السلام عليكم

بناااااااااااااااااااااااااااااااات ما زال مسلسل النزيف مستمر يجي من غير لا شور ولا دستور عاملي رعب ممكن بأي لحظة يكون ما فيني شي وبعدها بثواني أسبح بالدم ويستمر يوم يومين هو ومزاجه.

أنا رجعت قريت ردود البنات وأغلبها مطمنة الحمد لله وأخر مرة كنت عند الدكتور يوم الخميس أنا صرت بالاسبوع ال11 وقالي كلشي تمام الحمل ما في عليه شي بس الدم ماني عارف من وين .

معقولة هالدم بدون سبب مين صارلها هالشي وعرفت ايش كان السبب ؟؟

أخاف من كثرة المراجعات لأني بكل مرة لازم أعمل فحص داخلي وهذا بيزيد الرعب عندي لخطورته .

بمووووووووووووووووووووووووت رعب لما أتخيل أنه لاسمح الله ممكن يصير اسقاط وأرجع لدوامة العلاج والمستشفيات والأدوية الله لا يقدر .

أختي الأحلام تسبحين بالدم معقولة وضحي اختي هل هو مثل اللي جالك بالاسابيع الاولة ؟؟؟؟ انتبهي حبيبتي على نفسك الراحة الراحة لازلتي في الخطر وبعدين انتبهي من الكشف الداخلي قسما بالله ما يجي منه خير ؟؟؟
وام زوجي كان يجيها كل شوي دم حتى ولدت وما عليها الا العافية مع انهم كل شوي يهددونها بالتنظيف وهي ترفض

اذا ما عرفو السبب تمي على الراحة وتوكلي على ربك وخلي عنك كثر المراجعات والخرابيط حقتهم الالترا ساوند ومشتقاته
وانا والله أعلم ما اجهضت الا بسبة هالجهاز
ربي يتمم حملك ويكفيكي شر المستشفيات ويقومك بالسلامة


:26:

أختي الأحلام ريحي نفسك ولا تقلقي

حافظي على أذكار الصباح والمساء
وقراءة الفاتحة سبع مرات على بطنك والمعوذات وآية الكرسي ...خلي هذه الأشياء زي فرض الصلاة
واستمري على المثبتتات

وإذا الطبيب طمنك إنه الدم مو خارج من الجنين الحمد لله

كان لي قريبة زي كذا تنزف كل شوية وسوت ألترا ساوند داخلي ويوقولها الجنين طيب ..واستمرت للشهر الرابع وهي كذا أحيانا يوقف وأحيانا يجي ومو عارفين من فين الدم ..
والحمد لله ولدت ولد زي القمر

الله يتمم حملك على خير ويرزقك الذرية الصالحة وكل محروم يااااااااااااارب

اختي
انا صادني نزيف في الشهر الرابع
رحت المستشفى وعملت ليي الدكتورة اشعه
طلع كل شي طبيعي والمشيمية وضعيتها صحيحة
وخفت مثلك احترت شنو سبب النزيف
قالت ليي روحي البيت وارتاحي يومين بدون اي حركة وبدون دوام في الجامعه لاني ادرس
لانها اتقول سبب النزيف تعب وارهاق
والصراحة صدق كلامها النزيف وقف وانا اللحين في نهاية الثامن
وقالت ليي كلام مهم وهو(نزول دم بدون الالم يعني مشاكل في المشيمة) و(نزول دم مع الالم يعني ولادة) وهذا الفرق بين النزيفين
وان شاء ما عليش شر
وانصحش براحة تامه مثل ما سويت ما اقوم من السرير الا حق الحمام والاكل بس ورجلي دايم مرفوعه
وخبرينا عن اخبارك

انا جاني نزيف بالشهر الثالث بس مو مثلك انا صب الدم أكثر من دم الدوره ونزلت معاه قطعه وخفت انها تكون المشيمه او الجنين :29: بس الغريبه انه كان بدون سبب وبدون ألم !!!!!!! :confused:
المهم اخذوني بالاسعاف ورحت المستشفى وقالو لي ما فيك شي وكل شي سليم بس المشيمه متحركه!!!!

وقالو لي لازم ترتاحين راحه تامه وتتغذين ما همني كلامهم ورحت حق دكتور خاص استشاري مشهور وقال لي شهرين ما تتحركين ولا يصير جماع مع زوجك و عطاني مثبتات ابر وحبوب وفيتامينات وكنت دايما نايمه على ظهري لمدة شهر ما اتحرك :08:

بس ما قدرت اتحمل ورديت حق زوجي وانا طول هالفتره كنت عند امي والحين الحمدلله عدت على خير ومافيني شي والدكتور قال لي هذا كان دم متجلط خلف المشيمه.

وانشالله الله يثبته ويرزقني الذرية الصالحه الكامله وادعولي يا بنااااات