصك من المحكمة ) وانا ماكنت افكر غير فالطلاق واحس اني ماعاد ابيه خلاص وبعد الطلاق حسيت ان كأني في حلم وتو صحيت منه والي زاد الطين بله خطب بعد الطلاق على طول ووافقوا عليه وتملك وزواجه بعد كم شهر
يابنات شور علي وش اسوي احس بنار في صدري مقهوره مقهوره عليه احبه واعرف انه يحبني ليش يتزوج بسرعه ليش ماعطاني فرصة اراجع نفسي مع الوقت ليش


وش تنصحوني فيه ارسل له اقول رجعني خصوصاً انه ماتزوج للان ؟
ماودي اصير في موقف المتنازل بعد كل الي سويته وبموت حسره وقهر وانا اشوفه متزوج غيري وناسيني
لاتقولون لي تنسين مع الوقت مابغى غيره لو ابقى طول عمري ماتزوجت


سبحانك اللهم وبحمدك اشهد ان لا اله الا انت استغفرك واتوب اليك
173
77K

يلزم عليك تسجيل الدخول أولًا لكتابة تعليق.

تسجيل دخول

بنت أبوها❣️
بنت أبوها❣️
انتي غلطانه ياقلبي ما قصر حاول معك بكل السبل واخواتك المفروض ما يتدخلون في حياتك لان بعضهم تعطيك نصيحه تنفع معاها يمكن ما تنفع معك لان زوجك غير عن زوجها يعني انتبهي من التدخلات لانها تفسد حياتك وغيرته عليك من حبه لكن انتي عاندتيه وتقولين في امور كثيره كذا تعبتيه يخاف احد يملى راسك عليه لكن اذا تبين ترجعين له غيري اسلوبك ولا عاد تاخذين راي اي احد او تعانديه لانه يمكن يرجعك ويكون متزوج فاكسبيه في صفك افضل يوم ملك واتفق مع البنت تبينه يرجعك الله يهديك كان قبل ذا كله نصيحه من قلبي وتقبلي مروري العناد ما ينفع مع الرجال
والباقيات الصالحات
نصيحتي لك يا بنتي إذا كنتي بتحثينه على الحرام يطلق زوجته عشان ترجعين له حرام تكسري بخاطر بنت زيك
لكن إذا تبين ترجعين كزوجة أولى ومتقبلة وجود ضرة بحياتك الله يسهلها عليك
الرأي الحكيم
الرأي الحكيم
اتصلي عليه واعتذري منو
ايمكن يرجعك
بس الرجال اذا عاااف خلاص
انت كسرتيه حاول معاك بس شافها اهانة منك له وهذا سبب زواجه السريع
بـــوحـ
بـــوحـ
وعليكم السلام
لا تتحسبين ماحد خرب حياتك انتي خربتيها بأسلوبك وعنادك وهو ماقصر وسوا اللي عليه واكثر
متوقعه الحين بعد ماخطب يتراجع ويترك بنت الناس وحتى لو تركها ماتخافين من العقوبه خربتي عليها
الحين شيليه من راسك وتركيه بحاله وانتي فكري بحياتك وخلي اللي مريتي فيه درس لك ماتدخلين احد في حياتك الخاصه
والله يكتب لك اللي فيه الخير
أحب دمشق
أحب دمشق
الله يفرج همك