نساء ذليلات...تعودت الضرب والاهانه

النوع الثاني من النساء...










تكون من احسن الحريم ....


بليت بزوج حقير اول الطرق عنده واسهلها الضرب....


الطريقه الوحيده عنده مدة اليد...


وعموما هالنوع من الازواج ما منهم رجاء فالتغير...


الا بمعجزه من رب العالمين...


من وجهه نظري مافي مره تقبل علي عمرها الاهانه


فيجب ان تحدد مصيرها من البدايه...


ماترضي وتكبرها وتخليه يفكر مليون مره قبل يعيدها


ممكن توصل للطلاق وهذا امر وارد جدا...



اللي يصير للاسف...



انها تصبر وتصبر (طبعا حره بنفسها)...


وتشد حيلها فالعيال....(المعذبون فالارض)


فجاه تصحي كرامتها علي غفلة...


وتبدأ تقوم الدنيا..... بعذر انها صبرت علي امل انه يتغير


وماتغير للاسف...


طيب معروف انه ما راح يتغير...









بدري...


يوم صار عندك عيال محتاجين الامان والاستقرار


قمتي تسحبين فيهم....


وتعذبينهم عند اهلك ....ويشوفون المشاكل بينكم


ويسمعون اغلي اثنين عندهم كل واحد يتلفظ علي الثاني


والا تبدأ تبث سموها علي هالمساكين وتكرهم بابوهم


ليه عسي ماشر...


ان كان بالنسبه لك ولد ناس بكلمه ينتهي اللي بينكم


بالنسبه لهم.....(ابوهم)


للابد حتي بعد موته...


تكلمني مديرة مدرسه ذكيه وعاقله وحكييييمه


تقول...والكلام لها


رغم ان عيالي يشوفون ابوهم وش يسوي فيني


الا انهم مايسمعون فيه(يموتون فيه)


وزوجها قاهرها قهر مو طبيعي وحياتهم جحيم


الاب يا خواتي يمثل شي كبير عند ابنائه


واذا كرهتي عياله فيه...


(الخساره بتكون مشتركه بينكم)


فاذا اختري الصبر كمليه للاخر....


واعرفي انك اذا صحيتي متاخره وحبيتي


تنتصرين لكرامتك المفقوده او المقبوره بوجود عيالك...


فماهي الا استغلال لوجودهم فحياتك...


وانك تكونين بشعور او بلا شعور...


تحتمين فيهم علي حساب نفسياتهم...لانك


تقولين ما راح يتخلي عني ... مايقدر يصبر عن عياله


اكيد ما راح يشتتهم ويخليهم يتربون بعيد عنه...



النوع الاخر...



تكون ايضا بليت بزوج حقير رغم انها كامله والكامل وجه الله


لكن هالنوع للاسف مغلوب علي امره...


عندها ضروف ماتسمح لها بالابتعاد عن هالزوج الظالم


هي تكون عايشه معه غصب(ن) عليها



كارهته = مايعني لها هي


استنفذت كل السبل والطرق لاصلاحه وما فاد


والطرق كثيييييييره...


وفالمقابل مالحها حيلة لتركه والابتعاد عنه


ولاهي راضيه علي نفسها بالاهانه والقهر


بدون وجه حق...


سبيلها للحياة معه... اتقاء شره قدر المستطاع


تعيش معه ما كنه موجود...


بمعني تجعل لها حياتها الخاصه


لايهمها بشي...


لاتناشبه يطلع يقعد علي الكمبيوتر ليل ونهار


يغازل ينحرق...


هو انسان لايعني لها سوي مسكن وماكل


تجعل همها الامومه و***** ابناء اصحاء نفسيا


متفوقين دراسيا....


تنأي بنفسها وعيالها من وحل الاصدام به...


الا ان يمل ولعلة يتزوج ويكفيها شره...


فترتاح من مقابلة لها يوميا...


(انا يا اخوات اتكلم عن الحريم اللي عندها


مشكلة حقيقيه مع الضرب والاهانه...وما اكثرهم


البعض اعزكم الله دائم البسق بوجهها


ولعنها وسبها ...


اذا دخل مع الباب يناديها باقبح الاسماء)


وان كان زواجه يسبب لها الالم..


اذن هالانسان له مكانه عندها...


لاتلعب علي عمرها فكرة انها تكرهه...


فالتحاول اصلاحه وتغيره.......بذكاااااااء


الذكاء هنا يعني عدم الاصدام معه...


لانه لا يفكر ..يده تعمل تلقائيا...


