نزلت 3 كيلو في اسبوعين شاركوني الراي

هلين بصراحه انا نقصت 3 كيلو في اسبوعين وزني كان 64 والحين 61 والحين بقولكم طريقتي
الصباح اخذ بريق صغير واحط زنجبيل رطب مبشور ونص برتقاله اعصرها عليه بعدين اقطع القشره واضيفها واليمونه اعصرها عليه ثم اقطعها واضيفها وبعدين احطه على النار ولما يغلي احطه على جنب واضيف ماعقة كمون حب وملعقة خل تفاح واتركه عشر دقايق بعدين اشربه ملاحظه لا تعبين البريق لان اليمون والبرتقال تاخذ حيز يعني ثلاث ارباع البريق ماء
واليل نفس البريق ماء ونص برتقاله ونص ليمونه وملعقة خل وملعقة كمون
تقليل الاكل والبعد قدر الامكان عن المقالي والخبز والرز
والحين ابي اشتري جهاز سير واكمل الناقص
مهم جدا ان الحده ما تجوع نفسها والوجبات الثلاث لازم تتقيد فيها بس تعرف كيف تستفيد من الوجبه الي تاكلها يعني البدائل الصحيه اكثر منها مافيه الله لا يغير علينا الفطور ممكن يكون صحي بخبز بر اوبيض مسلوق اوجبنه قليلة الدسم ا وصحن فواكه مقطعه مع كاس عصير او حليب قلبل الدسم المهم وجبة فطور والغداء كثري السلطه وكولي لحم او دجاج مع خبز بر وفاكه او كبسه بس لا تكثرين الموجود المهم وجبة غداء العشاء هو المشكله يفضل التقليل يعني سلطه وزبادي او زبادي او ساندوش بر مع جبن قليل الدسم ان وجد وقبل النوم باربع ساعات على الاقل لازم الواحد ينام ومعدته خفيفه يكسب صحته
وخيرااشكركم على المرور واتمنى للجميع الصحه والله عطانا النعمه لازم نستفيد منها واي يشوف اخوانا الي عندهم مجاعه واحنا نجوع انفسنا وهم يتمنون قطرة مويه واحنا الكاس مانشربه الا مره او مرتين في اليوم مع ان فوائد الماء لا تعد ولا تحصى والعقل السليم في الجسم السليم:)