بنات مشكورات عالردود جزاكم الله خير طمنتوني بس انا الي مخوفني انه مو دم دورة لانه جاني قبل الاربعين ونسيت اقولكم انا كنت اشرب قهوة قشر مع زنجبيل وقرفه وعويدي من بداية نفاسي واخدت رشاد واستخدمت غسول الارطا وقشر الرمان وملح الخشن وكمان اليومين الطهر الي وقف فيها الدم بعد اليوم ٢٧استخدمت مسك الطهارة دم الغزال من عبد الصمد القرشي مسحت المنطقة فيه وكنت اخففه بمويه شويه وامسح بقطن تعتقدوا نظامي دا هو السبب لاني بولاداتي الي قبل ماكنت استخدم شي في النفاس واموري كانت ماشيه تمام ولما اهتميت زي ماسمعت من الحريم حصلي الشي دا

وعلى فكرة يابنات في حاجة نسيت اقولكم عليها انا مقدرت ارضع بنتي واخدت حبوب تنشف الحليب الحبوب مدتها اربعه ايام ونشف الحليب وحاجة ثانية عندي دايما الدورة مايطول عن ٧ ايام بس هذا الدم جلس ١٣ يوم والاربعه الايام الي قبل ماتخلص الاربعين زاااد بغزاره عشان كدا خفت ورحت المستشفى والحمدلله وقف مع الادوية ولكن اخاف يرجع لما اوقفها لاني ملاحظة افرازاتي تشبه ماقبل الدورة الافرازات البنية مع انه ببداية استخدامها وقف ونشف الدم بس دحين احس كأنه بداية دورة وانا لازلت استخدمها وباقيلي ٨ ايام واوقفها ايش الحل بالله ردوا طمنوني تعتقدوا من حبوب منع الرضاعه تكون هي السبب ؟؟

أحس غلط تاكلين حبوب تنشف الحليب يعني توك والده ماتبين ترضعين خليه طبيعي ينشف اتوقع منهن النزيف

طيب ليه غلط انا كنت خايفه من انه الحليب يقعد في صدري ويعورني

انا جتني اربع دورات جداً غزيره
وكنت احسبها عادي
ولما رحت الدكتوره اخبرها سألتني اذا تعرضت لنزيف اثناء الولاده او لا قلتلها ايوه
قالت من انخفاض الصفايح الدمويه وبعد الاربع دورات اصبحت عندي طبيعيه
حتى النزيف اللي تعرضت له اثناء ولادتي ماخبروني به ولما جات الممرضه تعلق كيس الدم وبتحط المغذي بيدي سألتها ليش قالت عشان النزيف اللي تعرضتي له وحطوها لي ٣ ايام يعني لو ماالممرضه علمتني وربي مادريت لا انا ولا زوجي لكني شفت الموت الاحمر بولادتي
والحمدلله على كل حال