وما علي لسانه كنترول للاسف...


...................................................


الضرب امر كبييييييير جدا عندي لا ارضاه علي نفسي


ويبدأ مع بدايه الزواج....


شعار انا انسانه لا اهان....


فالمقابل تكونين قد هالشعار...


عارفه واجباتك واهم شي واجباتك قبل ان تطالبين بحقوقك



رغم اني اكره الكلام عن حياتي كره العمي...


ولكن بذكر موقف ببداية زواجي...


سبق ان كتبته لاجل انسانه غاليه عندي طالبتني


فالمشاركه فيه بدورتها وهي الاخت الغاليه...


(ام العيون الخضر)


فبما اني سبق وذكرته بحطه هنا للافائده


انا فالحقيقه زوجه مطييييعه جدا جدا جدا.....
اخدمه بعيوني ومازلت.... حتي لو انا تعبانه
كل شي نظيف ومرتب وريحه البخور والطيب تملأ المكان
لانه حريص من هالناحيه.....
بس عند كرامتي انقلب انسانه ثانيه....وهذا من بدايه زواجي
قلتله انا عصاك اللي متعصاك...لا تحبني بس احترمني
كان يستغرب ويقول ليه تصيرين عنيده وتتغيرين اذا هاوشتك ...المفروض تتحمليني....
الرجال ماعنده الا مرته لازم تتحمله وتصبر علي زعله....
كنت اقول ان بغيتني مرتك فانا مرتك وان بغيتني اختك او امك فانا كذلك
لكن تهيني لا... تحط حرة اللي بري فيني... معصي
وكنت ااشر علي الغرف لاني كنت اسكن عند اهله
اقول شوف... وافتح الدولاب ....واقوله لك ملاحظه علي شكلي
ريحتي...انا مقصره بشي يخصك
وان حصل تقصير فاللي بينا التفاهم وانا مثل منت شايف مطيعة
اشكلي فضفض لكن تهاوشني بشي انا مالي ذنب فيه اسفه
وكنت اتحاور معه بهدوء....
كانت هذي اكثر نقطه متعبتني
مثال....
يعني ما كنت ادري انه مايحب احد يقومه للدوام هالشي يوتره ويزعله
وما علمني...مدري يحسبني يوحي الي
فاذا قومته للدوام عصب وزعل وهاوش....
كنت استغرب ليه يسوي كذا...
بعدين فهمت اني المفروض ازهب ملابسه وفوطته
وفطوره واستناه هو يقوم من عمره....
مع مرور السنين الحمدلله تفهم هالشي
ما انكر اني خفت باوقات كثيره ان بيتي ينهدم....
(وان كان علي وشك يحصل هالشي)
بس باوقات الرضي كنت احاوره بعقل ....
وازعم اني كنت استخدم ذكاء الانثي...
بتمرير مميزاتي بدون ما يشعر اني خايفه
او امدح نفسي...
اوصله اني كامله والكامل وجه الله...
لايخسرني عشان هالعيب...
لانه من وجهة نظره اللي ماتتحمل رجلها
يحط حرته فيها ويفرغ ضيقه عليها
هذي انسانه مهيب صبور... وهذا الشي من اكبر العيوب

الخلاصه عندي لازم يكون عند الوحده
مبدأ من بدايه حياتها تلتزم فيه
يكون عندها خطوط حمرا ما ترضي يتجاوزها
لو كنت مره ارضي يحط حرته فيني ومره لا
كان تدمرت حياتي...
انا كنت ارفض علي طول الخط يهيني
وفالمقابل انا احترمه واهله اشد الاحترام....



اسال الله السلامه لي ولكم...

تم بحمدالله

الله يعين على هالدنياء وش هالحياة اللى الوحده تنظرب وهى بهالعمررررررررر
من وجه نضرى ماهو رجل اللى يتقيوى على المرء لانه بطبيعى هو اقوى
سبحان الله والحمدلله والله اكبر
ولا اله الاالله
ولا حول ولا قوة الا بالله

مبدعه مبدعه كالعادة ياأم ساره ..
الله يوفقك وين ما توجهتي ويجعل كل ما تكتبينه في ميزان حسناتك ..


كل شي يصبر عليه إلا (( المساس بالكرامه ))
ليس رجلا من ظن أنه استغل القوامه بالضرب والإهانه ..

جزاك الله خير

كت كات يالغاليه...
يامرحباااااااا ترحبتن كلها لك...
الله يبارك بهالموضوع اللي تشرف بوجودك
لك كل الحب والود...والابداع نتعلمه من امثالك