ندمت وهل ينفع الندم ! .. !

السلام عليكم ورحمة الله وبركاتة
أنا عضوة جديدة معاكم وأتمنى أفيد وأستفيد وأعتبروني كأخت بينكم وجيتكم وأنا شايلة مشاكل كثيرة وأتمنى أني ماأكون ثقيلة عليكم لكن والله العظيم أحترت بنفسي وماأدري من أسأل قلت مالي غير الله ثم أنتم مشكلتي أني تزوجت وأنا صغيرة وأنجبت وعمري 16 فأول ماشفت طفلي ماحبيتة ولا أرضعته مني لأني تقرفت منه قالت أمي اني في فترة كآبة بعد الولادة لكن عدت بعدها 4 أشهر وبعدها صرت أقرب منه بس ما أخلية معي الا كذا ساعة والباقي عند أمي ولا أخليه ينام عندي عاتبني زوجي لكن كنت أبكي بكى حار لما اقرب من طفلي لكن أنا أحبة بس كنت أحسة يسلبني اشياء ماني عارفتها ماأدري كيف اوصف أحساسي في الوقت الي فات والشيء المضحك المبكي اني كنت أغار لما كان زوجي يشيلة ؟! فكان زوجي أكبر مني بـ 10 سنوات وكان عاقل وحكيم بتصرفاته ولله الحمد معي ولكن تربى طفلي على عصبيتي ونفوري منه بعد ما أنتقلنا بعيد عن أهلي فكان يجيني يبغى يكلمني وكنت أقوله أسكت تبغى تاكل تشرب ايش ناقصك ؟ يعني خلاص مابيني وبينه شيء غير الاكل والشرب لما أتذكر تصرفاتي معاها أبكي بكى مرَ شديد ووالله أني بكيت الان ولكن لا ينفع الندم الان لولدي 5 سنوات ربي يحفظة وبدلت اسلوبي معاه اقراء كثير عشانه واغير اسلوبي ومعاملتي معاه ولكن له سنه لما يجي يتكلم يتكلم بصعوبة في بداية الكلام بعدين يمشي كلامه طبيعي يعني مثلاُ يبغى مني العب معاه يقول (( ماما آآآآآآآلعبي ممممممعاااااي .. يمد الحرف كثير بعدها اصبحت اتركه يتكلم كثير معايا ويطلع كلام كثير جواه واختفت بشيء بسيط ولكن الى الان هيه معاه ايش اسوي لما نروح عند ناس ويلعب مع الاطفال يقعد بيكلمهم ويسحب الحروف يضحكو علية ويجيني يبيكي مع انها بس معاه في بداية الكلمة فقط والباقي يمشي كلامه تمام فهو أتعقد من جواته من هالشي يقولي انا ما أسوي كذا ويجلس يمدد في الكلام ؟ أكلني قلبي تأنيب على طيشي وتفريط بس جهل والله جهل مع اني ما أعفي نفسي من الخطاء .. وكل ليلة أبكي كل ما أتذكر افعالي معاه قسااااوة لا تطاق ومع مين مع طفل صغير؟! والان زوجي متعبته هذي المشكلة الي ماعرفناها الا لما جاء طفلنا بكلام ممدد ومكتوم ومو عارف يطلع الي في قلبه الا بالحركات أكتر من الكلام ماتوقعنا هالشيء ولكن نعمة انها جات على كذا والحمدلله على كل حال وللمعلومية ترى طفلي مافيه توحد ..



والان حطيت همي على أمل كبير انكم تساعدوني وكل من قراء مشكلتي يدعي لي ولطفلي لأن بيتي تعبان حيل من هالمشكلة وتذبحني نظرة زوجي وهي مليانة كآبة أذ تكلم طفلي عند أهلي وأهلة أحسة مليان حزن بس مايقولي دلوني الله يوفقكم وأنا كلي أسف اذ ضايقتكم بمشكلتي وطولت عليكم .. أختكم الظامية