ندمت على كل شي سويته

السلام عليكم بنات
كيف حالكم
بدخل بالموضوع على طول بس ياليت من كل كل قلبي
اللي موب فاضيه لاتقرا الموضوع طويل
بقسم الموضوع لفئات
اناً متخرجه قبل ٤ اشهر
للعلم اخذت الشهادة على كبر عمري ٣٠ سنه
تأخرت كثير بدراستي وانسحبت وتعبت
لكن استمريت
اناً من يوم طلعت ع الدنيا حظي زفت بكل شي
من صديقات اهل أقارب شكل اقل من عاديه بكثير
مالي حظ باي شي بالدنيا
مع كل هذا اناً نيتي طيبه وسليمه
اناً وحده اللي بيديني
مو لي الحين بفهمكم وش اقصد
ونفسي مالي عليها اي حق اموت نفسي تعب على حساب غيري يعني البيت
مثلا
انا اكرف كرف لامي قايمه بكل البيت وخواتي وكل وحده نيمه وعلى الجوال
احيانا امي تضغط علي لكن لما اقولها ليش فلانه
وفلانه ماينظفون ليش كل شي علي بس تقول خلاص
لاتسوين شي لكن قلبي مايطاًوعني اني اخليها تكرف لحالها
قسم بالله اشيل البيت كله عشان اريحها
مع كل هذا
مدري ليش امي قلبها من يوم كنت طفله مو حنونه ولا حابتني ابد جافه جافه معي لابعد درجه عكس خواتي
لدرجه والله احيانا اقول تغار وضعها مو طبيعي معي
عكس خواتي اقسم بالله ماينظفون ولا شي وامي تموت فيهم تعشقهم
اناً العكس ماتشوفين شي
اللي بوصله لما تخرجو خواتي كلهم امي تجي تغثني
بالواتس قبل يتخرجون تقريبا ب اسبوع
يلا بعطيك فلوس واحجزي احسن مكان نحتفل فيهم
ويلا نسوي لهم هدايا يعني مره تتحمس لهم وهم
توهم بالثانوي كلهم قسم كنت اسوي كل شي
لخواتي واشتري احسن للهدايا لهم كنت اتوقع لما اتخرج بيسون لي وامي بتقول
لخواتي يالله نسوي لاختكم كذا
اكتشفت العكس تماما ماحد مهتم!!
امي تقولي اليوم انتي كبيره وشوله تحتفلين !!
موب بزر
اناً قسم بالله مو قصدي مابي شي اصلا اللي بيديني
مو لي لكن ابي احد يحسسني انيً مهمه ابي احس
ب احد فرحان فيني لو بشي رمزي
قبل شهرين قلت بمزح مأسويبتو لي حفله قالت امي
قصدك التصوير خلاص بعطيك ٥٠٠صوريها
ورجعيها لي متخيلين ؟
ولما قلت ابوي دايم يهدي كل خواتي ليش ماقلتي
لي يهديني زي ماتقولين له دايم قامت تصرفني
تقول مضغوط تخرجك جاء بوقت غلط وانتي موب بزر هذا كبرك عمرك ٣٠ تقارنين نفسك بالبزران
اسكت


تجي الفئه الثانيه الاقارب
عندي
ثلاث عائلات علاقتي معهم قويه وشبه عطيتهم كل شي
الأولى
بنات عمي
اربع بنات بكل سفره اقصر على نفسي ولا انساهم
كلهم تخرجو واهديتم مع كل هذا
ماحد أهداني منهم الا ثنتين بس والثنتين سحبو
بنت خالي اول ماتخرجت نفسي الشي
أهديتها سلسال ذهب وعطر ماهدتني بس باركت
بنات عمتي اااااااه كنت احرم نفسي
وابخل على نفسي واحط كل فلوسي لهم
وحده تزوجت منهم اهديتها طقم
وثانيه تخرجت من كليه وماجستير وأهديتها بكل المناسبتين
ووحده تخرجت وتوظفت وأهديتها
نجي لفئة الصديقات
المقربات اللي اجلس معهم ببجامه من شده
كلهم قرابة عددهم ٤
هالاربع كلهم تخرجو بدري واهديتهم وصلحو حفلات
لهم بقروب كنا نتفق ونفاجاهم
كلهم تزوجو اهديتهم
ثنتين اخذو الرخصه اهديتهم
ثنتين ساقو اهديتهم
وحده ولدت اهديتها
المصيبه بكل المناسبات هذي صديقاتي يسون قروب
بدون صاحبه المناسبة ويجلسون يخططون
بتسوي حفله بنسوي كذا وكذا
كنت متوقعه مليون بالميه بيسون لي كذا
والله ثم والله ان كل ماقالو فلانه فاضيه بنجتمع
اكشخ احس ان مناسبه تخرجي انصدم ان مافي اي شي
سكت وكتمت ولليوم مقهوره من ٤ شهور صرت شخصيه
حساسه بزياده اناً خلقه خلقه حساسه
زدت مليون مره
صرت ابكي اي شي يأثر فيني كلمه تقلبني قلب انفس
امزج من كلمههههههههه بس نفسيتي صارت هشه
اناً شفت كثير من الناس لكن دايم ببالي ليش
الطيب واللي يسوي الخير كذا الناس مايعبرونه
مايشوفونه شي ولا تهمينهم حتى اهلك لانك طيبه
وساكته مالك اي أهميه ولا وجود لكن لو قويه ولسان
يحظون لك الف حساب
والمصيبة الأكبر كل اللي ذكرتهم فوق من فئه الاقارب
والصديقات كلهم تقريبا موظفات وعايشين احسن شي
واشرف سنابتهم للي يشتهون يهدون افخم الماركات
بالآلاف يهدون اذا اشتهو لكن لانك موب مهمه عندهم
يستخسرون فيك ريالين
ثنتين من صديقاتي اقسم بالله الخالق وحده ان ولا وحده
قالت لي مبروك تخرجك!!
وانا كنت زي الخبله اركض واحط حفلات وهدايا لهم
المصيبه للحين وقحين
ولا كانهم ساحبين علي
خاصه وحده هي اللي تعتبر ممشيه الشله
ودايم هي اللي نتعمد عليهم وهي اللي تفتح موضوع
الحفلات والهدايا لكل وحده عندها مناسبه
وتقريبا هي اقًرب وحده لي في الشله
ليش لما جاء دوري سحبت علي ؟؟