اوراق البنفسج :

مشكوريييييييييييين ع الردود لكن سؤالي متى أبدأ ألاحظ التحسن؟؟؟؟؟ لأني الآن بكمل أسبوع وأنا يوميا تفاحة وطبق خس وبرتقال وأحيانا جزر أو عصير الجزر الجاهز لذييييذ بس أكيد محلى كثيييير خف تساقط شعري بس لازال يتساقط ... يعني متى يبين الفرق؟؟؟ ومتى أروح أحلل من جديد عشان أشوف فيه تحسن أو لا؟؟؟ يالله بااااااااااي

مشكوريييييييييييين ع الردود لكن سؤالي متى أبدأ ألاحظ التحسن؟؟؟؟؟ لأني الآن بكمل أسبوع وأنا...

أم طلال4 :

اختي انا صار فيني مثلك نقص في الدم والحديد وتساقط شعري بشكل غريب وماكنت اعرف ان التساقط سببه الدم مع ان اكلي زين وتغذيتي مافيها شي اكل الخضروات وغيره وظليت على هالحال قبل مااسوي تحليل دم ...شعري ينزل بشكل فظيع وانا عبالي من قلة الاعتناء واحس بارهاق وتعب خصوصا لما اصعد الدرج او اقوم باي عمل وانا على بالي من اللياقة لاني مااتحرك وايد كنت مفكرة من اللياقة المهم اهملت نفسي لما وصلت الى درجة اكل الطين عارفة طين الخاوه الي عند الحواي الي الحريم قبل يتوحمون عليه ..صرت اكل منه مطحون كل يوم لما نزلت موضوع هني خفت على نفسي من اضراره وجزاهم الله خير البنات قالولي روحي حللي دمك ممكن يكون نقص في الحديد عهو الي يخليك تشتهين تاكلين الطين وفعلا رحت سويت تحليل والا الدكتورة تطق على راسها تقول اشلون انتي تمشين دمك ضعيف وايد خوفتني صراحة المهم حولتني الى المستشفى قسم امراض الدم وعطتني تحاليل مهمة اسويها وعطتني حبوب اخذهم كل يوم مرة عى ماتطع النتيجة طبعا تحاليل دقيقة .. والحمد لله طلعت النتيجة وفعلا طلع عندي مثلك بس انا 8 نسبة الحديد بالدم وماطلع شي ثاني من الي خايفعه منه الدكتورة << مادري شنو الي خايفة منه المهم ياطويلة العمر الدكتورة عطتني نصايح اتبعهم في الاكل مثل الاخت هنادي بالضبط وعطتني حبوب لمدة 6 شهووووووووووووووووووووور اسمهم trihemic لونهم احمر بس انا اخذتهم مدة 4 شهور وتحسنت ......... والحين الحمد لله رب العالمين خلصتهم وتحسن الدم عندي وتحسن شعري ماشاء الله ولاقوة الا بالله اختي نصيحة نصيحة لاتعتمدين على الاكل من العجز ...روحي الطبيب ووريه تحليك انا متأكده ان راح يسوي لك تحاليل ثانية مهمة مو بس هذا حتى تتأكدين ان دمك زين ...في تحليل يظل مدة اسبوعين يالله تطلع النتيجة وهذا المهم صدقيني ماراح يوقف تساقط الشعر الا مع الحبوب ومع الاكل واحد منهم ماينفع وماتشوفين شر

اختي انا صار فيني مثلك نقص في الدم والحديد وتساقط شعري بشكل غريب وماكنت اعرف ان التساقط سببه...