كوبونات الراقية تسجيل الدخول

فديته أنا

نساء لايعجبها العجب

الملتقى العام •

صبـــــــاح الوردbp039

مستحيه منكمpb094 لاني آول مره آنزل موضوع في هالصرح الكـبير <<متعوب عليها

ومآلي بالمقدمآت رآح آدخل على الموضوع دووغريpb094



اوضاع الحريم من جرف لدحديره ما تجتمع مره مع مره الا قرقرقرقر وليته على سنع .. مجتمع ممل كرهت
جمعات الحريم من كثر ما اسمع انتقادات
مافي مدح ابدا كله سب سب يعني معقوله كل الي بالدنيا كخه وانتم المكرمين منها .. ابي اتكلم عن نقطه
بدت تكثر بمجتمعنا وهي نقد من غير ناقد ... نساء اجتماعتهن
انقلبت حش بفلانه وعلانه لبسها بيتها طلعتها .. اشياء فيها خصوصيه للمراه وهي حره بحياتها ليش
الناس يتدخلون بامورها
اذا جينا نحتسي عن هالمجموعه الغريبه نقسمها لاقسام :



بنات الجامعه

الانيقه ما تعجبها القرويه والقرويه تنقهر من حركات البنات الياي والدلوعه تتمسخر بالبدويه والبدويه ما
تحب مياعة الدلوعه الي تحط مكياج يلومونها لانها رايقه طيب شدخلك ؟
هي مروقه وتبي تحط مكياج اذا الموضوع مافيه مخالفه للشرع ما عليك منها او انك كوني مراه قد كلمتك
وروحي احتسي عليها مو جالستن مع خوياتك وع وش ذي وكله
كوم والبنات الي لاهم شطار ولا راعين مكياج داخلين الجامعه زيادة عدد اذا شافو راعية المكياج " ياربي
هذي من وين لها الوقت" واذا شافو الشطار ايه هذي الدافوره ماعندها
وقت للمكياج << ياليل ..مواقف تصير بالجامعه كثير ما اشوفها وكوني اجتماعيه اسم الله على قلبي <<
معجبه بنفسها :D اجلس مع كثير من قروبات الجامعه منها الانيقات
ومنه البدويات ومنها الشطار ومنها القرويات .. الخ وكل وحده عايشه دور الناقده الكامله على الناس
بيوم جلست مع قروب كانو يتكلمون على كل بنت تمر من قدامهم ذي جسمها
مو حلو وذي تبدع بمكياجها وذي لابسه قصير وينتقدونها والاخيره لابسه جزمه لونها غريب ووو ....
سكت وجلست اناظر فيهم الحين من زينكن اقسم لكن يابنات انهم مافيهم زود
عن البنات الي جالسين ينقدونهن بينما بيوم جلست مع قروب خيالي ذاك القروب شطار ما شاء الله
عليهم غير على كذا يداومن بالجامعه مروقات مضبطات الشعر والميك اب الخفيف
الملابس الانيقه و سوالفهن اما بالدراسه او سفراتهن او عن معلومات قروها من النت .. كانو يكرهون
الحش وعرفت هالشي بتهربهن من بنت تحش ولا هو أي حش سب
والعياذ بالله تقولين هالناس يهود pb093




الاهل والاصدقاء


كانت معي وحده تسولف عن مرت اخوها انها حشريه واذا اجتمعت هي وخواتها تجي تجلس معهم <<
وين تبينها تجلس ؟ لو جلست بغرفتها ما راح تسلم بعد بتقولين جلست فوق
تحسب نفسها اميره ماتبي تسلم .. وش ذا الحالهpb093 تقول عماتها دائما يسيرون على بعض
بس ما يعزمونا والبنت حاقده على عماتها :eek: طيب هم خوات مهما كان
بياخذون راحتهم بالجلسه .. مر الوقت على البنت واتزوج خالها ما قد رفعو التلفون يعزمون مرت خالهم
او حتى امها رفعت السماعه وعزمت مرت اخوها .. ولما سألتها عن السبب
تقول ما ناخذ راحتنا .. الله يالزمن الحين صرتي ما تاخذين راحتك او علشان وناستك تبيعين أي شي :(
ليش ما حطيتي مرت خالك بالموقف نفسه الي مريتي فيه:rolleyes:





