السلام عليكم ورحمة الله وبركاته
في البدايه حبيت اقول للي فقدوني جعلكم ماتفقدون غالي << هذا اذا فيه احد فقدني :44:
المهم ياطويلات العمر وانا افرفر في أحد المنتديات الا تطيح عويناتي على موضوع جابلي المر
المطاعم .. المطاعم يابنات .. الحين بذمتكم انتم ماتحوم أكبدكم اذا الشغاله سوت العشا والا الغدا بدون اشراف منك؟
يعني وانتي ماتشوفينها ماتلوع كبدك وتحسين انك موب واثقه من نضافة الأكل ؟؟ مادري عنكم انا اتكلم عن نفسي طبعا
انا ماحب الشغالات يسون الأكل أبدا أبدا :( بس دايم افكر بهالموضوع الا وهو .. المطاعم
واتسبديــه ناكل وناكل وناكل من هالمطاعم ولااااااشفناهم ولا ندري كيف نظافتهم السكاكين مغسوله؟؟
الصحون ؟؟ لابس قفازات والا لا؟؟ يغسل الخضروات قبل يقصصهن؟؟ المكان اللي يطبخ فيه من دااااخل شلون شكله ونظافته؟؟ والا من برى الله الله ومن جوا يعلم الله؟؟
عموما طولت عليكم وبوريكم الموضوع اللي شفته وحامت كبدي خلااااااااص مابي اكل من مطعم خلاص
وياليت يالمشرفات ياحبيبات قلبي ماتحذفون موضوعي ولاتنقلونه لأني أتمنى مره وحده بس ماينحذفلي موضوع
نزع الستار عن بعض مطاعم الفول والكبدة وغيرها
الكل منا يعرف انتشار المطاعم في الاونه الاخيره وكان الانتشار ملحوظاً , فلذا ان 99% لا يعلمون عن مدى نظافة هذه المطاعم , والله اللي اشوفه انه يذهب العقل كما يذهب عقل شارب الخمر وانا جايب لكم اكثر من صوره لكي تفقهون ما يحدث داخل المطاعم وانتم لا تعلمون
-1-
زي ما انتم شايفين كيف وضع الثلاجه هنا هي في حاله يرثى لها هل رأيتم كيف يتم التخزين !! واغلب المطاعم تكون ثلاجاتهم كذا
-2-
شوفو كيف فتحة الصرف الصحي مكشوفه جنب جرة الفول
-3-
وش رايكم بهذي الصوره والصرصور يتسبح في طشة غسيل الخضروات
-4-
شوفو يا احبتي وش يسوي اخينا في الله البكستاني اكيد ما عرفتو وش يسوي انظر للصور اللي بعدها وتعرفون
-5-
شفتوو اخينا في الله صار يفرم البصل بقطعة قماش وتم اخذ مسحه طبيه من هذي القطعه وجدنا عدد البكتيريا 2800 بكتريا والحد المسموح للبكتريا وبعدها تتلف 250 بكتريا شفتو الفرق, كل هذا بخل عشان يشتري فرامه بصل ولا همه صحة الناس اللي تشتري منه
-6-
هذا احد التوانكي لدى احد المطاعم المشهوره وشوف التانكي
تقولون ما فيه شي اوكي انا معكم ان ما فيه شي بس انا حاطه استهبال لالا دققو زين في الصنبور ,
شوفو الكوع اللي على اليسار تحصلونه من حديد وفي جوف الكوع يوجد صدا متراكم ,
وهذا الصدا يعطي نكهه مميزه من بد المطاعم
-7-
برضو هذا احد البخلاء عشان ما يغير الزيت
-8-
نفس خوينا اللي فوق
-9-
عاد هذي الصور انا بغيت اتهور واطق البكستاني يوم شفت معه الزقاره واقوله ليه تدخن يقول هذا سيجاره مافي حق انا ,
-10-
هذي فتحة الصرف الصحي وموقعها داخل المطبخ يعني انواع القذاره في الاكل
-11-
نفس الصوره بس من جهه اخرى
-12-
شوفو الاكل الصحي << صحي ببطنك وش رايك بالمنظر يشهي صح وهو مكشوف يم يم << تقوطر سعابيله يوم دخلنا هذا المطعم كانت الساعه 11 الصباح ما طلعنا منه الا الساعه 12.30 دخلنا وطلعنا الاكل مكشوف الله العالم من متى وهم مصلحينه ومخلينه مكشوف وشف كم بكتريا وكم ذبابه اخذت لها لقمه وطلعت وااااااااو اكلاً شهي
-13-
ذا العامل اقوله وش ذا السواد اللي بظافرك يقول هذا من الشغل وربي انه كذوب ياخوفتي انه يشتغل في الورشه اللي جنب المطعم والمطعم نقصهم واحد وجابوه على طول ولا غسل يدينه وقعد يقطع الزلطه>> السلطه اللي يتكلمون بالاتيكيت وعلى فكره ترا هذا العامل يعمل لدى مطعم معرووف العالم منكبين عليه كب
-14-
انواع الامراض في يدين ذا العامل شوفو اليد اللي على اليمين شوفو اظافره واليد اللي على اليسار البثور اللي فوق السبابه
-15-
بالله هذي صاطوره يقطع بها لحمه ولا يقول هذي الصاطور من احسن الصواطير عندنا ولو تلاحظون ان اللحمه متجمده و من الغلط تقطيع اللحمه متجمده و وضعها في القدر وهو ساخن
-16-
لا تعليق الصوره تتحدث
وأشك انها كبدة حمار
منقوووول