نزيف وافرازات

يوم السبت اللي فات رحت المستشفى للمعاينة ولمن سوتلي الدكتورة سونار قالت ان الجنين الثاني اصغر من الاول باسبوعين وقالتلي اراجعها بعد اسبوع انا في بداية الثالث مع العلم انه كانت تنزل علي افرازات قطع بنية صغيرة زي الحجارة مائلة للسواد مع قطع بنفس الحجم زي الشحم الابيض بعدها الساعة 3 الفجر يوم الاثنين قمنت من نومي حسيت انه في شئ بينزل واول ماوقفت زي الحنفية دم مايوقف بعدها صحيت زوجي عشان يوديني المستشفى ولمن رحت الحمام وانتي بكرامة نزلت قطعة دم بحجم الكف شكلها زي كلية الخروف شلتها معايا وعلى طول على الطوارئ قامت الدكتورة ودخلت يدها من تحت عشان تشوف فتحة الرحم وقالت مفتوح ثم شافت الجنين بالسونار وقالت ان الجنين الاول الحمدلله تمام والثاني مو موجود بس في كيس فاضي قالتلي هذا اجهاض منذر واعطتني دوفيستون ومضاد حيوي عشان الدم مع العلم اني باخذ ابر سيولة طوال فترة الحمل بالاضافة لابرة مثبة كل اسبوع ناسية اسمها غير حمض الفوليك ولله الحمد وقف الدم بس الافرازات تجي وتروح بس اليوم لمن قمت من النوم نزل علي دم اسود مع افرازات بس كان خفيف مرة وانقطع على طول بس الافرازات مازالت مستمرة مع الم برجولي زي الم الدورة ماوقف حتى من قبل الدم باسبوع ومايزيد الا بالليل كانه معايا الدورة الحين انا مرة خايفة يعني الكيس هذا ماراح ياثر علي انا او الجنين ؟ اللي مرت بحالتي تفيدني مع العلم انه معايا حرارة من اسفل اول ماتنزل هذي الافرازات او الدم واحس بحرارة لمن اتبول الله يكرمكم ارجو التفاعل موعدي مع الدكتورة ان شاء الله بكرة ارفعوا الموضوع على الاقل