ياقلبي انتي والله ان ربي معاك اسمعي انا اخت ام نوره
شوفي اول شي لازم شغاله ولو كانت بالشهر عشان ترتاحين واذا بغتي رقمها انا حاضر وغير كذا لازم تقومين الصبح الساعه 7 وتفطرين تسوين عصيده ومعها كب حليب وفلفل اسود وتحركينه وتشربيه او قرص معفوس بزبده وعسل او سكر
والغدا لازم مرق دجاج او لحم او مرقوق او قرصان
والعشاء مصابييب او اي شي منما سبق
وروحي العطار وخذي منه(قشر قهوه يمني وكمون ويانسون حب واعواد قرفه واخلطيهم بعلبه وخذي كل يوم كميه بيدك وحطيه بترمس بدون سكر واشربيها خليه الشاي حقك هو اشربي 5 اكواب باليوم ع الاقل انتي اذا حطتيه بالترمس صبي مويه حاره عليه وخليه ينقع نص ساعه واشربيه
لا تتطبخينه
انه ينزل الاوساخ الي برحمك وينزل االمشيمه بعد وانتبهي لاتسوين تنظيف لان وحده سوت تنظيف واسحبو المبيض حقها وماصارت تحمل
وفيه الان بس معرف باي مستشفى بدل مايسون تنظيف داخلي يعطونك ابرة تنظيف اسمها بس معرف وين يضربون الابره فيه يقولون الحريم انهم يعطونك الابره ذي وهي الي تنزل المشيمه والاوساخ وهذ افضل شي وفي وحده اعرفها ماسوت تنظيف ابد يوم سقطت بثاني شهر راحت لحرمه وعطته ادويه اعشاب ونظف رحمها بس معرف من الحرمه انا اسمع جارات اهلي يقولونه
اسمعي لازم تاكلين حمض الفوليك عمن الان حبه يوميا الين تحملين ثاني لان حمض الفوليك يمنع التشوهات للطفل خاصه بانك تسقطي دايم
واذا حملتي لاتعلمي مخلوق الين 7 شهور وحتى مو لازم تقولي الين تولدين واذا احد سالك قولي الدكتور قايلي كذا عشان صحتي
واسمعي روحي للعطار وخذي منه هالاشياء الي بقولها وهذا لهوم اذا اخذتيه اطحينيهم عند العطار قدامك اوببيتك واحرصي تاخذين لهوم من اي وحده ماتعرفين وش مصدره والا ايش مكوناتها (حبه سوده وحلبه وكمون وماش وفلفل اسود ونانخه وشمر ورشاد بس الرشاد قليل )واشربي كوب صبح وليل وحطي هذا اللهوم
وقولي للعطار ابغا كبو الهوا
وانا افضل تجبين قشر بصل الي ببيتك وكمون حب ومره مجروشه وتبخري باللي وع طول بفراشك طبعن تكوني لابسه شراب وغطي اذنك لازم تحترين ولا تنامين عند مكيف
وابعدي عن البن والزبادي والاشياء الزجه
واسمعي اهتمي بالدوره الي بعد النفاس الحين اذا تطهرتي اهتمي بالدوره الي بعدها ع طول لان اذا تسنعتي اضبطت امورك واذا لا خربتي يعني تخربين من تحت فهمتيني
والدوره الي بعد هذي خذي ع الريق الصبح الهمي بيدك شوي هذي الشي (مقادير متساويه من محلب مو حلبه ومره وعنزروت)وخذيها ع الريق 3 دورات يعني بكل دوره تجيك من اول يوم الين اخر يوم دوره لان اذا بقا شي بالرحم هذا ينظفه وينزله
واشربي وراه حليب دافي او مويه
واقري ع نفسك واقري صورة البقره واستفغري بنيه الحمل
واسمعي
اقري هذا الدعاء قبل تنامي اذا حملتي يوميا
(اللهم اني استودعتك جنيني الذي في رحمي وانت الذي لاتضيع ودائعك يالله )
(اللهم احفظ جنيني واحمه وامسكه ان يسقط واتم حمله ع خير)
(اللهم يامن امسكت السماء ان تقع على الارض وهي بلا اعمده امسك مافي رحمي واتمم له ع خير)
(اللهم اعيذ مافي رحمي بكلماتك التامه من كل عين لامه اللهم اسالك ان تحفظه وتجعله معافى كامل الخلقه دون زياده او نقصان)
يالله الحين بسرعه اكتبي هذا الدعاء بجوالك عشان تحفظينه
شوفي ياقلبي في اشياء تسوينها ن تحت بس استحس اكتبها هنا ههههههههههه برسلها لك ع الخاص الحين
دعواتك بس لي ان احمل هالشهر
اسأل الله الحي القيوم أن يشفيك ويعافيك ويعوضك كل خير ويرزقك بالذرية الطيبة ..... حبيبتي لاتهملي نفسك التسقيط مو سهل لازم تعتني بنفسك ولازم يكون في أحد يدير بالو عليك بالأكل ولازم ترتاحي ولا تبذلي أي مجهود ..... الله يعوض عليك يارب
الصفحة الأخيرة
لازم تهتمين بنفسك اذاسويتي الغدا ارفعي لك شوي مرق مع قطعه لحم اوربع دجاجه وحطي عليها شوي كمون وفلفل اسود ،وكلي خضارشوفي محل القرصان يكون عنده قرصان جاهزه رطبه حطيها مع مرق الخضارزي المرقوق بس اسهل ،في الصباح سوي سوي ترمس حليب وحطي في الكوب شوي كمون وقرفه حسب رغبتك وكلي معها خبزبروبيض مسلوق وخياره وطماطه،ولاتنسين التمرمع الرشاد قبل الفطورمع قشرقهوه خذي طريقتها من المنتدى،وفي المغرب كلي فاكهه واي شي تشتهين.
لفقر الدم:انقعي زبيب يماني في الليل خلطيه في الخلاط مع حبه تفاحه مره مفيدويرفع نسبه الدم ان شاء الله .