نسب الولاده القيصريه في مستشفيات الرياض +قصتي مع ماجده ملك

(( بسم الله الرحمن الرحيم))

قبل ما أدخل في تفاصيل قصتي بقول لكم عن أحصائيه قالت لي أختي أنها قرتها في أحد المنتديات .

الأحصائيه عن نسب الولادات القيصريه في مستشفيات الرياض.وراح أذكر النسبه الأولى والأخيرة فقط.

1-مستشفى الحمادي بنسبة 80%
2-المشاري
3-الطبي التخصصي (في طريق الملك فهد)
4-المملكه
(التأمينات والألماني,وباقي المستشفيات ماني متأكده من ترتيبها )
بس الي حصل على المرتبه الأخيره (دله بنسبة 20% أو اقل)
والعاقل خصيم نفسه.......................... .......
اما قصتي مع( ماجد ملك)في الحمادي فهي بدت معي بعد ماسويت تحليل حمل في أحد المستوصفات وتأكدت أني حامل بفضل الله:icon28: سألت قريبتي عن أفضل دكتوره في الحمادي((وياليتني ماسألتها:09: )) فقالت
أنها تراجع عند ماجده فأخذت عندها موعد الصباح ...........................

قمت الصبح وكان يوم جميل بالنسبه لي خذني زوجي ورحنا للمستشفى :3_10_6: المهم انتظرنا الدكتوره الفاضله اللي كانت تلف بالممرات وتضحك مع الدكاتره ومطنشتنا(للعلم انا صبوره في الأنتظار)المهم لما شفتها مارتحت لشكلها بس قلت المظهر لايخبر عن الجوهر ,الزبده انها سألتني عن أسمي والأمور الروتينيه اللي تعرفونها ,بس كانت تكلمني من تحت خشمها

المهم أني قلت لها انه كان عندي تكيسات في المبيض وطبعآ رحت ل3طبيبات أستشاريات وقالو انه مرض يصيب المبيض سوآ المتزوجه أو الأنسه وان علاجه حبوب الحمل لأنها توقف نشاطه بس ماتشيله ,فطالعتني بطرف خشمها:16: وقالت أن كلامهم غلط وأن حبوب الحمل هي سبب التكيس المهم
عطتني ورقة تحاليل طويله عريضه ولما رحنا للمختبر قالو لازم موافقة الشركه لأن قيمة التحاليل عاليه ,وقالو أن الرد على الموافقه راح تأخذ ساعه أو اكثر وزوجي وراه دوام وما يقدر يتأخر ,
فقال روحي قولي لها تسويها في ورقتين وحده اليوم ووحده الأسبوع الجاي فقلت أوكي.

لما رجعت لها كان عندها مريضه ثانيه فدخلت. أنا قلت لها الموضوع من هنا وهي بدت تهزئني من هنا:024: وتقول اني متخلفه وماأفهم والله لايوريكم تهزئني من هنا وتلتفت على المريضه الثانيه وتقول شفتي ناس مثل هذي ........... .............الخ

طبعآ بعضكم يقول ليش مارديتي عليها.

بس اقول لكم انه ماعمري مر علي طبيبه بهذي الوقاحه من قبل ,ومن هول الموقف أنعقد لساني وماقدرت أرد بس طلعت لزوجي وأنا الدم يغلي في عروقي ((الحمد لله أني ماسقطت))
طبعآ رحت على طول وغيرتها ورحت عند رباب ((بصراحه كانت خلوقه معي ولما قلت لها عن التكيس وحبوب الحمل قالت انه علاج وماجده غلطانه))

المهم لما رحت لأهلي وقلت اللي صار راحت أختي تشوف صورتها بالنت وأكتشفت أنها هي نفسها اللي قبل أربع سنوات لما جاها نزيف وراحت للطوارئ بالليل :11retcher كانت ماجده مناوبه وأستقبلتها وهاوشتها وقالت ليش ماجيتي بدري وأن حالتك خطيره ولازم تاخذين مثبتات وقالت أنه ممكن تنزل الجنين اذا أستمر النزيف والمهم تقول أختي انها سوت لهم رعب فضيع وهزئتهم لحد ماشبعو وتقول أنهم طلعو من المستشفى يركضون ودعت عليها أختي من شي شافته المهم أتصلت الوالده بدكتوره نعرفها وسألتها فقالت خلي بنتك ترتاح ولا تكثر مشي وبس وفعلآ بعد كم يوم وقف النزيف والأن عمر ولدها 5 سنوات الله يخليه لها..........

نرجع لموضوعي ...........................

طبعآرحت لقريبتي وقلت لها اللي صار وسألتها وشلون مستحملتها فقالت
أنها لو كانت مطاوعتها في ولادتها الثانيه والثالثه كان ولدتها قيصريه ((جزاره مو دكتوره))

وصديقة أختي تراجع عندها ولما جا التاسع قالت لها تعالي بكره علشان تولدين فقالت انا لسا بأول التاسع وما معي طلق فقالت اعطيك طلق صناعي أوتولدين قيصري لأنه ممكن يجيك الطلق وأنا مو موجوده, فقالت الولاده من رب العالمين وأي دكتوره ممكن تولدني ((ما تحب أحد يزعجها وهي في البيت ))!!!!!!!!!!!!!!!!!!!!!!!!!!!!:03: !!!!!!

هذي قصتي مع اللي ماتتسمى وكثير من الأخوات ذكرو تجاربهم السيئه معها

وأنشاءالله أني ماكذبت عليها والله يغفرلي أن اخطيت بس غلطت الطبيب تظل الى الأبد
وشفت أنه من واجبي أني أنبه الأخوات

وكنت راح أكتب عن ولاداتي السابقه وما فيها من أحداث وأخطاءومغامرات بس أني تعبت

وأذا حابين أقولها لكم ماعندي مانع على الأقل نفيدالبكريات الغشيمات وياريت

يكتبون ألأخوات عن تجاربهم يمكن نستفيد ونتعلم شي جديد


(( سبحانك اللهم وبحمدك أستغفرك وأتوب أليك ))