رفع

سطل البوية الصغير ب25 ريال
انا صبغت صالتي استهلكت مني جالون ونصف
اخذت لون ابيض زيتي وسألت البائع مناسب للموية والصابون وطلبت انه ما تكون لها رائحة يسمونها بوية اطفال وتجديها عند كذا شركة
واسألي البائع عن طريقة الصبغ وراح يشرح بالتفصيل الممل

العملية كلها تحتاج:
سطل بوية + فرشاة رول بـ10 ريال + عصا فرشاة لأماكن البعيدة + فرشاة صغيرة لأماكن الضيقة والزوايا + لزق لاطراف الأبواب والأفياش + علية تنر للحوسة ولتنظيف بـ5ريال

كلها التكلفة ما توصل لـ150 ريال

قبل من تصبغي لازم تمسحي الجدران بموية علشان لو كان فيها تراب وغبار ما راح تلزق البوية
وقبل بـ 5 ساعات نقعي الفرش بموية علشان تكون رطبة وتشرب البوية بسرعة
لازم تعيدي البوية على الجدار اكثر من مره

كانت تجربة حلوة بس ما اتوقع إني اعيدها
لأنها هلكتني وجاني شد عضلي باذرعي وارتفعت حرارتي لمدة يومين
الشغلة هذه مو لنا يبغالها رجال

والله انا مثلك
ومخاسير من كل جهة نقل واثاث
المهم..
اخذت صبغ زيتي مخلوط وطلع لي ارخص بكثير
لان الزيتي بعد ماتروح ريحته بسرعة
المهم السطل اخذته بـ 115
والشقه استهلكت فيها 4 سطول
وشغل العامل 700
يعني يعتبر سعر معقول..

تسلمون جميعا ماقصرتوا

ان شالله يقتنع بس نصبغ ابي شي موب غالي وشكله معقول لاني مدي وش كثر بنجلس بالشقه هذي

الله يعين بس

الله يعينك بس ياختي راعي ظروف ومشاعر زوجك ولا تضغطين عليه



موفقه ياختي الغالية