نسبتي اللي تفشل آآه مهمومه

هلا اختي عندك بالرياض جامعه الملك سود اسم الكليه كليه الدراسات التطبيقيه وخدمه المجتمع بحي الفاخريه عندهم دبلومات كانت اول برسوم دراسه بس الحين صار اعفاء وان شاء الله يقبلونك دعواتك لي انه الله يرزقني بالزوج الصالح وانه الله يعجل برزقي واي استفسار انا مستعده عل الاجابه

حبيبتي ****لله السنه الجديده تنفتح البوابه الألكترونيه للقبول والتسجيل بكل جامعات المملكه..و تحطين بياناتك..بس لازم تختبرين أختبار قدرات"ما أدري أذا مو ضروري بس كثير جامعات و أقسام تهتم فيه أكثر من نسبة الثانوي"
هذا على الجامعات بعد فيه جامعة بجده أنوقع أسمه جامعة عبد العزيز..يقبولونك بأي نسبه بس برسوم و مرررررررره رخيصه بس 3000آلاف لترم وتكونين منتسبه"يعني تجين وقت الأختبارات بس" بس أذا جبتي معدل عالي يحولونك منتظمه و يلغون عنك الرسوم..
و فيه بعد جامعة الأمام بالرياض فيها دبلومات مو غاليه ب3000آلاف ..و جامعة سلطان الأهليه بس الدراسه بالأنجليزي بس رسومها غاليه أذكر السنه ب 30,000 بس الحين ما أدري بعد ما شال الملك نص الرسوم حقت الجامعات الأهليه بس أذا تبغين لحقي على نفسك الحين لأنو هالقرار بس يستمر خمس سنوات من أصداره..والله لا يحوجك تدفعين و تقبلين بالراحه..
و كمان فيه معهد الأداره بالرياض حلو بس لازم تجتازين أختبار القبول و ترى كله بالأنجليزي يعني أذا كنتي شاطه باللغه قدمي عليهم و ترى المكافأه الشهريه1000 ألف..و كمان فيه كلية التقنيه للبنات بالرياض مفتوحه من قريب يمكن يقبلونك بعد المكفأه الشهريه1000 ألف..

أنتي سوي أللي عليك و الباقي على الله
و الله يوفقك وينولك أللي في بالك
آميييييييييييين..

مشكورات يابنات الله يوفقكم وينولكم اللي في بالكم ويحقق لكم آمالكم ويرزقك بالزوج الصالح ياقنفه عاجلا غير اجل ياكريم يارحيم
الله يوفقكم من جد فرحتوني بردكم
بس اللي عندها موقع اقدر اسجل منه تحطه الله لا يهينها
واذا عندي استفسار ان شاء الله بسألكم
الله يجعلكم من كل هم فرجا ومن كل ضيق مخرجا

الله يوفقك

هلا والله شوفي ياقلبي
اذا عندك مادة وقادرة على الجامعات الأهليه
عند الجامعة العربية المفتوحه
http://www.arabou.org.sa/en/index.php
وجامعة اليمامة
http://www.yu.edu.sa/sites/en/Pages/Default.aspx
وجامعة الامير سلطان
http://www.psu.edu.sa/

واذا تبين جامعات حكومية عندك جامعة الملك عبد العزيز بجده وتقبل باي نسبةورسومهاا سهله

http://www.kau.edu.sa/
وجامعة الامام ودراستهااا مرره حلوو الدراسة انتساب مطور عن بعد عن طريق النت ورسومها سهله

http://www.imamu.edu.sa/Pages/default.aspx

وجامعة الملك فيصل بالشرقيه دراستها انتساب عن بعد عن طريق النت

http://www.kfu.edu.sa/ar/Pages/Home.aspx
وفيه مراكز اختبار بكل مدينه تقريبا يعني مو لازم تسافر عشان تتختبرين

وبالتوفيق ياقلبي شوفي اللي اريح لك وتقدرين عليها وبالتوفيق
اي استفسار آخر انا حاضره