ندمت على هالشي

بنات احس ندمت
وجانيني من يومين جلد ذات بشكل ماحد يتخيله
انا شخصيه رحوووووووومه لابعد درجه
يعني من شده مو انا رحومه الناس يحسوني
ضعيفه شخصيه
وناس يستغلوني
وخواتي اخدمهم بعيوني واقطع نفسي لهم
مو خوف ولا اجبار لكن شخصيتي كذا
انا ارحم كل الناس حتى عدوي
فما بالكم خواتي او اقاربي او اهلي
مستعده اقطع نفسي لهم
عندي اخت
كبيره بالكليه وانا اكبر منها بكثير عمري قريب ٣٠
المهم
مستحيل اروح مكان الا اقولها
فلانه تروحين معي
فلانه بنطلع حنا وبنات عمي امشي معي
حتى لو مالها خلق
اقولها
عشان
لاتحس مجرد احساس انها مو مرغوبة
او ماحد قالي !!
المهم تخيلو قبل يومين
اختي كانت بتطلع كوفي مع صديقتها
يمين بالله اني جالسه اكوي لها عبايتها
واساعدها وهي تتجهز
طلعت قلت بروح مع امي اجيب اغزاض نص ساعه وبرجع
جيت كلمت اختي قلت
فلانه اذا بغيتي ترجعين البيت دقي على ابوي يفتح لك
لان حنا مو فيه البيت
نص ساعه ولنرجع
لاحظو
الكلام اللي بتقوله
(قالت لا توي اصلا بروح كوفي ثاني )
بسسسسس هالكلمتين قالت لي
وشكرت توقعت هي وصديقتها بيطلعون
كوفي غير
فجاه
اشوف هي وبنات عمي الثلاث بنفس الكوفي !!
فجاه
خلصو من الكوفي على ١٢
وراحو مطعم الى ١ونص كل هذا وانا بحالة صدمه
ليش ماقالو لي
دخلت بنت عمي علي قالت
الطلعه مالها طعم من غيرك ليش ماجيتي
قلت ماحد قالي !!
قالت الا والله لما كلمنا فلانه تجي للكوفي
قلنا لها علمي فلانه اللي هي انا
خليها تجي معنا
بس قالت ماتوقع تقدر تجي مايمدي !!
ولا لبست
انا هنا جد جد انشحنت ع الآخر يعني هذا جزاتي
الى عبايتك اكًويها لك
وكل طلعاتي اجي اقولها تروحين معي
تطلعين معي
يمين بالله احيانا اجل طلعه عشانها اغير يوم الطلعه
كله عشانه
اول ماجت فتحت لها باب الشارع
وكنت منشحنه
قلت خير ليه ماقلتي لي بتروحين مع بنات عمي
ليش ساكته قالت هم كلموني قالو تعالي معنا
قلت طيب ليش ماقلتي لي ؟
دايم اول من اقوله انتي ليش سافهتني
قالت ماتوقعت تجين
حتى فلانه تقصد بنت عمي تقول قالت ماتوقع تجي
بتجلس تلبس ساعتين وتحوس وبيروح الوقت
قلت لا
وانتي تمشين على رأي الناس
مافكرتي الا بنفسك وانا كل همي انتي
واقسم بالله لو تبي تحليل تسوي ليزر لي شي
تغثني امشي معي ماتعرف تروح لحالها
واروح معها لما جت الطلعات والسهر جاحده عني
هذا اللي جاء ببالي جاحده
لاني داقه عليها على نياتي اقولها اذا رجعتي
كلمي ابوي لان حنا طالعين نص ساعه نجيب غرض
قالت لا توي بروح كوفي ثاني بعد شوي !!
ولا فكرت تقولي صديقتي بتروح وبطلع مع بنات عمي
المهم نمت وصحيت تحاول تهرجين
وانا سافتها
جت قالت
انتي وش بك منفسه من امس
تراك منفسه من لا شي
وكملت
طلعت كل اللي بقلبي قلت انتي انانيه
وكل همة نفسك انا بكل مكان أخذك
وبكل مكان
معي وادفع لك وأخدمك !!
وهذا جزاتي
اول مره اقسى على اختي كذا
قامت تتلعثم وتصور لي رسائلهم وهم يقولون لها
تعالي اذا خلصتي من صديقتك
قلت انا ماهموني انا اشرت عليك
لاني اختك وحركتك
فيني انك ساكته عني تجرح
المهم بعد مانتهت السالفه وصار لها يومين الحين
كرهت نفسي حسيت اني قسيت عليها
تذكرت شكلها وهي تتا بالكلام وانا اصارخ عليها
انه ليش جاحده وليش ساكته وهي واضح ماتدري وش تقول
وأحس كبرت السالفه من لا شي
قسم نددددمت اني نفست عليها 😭
وجرحتها شوي بكلامي وعصبت عليها