نزول الدوره 3 مرات بالشهر

بسم الله الرحمن الرحيم

السلام عليكم... بنات انا الدوره مو منتظمه يعني تجيني شهر وبعدها باربع او ست شهور تنزل عادي من اول مابلغت وهي كذا وانا متزوجه لي اللحين 3 سنوات وماصار حمل ابدددد

طبعا رحت فحصت وزوجي فحص وكان سليم ( الحمد لله )
طلع معي بالاول هرمون الحليب و ضعف تبويض وتعالجت من هرمون الحليب
واخذت كلوميد وابر للضعف واحيان تكبر البويضه وتصل للحججم المضبوط واحيان لا واخذت كمان ابر تفجير
وعملت صبغه و طلعت سليمه( الحمد لله )
بس عندي ضعف التبويض وقالي الدكتور تلقيح صناعي وزوجي رفض الدكتور قالي اذا تبغي تلقيح صناعي تعالي انا ماراح اعطيك منشطات اكثر من كذا لانك راح تتعبي على الفاضي (طبعا الدكتور استشاري في مستشفى حكومي )

طبعا انا ما عاد رحت له ورحت عند ممراخه لما جات الدوره الثانيه وقالت لي الرحم عندك سميك وما يمسك موية الرجال( لاني بعد العلاقة المويه كلها تنزل مني ومايجلس شي ابد ) وحتى لو حملتي بالتلقيح راح تجهضي
واكتبتلي على اعشاب اشربها وقت الدوره عشان تنظف الرحم وبعدها جلست 3 شهور ماتجيني الدوره كالعاده يعني
وجاتني بتاريخ 10-6 وحسبت بالوجع حقها ثالث يوم مع انه دايم احس به من اول يوم
وتنظفت منها بعد 8 ايام من نزولها
بعدها كان عندي مناسبه واشتغلت كثير ونزلت علي ثاني من غير اي وجع يوم 25-6 وكانت كثيره ودم احمر صافي ورحت للممرخه وقالت لي هذي دوره نزلت من التعب ارتفع الرحم عندك على فوق ومرختني وصارت تنزل علي قطع مع الدم (وانتوا بكرامه) يعني صارت نفس الدوره اللي تنزل علي دايم طبعا انا مستمره على الاعشاب اللي كتبتها لي ايام الدوره نظفت بعد 7 ايام من نزولها
وعادي اتقبلت الموضوع وعشت حياتي طبيعي بس اللي فجعني اللحين انها نزلت علي يوم10-7 من غير الم بس اغمق من اللي قبلها ومافيها الا شوي قطع بس هي غزيره نفس اللي قبلها طبعا في هالدوره قلت ماراح اخذ الاعشاب لاني خفت كثير
يعني نزلت علي 3 دورات وراء بعض شي مو طبيعي ابد
وهالمره رحت للمستشفى ثالث يوم في الدوره بس للاسف ماحصلت الدكتور اللي اتابع معاه ودخلت على دكتوره هنديه ما تفهم عربي كثير عملت لي سونار خارجي وقالت فيه تضخضم عندك جهة اليمين وانا طالعت في الشاشه انا متعوده انه ايام الدوره في السونار مايطلع شي ابد بس هالمره شفت حاجه دائريه كانها بويضه جهة اليمين وقالت لي سوي تحليل هرمونات وتحليل حمل وكتبت لي موعد بعد شهر مع الدكتور حقي
وانا هنا فرحت قلت يمكن اكون حامل واليوم الثاني رحت بشوف نتيجه الحمل طلعت سلبيه 1.28 على ما اعتقد كذا العدد
انا اللحين خايفة اقول اش هذا اللي طلع في السونار اخاف يكون شي خطير هي الدكتوره لما سالتها قالت كل شي كويس بس انا اول مره اشوف كذا ومن الخوف اللان احس بالم فضيع اسفل خصري جهة اليمين اخاف يكون من اللي شفته (بدت الوسوسه)
بنات طمنوني ليه الدوره تنزل 3 مرات ومايفصل بينها الا اسبوع ووش هذا اللي طلع في السونار ثالث يوم في الدوره:icon36:
ايه انا اعاني دايم من الصداع الفضيع والام الظهر والارجل

بنااااااااااااااات سامحوني على بعض الاشياء المقرفه اللي كاتبتها بس بغيت ابين لكم الحاله

ومشكووووووووووووورين وربي يحقق لكم امانيكم كلها

بنات الله يرضى عليكم ارفعوا الموضوع ولو بدعوه ربي يسعدكم