نزوجه البت دي ولا ايش ؟؟؟في بيتنا مراهق....

كيفكم بنات عساكم بخير
دعواتكم الله يخفف عني الوحم :09: معلش من اولها طلبات :)انا بعد ما راح انساكم وقت الولادة




الموووهيم السالفة وما فيها اني عندي اخوي مراهق عمره 19 سنة

هو الولد الوحيد عند امي ياهو تحبه حب مو طبيعي ..طلباته مجابة ما انكر انه فاااااشل بسبب الدلع الزايد
لكنه حنننوون وطيب وعسل ورجااال يوقف مع الناس ويساعدهم الخلاصة شهم

البارح وانا اكلم اختي عنه لاني من زمااان ما رحت بيت اهلي وبحكم اني متزوجة امي الله يهديها تخبي عني كل امور البيت مع اني الكبيرة كل شي عندها اسرار في اسرار :( ولا تقولي البلاوي الي يسويها تخاف اعلم زوجي ولا ابوي
المهم تقولي اختي مرة رحنا نقضي ونتمشا كلمته امي بالتلفون وقالت له احنا خارجين بعد الغدا ادا رجعت البيت يمكن ما تلاقينا
رجعت ماما واختي للبيت الساعة ثمانية لقو البيت يلق ومواعين الغدا مغسوولة والبيت مكنس ومسيق كان البيت مرت عليه ساحرة الساندريلا
جاته امي يا فلان مين نضف البيت ؟؟؟؟
بوجهه احمر قالها هادي فلانة بنت فلان جات ونضفت البيت وهي خارجة بكل بروووود
امي ردت عليه ..... الله يرضى عليها (ترا امي مررا هادية ولا تتكلم وخجولة) بدل ما تخاصمه قعدت تدعي للبنت المشكلة الاكبر ان البنت دي ابوها شي كبير في البلد وممكن تلبس اخوي مليون مصيبة وهي اكبر منه وفوق هدا كله كيف تتجرأ تدخل بيت الناس لالالالالالالالاوبعد تنضف لهم ما تقصر المسيكينة تبغا تبين انها سنعة

تقول اختي
مرة تانية سافرنا للمزرعة قعدنا يومين رجعت امي اتصلت بيها الجارة قالت لها ولدك جاب بنت معاه
جات امي تحلفه قالها لالالا ما جبت احد دي وحدة كذابة المهم امي وهي ترتب غرفته لقت الله يكرمكم بقعة دم في الملاية تقولي اختي دم الدورة والله اعلم


مخي بغا يطير ساكتين عليه الين متى؟؟؟
يزوجوه بس هو لا شغلة ولا مشغلة يعني راح يصير بابا يصرف عليهم وافكر اكلم ماما اقولها لو البنت الي تيجي معاه دي نزوجها له وخلاص كفاية مصايب وبلاوي انا قرفت اروح بيت اهلي وقرفت منه بس ما باليد حيلة هو مراهق رجاءا لا تدعو عليه ادعوله بالهداية
بنات الحين ينفع يتزوج البنت الي كانت تيجي للبيت معاه ما نبغى ناخد اثمها
اختي تقول انها اكبر منه ومطلقة بعد
والله ما ادري

الله يستر لا تدخل اختي وتقرا الموضوع
البنات الي قالو يمكن جاب بنت تانية لالالا ما اعتقد هي الجارة قالت انها نفس البنت ويقولو اهي ملزقة فيه من سنتين يعني من عمره 17 سنة
وحتى ابوي لما يهاوشه ويقطع مصروفه اهي بتعطيه مومعطيانا فرصة نربيه الي فتح فمه يبغاها تجيب له هي والحين كلمت ماما تقول ازوجه اي وحدة الا دي البنت اهلها متحرريين مرة ومطلقة وسمعتها زفت وايفة نفسها بفلوس ابوها