نزلت من ١١٨ لـ١٠٤ .. و رجع كل اللي نزلته !

هلا حبيبتي .. صدق من اسمج .. الحياه حلوة :)
اتصدقين ماشي احلى عن الأكل و اظني هذا اعتراف الكل .. بس الاكل حلاته فوقته .. والصحه حلوة على طول !!
من كلامج أشوف انج جادة تبغين اتغيرين .. وهذا اهم شي ..
الواحد لو ماحس بالغلط و اعترف .. ممكن يستمر و ينصدم بعد ما يفوت الفوت

بطول عليج فالرد .. بس حبيت والله افيدج !
لازم تبدين تحطين معايير اساسيه لاكلج .... مثال:
1- بيبسي والمشروبات الغازيه
شو هذا المشروب ؟؟!! .. عمرج شفتي شجرة او حيوان او بكتيريا او سمك .. ينتج البيبسي ؟؟ ...
للاسف الغازيات مصنوعه من 0% مادة طبيعيه ممكن تنزرع او مخلوقه ..
يعني تخيلي تاكلين شحم(grease lubricant) أو صبغ .. مستحييل .. لانها عباره عن مواد صناعيه ...
للأسف البيبسي مثل الشي أقري مكوناته
ماي كربوني \ فركتوز (مصنع) \ صوص الذرة (مصنعه ولها قصه طويله لو تقرينها بتكرهين البيبسي و الرجيم الامريكي الي يعتمد عليها) \ لو كاراميل (مصنع) \ سكر (مصنع ومستخلص) \ حمض الفسفور (مستخلص ومصنع) \ حمض الستريك (مصنع) \ كافيين (مستخلص) \ منكهات (مصنع في مصنع) !!!
ولا شي من هالمواد طبيعي او له قيمه غذائيه !!!! انا ما اقولج اقطعيه من حياتج تماما ( وهذا افضل شي) .. بس اقولج فالبدايه خليه شي جانبي تجربينه على فترات متباعده .. وكل ما تشربينه تذكرين عمرج انه صبغ اسود ما منة فايده !!
2- نوتيلا وشكولاته و حلويات
وناسه واحد يجربها ... بس عاد هل انسان بالغ ممكن يحصل من هالأكل احتياجه عشان يكون صحي ؟؟
هل في انسان بعقله ممكن ياكل 10 ملاعق سكر و زيادة ؟؟ .. للأسف هذي النوعيه من الأكل هي عباره عن 80% سكر + والباقي منكهات و مصدر كاكاو ..
الفكره ان الانسان يكبر و معه تقل كفاءة جسمه .. هاي طبيعه الدنيا .. مثل ما درسنا في الابتدائيه النمله والصرصار .. يوم كانت تتعب النمله في الصيف و تجمع الأكل .. ترتاح في الشتا .. ونحن مثل الشي نحافظ على الصحه فالشباب .. فنكبر بتساهيل وعافيه !
3- وجبات سريعه و من برع ... بيتزا و برجر و ساندويشات غير صحيه وفطاير ممزوره بالجبن والزيت ..
تخيلي بيج ماك من ماكدونالدز بدون الشبس والبيبسي فيها 550 سعره (29جم دهن و 10جم منها دهون مهدرجه\ املاح صوديوم 1000جم...الخ) ...
للأسف سم هالوجبه أكثر من منافعها .. و مشكلتها مب بس انج تاكلينها .. بس عقب ما تاكلينها تحفزر الانسولين والجوع و الجسم بعدها ينفجع ويريد ياكل اكثر... هذا الرابط يوضحلج شو يصير بعد الاكل:
http://screenertv.com/misc/inf...
خواتي الانسان ياكل حتى يعيش .. هالأكل الله سخره لنا حتى نستمد منه مقومات الجسم من عناصر اساسيه
للأسف هالوجبات عناصرها الأساسيه غلط .. الدهون الغير طبيعيه عاليه والسكريات و الأملاح .. كيف نتوقع ان نكون بصحه ولياقه عقب ما ناكلها ؟؟
الأصح في الأكل انج عقب ما تخلصين تقدرين تتحركين وتمارسين اي نشاط .. في حين الأكل الي يسببلج خمول هذا اكل عناصره الاساسيه غلط ..
ولهذا الشي الكل الصحي لما ينطبخ بياخذ وقت .. الوجبات السريعه , ممكن في 5 دقايق تجهز ... بالضبط شو انطبخ ؟؟
4- طبخ البيت .. كبسه وصالونه ومرق و و
صدقيني ممكن تسوين اكل البيت من أصح ما يكون .. دامنج عارفه المقادير والمكونات فما في خوف .
العوق لما تاكلين صحنين كبسه أو 10 قطع محاشي !!
يعني انج تلتزمين بكميه طبيعيه ... واذا طبختي تحاولين تلتزمين بطبخ صحي .. عن طريق استخدام كميه صحيه من الزيت او السكر او الملح او او ...
يعني هالشي بايديج .. حاولي تتصفحين النت اكثر و أكيد بتاخذين معلومات كاافيه عن طبخ صحي
========================================
سمحيلي وايد على الاطاله .. بس حبيت اذكرج .. ان حتى بدون رجيم .. بس عن طريق الالتزام بعادات غذائيه صحيحه ممكن ينزل وزنج
يعني غازيات وجبات سريعه و سكريات واكل بمقادير كبيره .. كل هذا عباره عن 18 كيلو فوقج !!
اتركيها وبتشوفين الفرق
وجذي بتكتشفين طرق واكل صحي .. مثل شرب الماي باكثر عن 2 لتر فاليوم .. فواكه طبيعيه .. خضار باصناف متنوعه ... مصادر دهن طبيعيه .. بروتينات مفيده للجسم .. رياضه ..الخ !

اهلين ي عسل
اول شي وقفي تحلطم وتأنيب ضمير لأنك بكذا راح تكون نفسيتك سيئة
وكل ماكانت النفسية سيئة راح تقبلي ع المسليات كالحلويات والشوكلاتات وهكذا
قوي عزيمتك وارادتك وبأذن الله كل شي راح يكون سهل
لا تبدأي بنظام قاسي ولا حرمان ماراح تستفيدي شي
اذا حابة تتبعي نظامي حياك وان شاء الله تلاقين نتيجة تسرك ي حلوة
https://www.hawaaworld.com/sho...

الفطور الصحي واللي سعراتة قليلة
بيض او جبن او فول او كبدة او شكشوكة
كوب حليب خالي الدسم
الغدا من نفس اكلكم بس ابدأي بصحن سلطة
بس لا تشربي بيبسي مع الغدا الغي البيبسي من حياتك
العشاء تعشي قبل نومك بساعتين
بين الوجبات اذا حسيتي بجوع كلي تفاحه
اهم شي عزيمتك واصرارك