نساء يتصلن ورسائل على جوال ابني !!!!! من يريد دعوة والله من القلب

عزيزتي .......
طيب لو عرفتي البنات ما تتوقعين يجي غيرهم ؟!
اذن ما انحلت المشكلة اطلاقا ً........
لأن البنات كثار والولد في مرحلة مراهقة الولد يحتاج مواجهه ........
يحتاج ردة فعل قوية للفعل والخطأ إلى ارتكبه .....
انتبهي تتجاهلين الموضوعين ويكون حلك بس اهاوش البنات عشان يتادبون لأن .......
ما تقدرين تدورين على كل بنات الدنيا وتهاوشينهم ........

عندي اقتراحات شوفي ايش الي صح منها ويناسبك وتصرفيه بس اول شيء رجاء........
صلي ركعتين استخيري الله فيهن عن الي بتسوينه واسئلي الله يفتح على قلبه .......
ويفتح عليك في الكلام .......
ولا تنسين ان معك من الله سلاح قوي وهو ان دعوة الأم مستجابة لولدها فخلي الدعاء طالع من صميم القلب .......
أول شيء ........



امسكي الجوال واجهي الولد وقولي له يلله كلم البنت الي بتكلم ابي اسمع .......
ذكرية انه يعيش لحظات خوف منك انتي والدته طيب وخوفه من الله .....
قولي له ان الله اقوى واكبر وهو قاعد يشوفك وعقابة اعظم من عقابك انتي له ........


ذكريه ان البنات وراهم اهله وان الأم تقدر تدعي عليه ليل ونهار لأنه لعب على بنتها ........
واستغل سذاجتها .........
ذكريه ان الدنيا دواره وان له خوات يخاف عليهن ........
وبيجي يوم ربي يسلط على خواته او بناته حتى حد يلعب عليهم........
وحده بوحده والله سبحانه وتعالى عادل ........

احرميه من الجوال ؟!
من مصروفه اذا قدرتي ؟!
او احرميه من شيء يحبه عشان يعرف حجم غلطته ؟!
اذا قدرتي مثلا لا تكلمينه بس لا يطول الهجر لا خليه بس يوم او يومين........بالكثير .........
ذكريه بوالده وكيف انه هو بمثابة والده لازم يرعاك يهتم فيك ........
وانك وثقتي فيه وهو خان الثقه .........
حاولي تعبين فراغ الولد .........
بشاطات باي شيء لا تخلين عنده وقت فراغ لأن الفراغ هو سبب المشكله .......


اتمنى اكون افدتك وخليك معانا وعلمينا كل شيء يصير وباذن الله بنساعدك قد ما نقدر .........

على فكره البنات القديمات في المنتدى ..........
اذا يتذكرن موضوع احد الأخوات كانت اخصائيه اجتماعية في احد المدارس .........
وكان الموضوع يعالج مشكلات البنات كان اسلوب الأخت رائع رائع وحكيم جدا ........
بس والله ما اعرف ولا حرف من الموضوع الي يتذكر الموضوع او يعرفه يعطيه للأخت هنا لأني متأكده انه فيه نفع كبير لها ..............

غيري رقم الجوال ولا تعطونه إلا أقرب المقربين وشوفي بعد كذا ويش بيصير

مــــــــــــلاك2004
شاكرة مرورك وربي ينولك اللي في بالك -
أولا أنا أستخرت
وثانيا وهذا من نعمة ربي أن ابني هو الذي يشكي لي الحمدلله -
ويضع الجوال بين ايدي دائم وبالليل مايخاف أني أخذه أو يرتبك -
بالعكس هو محترق أنه يخاف أحد الزملاء مسوي هالمصيبة -
لأنه دايم ينصحهم وهم يحاولون معاه ومع غيره حسبي الله .
أنا اللي مطمني ومريح بالي ابني الحمدلله -
بس محترقة من هالبنات -
من فترة أحدى زميلاتي طلعت لي أسماء أصحاب جوالات - وكلمت وطلعت بنت وقلت لها أني أعرف اسم صاحب الجوال وقامت تنتفظ ووعدت ماتكلم -
ومره كلمت على رقم وأنكروا ولما ذكرت اسم صاحب الجوال وأني أبفضحهم خاف -
وتخيلي كان ولد معاه في المدرسة يقلد صوت بنت -
قال خلاص ماعاد أكلم ياخاله -
وبعد كذا أنقطعت عني زميلتي وأتمنى أحد يخاف الله يطلع لي الآسم بأمانه وأحتساب .

عسل صافي

شكرا لمروك وربي يحفظ لك حبايبك
ابني بمثابة الرجل عندي هو أكبر أخوانه - يعني لازم رقمه مع الكل وعند أهله وأكيد أصحابه بيعرفون من أقاربه
لأن واحد من الزملاء قريب له من بعيد وياخذ رقمه بسهوله من أهله -