أنا دمعتي ما تنزل اإلا عند الشديد القوي
نزلت دمعتي غصب عني يوم زواجي تذكرت أبوي جعل النار محرمه عن وجهه
ونزلت دمعتي يوم ولدي دخل غرفة العمليات أول طفل لي وأشوفه يتعذب قدام عيوني
الحمد لله على جميع نعمه ..

المواقف كثيرة وتختلف منها دموع فرح ومنها حزن ومنها تشره--
يوم اغمى على ولدي في البرجون كنت في حالة الله العالم فيها حسيت انه مات قمت شلته وخليت ولدي الصغير في عربيته لو احد خذه وطلع به مادريت عنه موقف لا احسد عليه-
موت عمي الله يعوضة بشبابه في الجنة ويغفرله ويوم اشوفه محمول من طرف باب بيت اهلي ذكرته وذكرت لعبنا معه0
موت جدي الله يرحمه حسيت ان حياتنا وجمعتنا ناقصة بدونه اذكر ذاك اليوم يوم يحضر عندي مناسبة عشاء في الليل مع انه مايحضرعزايم الليل ويقول لابوي اليوم عازمتنا امي اللي هي انا 00اه ياابوعلي قصرت في حقك كثير وافتقدتك اكثر يكفيني لحيتك اللي تدغدغ فيها وجهي ورجلينك النحيلة اللي تجلس عليها العالم وتقعد تغني يامرحبا ترحابي ترحيبة الغيابي- وتقعد تهزهزهم الله يجمعنا بهم في جنات النعيم00

بكيت بحرقة يوم ولدت ولدي الاخير بس تشره راحمة نفسي ويمكن من الفرحة ماقدرت اتحمل اكثر شيء يترجم هالموقف البكاء-

بكيت على اشياء قوية واشياء اكيد تافهة وبكيت من القهر بس الحمدلله والشكر ربي في المقابل اعطانا نعم احمده واشكره00


الموضوع الى اعلى000

جزاكن الله الفردوس على المشاركه والتفاعل مع مواضيعي واشكر مروركن العطر ياغاليات