حريم × حريم << مالقيت لها اسم:D



هالنموذج من الحريم تلاقينه بالزواجات بالاستراحات او ببيت الجيران بالزواجات يجلسون
بالصفوف الاولى ليتمتعن بكل ما لذ وطاب من الاكل ويتفرجن على رقصات البنات
.. وبنهاية الزواج:D


لاولى : وع كنت متوقعه الزواج افخم من كذا ما اكلنا من الحلا الا مره
تجي الثانيه : حتى المويا ما شفناها
ترد عليها الاولى: الحمد لله والشكر زواجهم عادي وين تروح هالفلوس << وش دخل امك
الثانيه : أي والله ملاحظه حتى طقاقتهم تقلب التسبد
طيب انتم حاضرين الزواج تباركون وتفرحون للاهل العرايس او حاضرين
تاكلون مجوعينهم اهلهم الظاهر
النمونه الثانيه الاستراحات : تلاقين العالم متجمعه قروبات وحش شوفي بنت الفلاني لابسه لبس العام
وين الي تقول اصيف بباريس << طيب اذا تسافر باريس خلاص ما تعيد ملابسها والا يجيك قروب
مو هذي مرت فلان وليش جايه وش معرفها لهم << لو ما تعرفهم بعزمونها مثلا ؟؟؟




النمونه الثالثه بيت الجيران بلخصها بمحادثه
البنت : يمه شفتي الفلاني جاهم سواق وحسرتي مدري ليش هالسواق وهم نفرين
الام : ياربي نفرين وسواق زين لك يابنيتي ضبطي علاقتك معها عسى تستفيدين منه pb036

البنت : أي هذا اني ارسلت لهم من العشاء امس كودها تضبط العلاقات
الام : طيب هم اغنياء اذا مو ذاك الزود لا تزودينها معهم خليك ثقيله شوي
البنت : لا مو اغنياء بس يحبون هالفشخره والعياذ بالله << والعياذ بالله منك والله :D
أي فشخره بالله انتي عايشه معهم وشايفه احتياجاتهم علشان تقولين فشخره ؟؟








ليش مو كل وحده تهتم بنفسها وتنسى العالم ليش

للاسف حالنا كل ماله للردى الحريم يدورون أي سبب علشان يخفون هالغيره الي داخلهم مدري متى
بيعقلن الحريم << طلعت منها نقرتين لعرض الصورة في صفحة مستقلة
اسفين لو الموضوع مو ذاك الزود بس هذا ما طلع بجعبتي اثناء دقائق من فضوتي حبيت اتكلم عن نمونه
من حريم اليوم :(

الموضوع لكم وادري مو ذاك المستوى عاد بتقرشعونه بتثبتونه براحتكم :D


والله العضيم منقول مما أعجبني لان حال مجتمعنا من ردي الى أردى
37
2K

يلزم عليك تسجيل الدخول أولًا لكتابة تعليق.

تسجيل دخول

كادي
كادي •
كلامك حلو وفي محله
بس ترى في حريم فيهم خير وكثير

يعطيك العافيه على النقل..
فديته أنا
فديته أنا •
كادي كادي :
كلامك حلو وفي محله بس ترى في حريم فيهم خير وكثير يعطيك العافيه على النقل..
كلامك حلو وفي محله بس ترى في حريم فيهم خير وكثير يعطيك العافيه على النقل..
أكيد يالغاليه بس فيه سلبيات المفروض نبتعد عنها
ام نورة الامورة !!
ام نورة الامورة !! •
قسم كلام جميل ويحكي الواقع ويستحق التثبيت .....
دلع اطفال
دلع اطفال •
جبتيها وانتي بنت ابووووووك

شي يغث ويقهرررررررررررر