واكثر من مره رحنا للغضاء وشفت الهلاك هناك برعاية ادارة منتزهات الغضاء وصدق من قال اكرم اليد تستحي العين
كنت اظنهم موجودين لحماية المتنزهين لكنها كانت تحمي المستهترين وحاضرة فقط لجباية الاموال من المخميات وتاجير الدبابات اللي انزحت حتى انشرو دباباتهم على جنبات الطريق بدون خوف او حياء وعرضو ابناءنا للخطر ,, فقط استاجر دباب بدون اي وسيلة حماية للراكب وياجرون اطفال صغار السن الدباب اكبر منه
وياما سمعت من حوادث موت للشباب والاطفال والنساء بهذا المنتزه البري من سنوات وكذلك حوادث السيارات وعائلات راحت على هذا الطريق الزراعي اللي يربط البدائع بعنيزه وكلن يشوف انهم يمشون 130 كم 140 كم مااحد يقول لهم شي طبعا يعتبرونه طريق سريع لااشارات ولامطبات ولا شرطة وهذه النتيجة
كل شي قضاء وقدر ماقلنا شي لكن نبينا محمد صلى الله عليه وسلم قال اعقلها وتوكل اي اعمل بالاسباب لاتقاء الشرور
اجل بيضيع البلد والدولة ونقول قضاء وقدر الله يرحمنا بس
هاذي المقدمة عشان تفهمون وش قصدي
يابنات المملكةمن شرقها لغربها ومن شمالها لجنوبها (( مالها الاحريمها ))
عنيزه بتكون البداية لتاديب الادارات النائمة وتستمر حملة تغطي المملكة كلها ابيكم اتحاد لعمل حملة بالمنتديات وغيرها
نبي موقع بالفيس بوك والتويتر )) اللي تقدر تسوي لنا الصفحات
لا للمركبات القاتلة (( الدبابات )) في المملكة
في غضاء عنيزه في الثمامة في كل مكان
ياامهات ياباء يااخوان يااخوات
اذا انكسرت عصى صحنا عليها من كسرها ولانرضى كسرها فكيف فلذات اكبادنا تطحن طحن تحت انظارنا :06:
وعليه يجب ان نحدد اهدافنا ونوحدها ونتعاون جميعا لانجاحها
1- تظامنا مع اسرة الفتاتان ( فوزيه المطر واميرة المطر ) نعلنها لا للدبابات بغضى عنيزه لانريد ان نراها هناك :mad:
نود من الاهالي التظامن معنا وعدم استئجار الدبابات نهائي
ومن عنده دباب خاص ان يتظامن معنا ويحترم مشاعرنا وعدم احضاره للغضا
2- نريد محامي ياخذ حق هاتان الفتاتان وان المسؤولية تقع على البلدية والمحافظ عنده علم بوضع الغضا والشرطه والمرور والصحة كل واحد منهم ماعمره تقدم بشكوى لتحميل المسؤولية لاي طرف اخر
الصحة ترسل الاسعافات تشيل المصابين بسكات والشرشورة لنقل الاموات بدون مخاطبة المرور والشرطة وتحميلهم مسؤولية حياة المواطنين
يعني الكل شايف الخطر بس ينتظرون متى وقوعه وعادي وترجع الاوضاع للسابق
لابد ان يتحملو المسؤولية ويدفعو الملايين عشان يحسون بوجع المواطنين المفجوعين بعيالهم ,,اكيد توجعهم الفلوس اللي جمعوه ملايين الريالات ببلاش
3- لابد ان يسيج الخط وتوضع مداخل خاصة بالغضا ومطبات تخلي السيارة تمشي سرعة عشرين
4- لاصحاب الدبابات وايجارها ارحلو عنا فجشعكم قتل فلذاتنا . لايوجد لديكم اي وسيلة من وسائل السلامة للراكب فهذ لايهمكم والا كيف تاجرون اطفال من سبع سنوات وثمان سنوات ودبابات اكل عليها الدهر وشرب تقوم برمي الراكب من ظهرها وبها عيوب لايعلمها المستاجر .
ارحلو من الغضا شوفكم يذكرنا باحباب فقدناهم
واذا تكاتفنا سنتين بينتهي شي اسمه ايجار دبابات
لاتستهينون بانفسكم المراءة هي ست الكل وهي الام اللي يطيعونها عيالها وابو عيالها وهي الاخت الناصحة وهي البنت الذكية المقنعة لعائلتها
5- في صفحة الفيس بوك والتويتر وحتى هنا لابد من الاحصائيات عن اخطار الدبابات وانها مركبات مثلها مثل السيارات لكن نحن نتعامل معها على انها لعبة مسلية
كل من عنده قصة حدثت وماساة يسردها للعظة والعبرة للحذر
نتمى ان نتفاعل مع الموضوع وان ياخذ حقه من الاهتمام من جميع شرائح المملكة
بنات انا قلت ماعندي وانتظر منكم جواب
يمكن تعبيري هاه بس متحمسة للموضوع
سنحمي انفسنا وعائلاتنا واطفالنا باذن الله
اللي عندها اقتراحات واضافات لاتبخل علينا واللي تقدر تنقله لمنتديات اخرى لاتقصر يعطيها العافيه
الفكرة لكم وانتم طوروها
اسال الله ان يبرد مصيبة اهلهن بالايمان ويخلف عليهن شبابهن بالجنة الله يرحمهن ويغفر لهن