فرناز @frnaz

عضوة شرف في عالم حواء

●.. نسمع ونشوف ونتأثر ونبكي ؟! وبعدين ؟! ..●

:26:

اسأل الله ان يفرج هم المسلمين في الصومال ويغنيهم من فضله ...

ياغاليات مايحتاج اتكلم عنهم خلاص نزلوا البنات ربي يجزاهم خير مواضيع ووصف لحالهم يبكي الحجر ..

الان احنا وش دورنا ؟؟ طبيعي الدعاء والصدقه لهم بأستمرار ؟؟

بس في امور واشياء لازم نتغير فيها ،، ونغير اللي حولنا ،، ترى احنا مسؤلين امام الله ..

اول شي الامر المهم واكيد ماغفلتوا عنه بس من باب التذكير ، اللي هم الاطفال ، لازم نتكلم معاهم و نطلع صور و نخليهم

يشوفون المأساة ،، ضروري ياغاليات يشوفون ويتأثرون عشان نزرع الرحمه وحب الصدقه بقلوبهم زرع ،،

واي توجيه ونصائح او مناظر بالصغر ماننساها .. عشان كذا نوريهم ، ونسألهم

الان وش دورنا مع اخوانا في الصومال ؟؟ انت وش تقدر تقدم لهم ؟؟؟

غالبا الاطفال يكون عندهم مبلغ لو بسيط يكون جامعوه ،، صدقيني بعد مايشوف المأساة بيروح يعطيك من اغلى مايملك ..

هنا انت زرعتي امر عظيم عنده ،، حب الصدقه والرحمه في قلبه الصغير ،، اللي بتنموا مع الايام ، وصدقيني اي

صدقه بيتصدقها اذا كبر بميزان حسناتك ،،

غير كذا ذكريه بالدعاء وانه هو سلاح المسلم ،، واذكري احاديث و قصص عن فضله .. ودائما ذكريه يدعي لنفسه

واهله والمسلمين بكل مكان ..

وعندنا مشكلة الاسراف في الاكل ،، قولي الاسبوع الجاي رمضان ونبي نبدأ حياة جديده ترضي الله ،،

نبي اقوالنا ورحمتنا اللي بقلوبنا عشان الصومال تتطابق مع افعالنا ،،

عشان كذا هذي الورقه نبي نكتب فيها وننظم وجباتنا حقت اول اسبوع من رمضان بحيث نجمع بين

رغبتكم والشي اللي تحبونه وبين عدم التبذير والتنويع المفرط ..

وابدأوا كل اسبوع ترتبون جدول .. استغلي الفرصة لانهم متأثرين بوضع الصومال وعالجي مشكلة الاسراف بالاكل ..

نوعي لهم كل يوم ولا تكرري عشان مايملوا بس الاهم لا يكون اصناف متعدده واسراف وفي النهايه رمي ؟؟

الفطور الاول ليش مقالي وصياني حلى دسمه وتمر وقشطه ؟؟

ياغاليه الاطفال حسب مانعودهم ،، والاسلوب هذا في الاكل مضر على صحتهم ؟؟ الان مرض السكر انتشر بين الاطفال بشكل كبير،،

لازم نغير عاداتنا الغذائيه .. ونوعيهم ويعرفون ايش المفيد وايش المضر .. وافضل شي عشان يهتمون

نشرح لهم عواقب الاكل الدسم الغير صحي ..

طيب ايش المانع يكون الفطور تمر وقهوه ونوع حلى واحد بس ...

عادي مصيرهم يتعودون نبدأ معهم شوي شوي .. واهم شي نحرص نسوي الشي اللي يحبونه ..

ايش المانع نسوي العشاء طبعا في رمضان صينية شاورما فقط مع مشروب حسب رغبتهم ..

ومره نواشف وشكشوكه ومره فول وتميس ...( انا ماقول كل يوم كذا ) لا بس خلي ايام من رمضان يكون الاكل

شي عادي ؟؟

لاتقولي زوجي يحب ويبي تنويع ،، ادري في رجال كثير كذا بس وين دورك انت بتغييره ؟؟

اول شي التنويع مطلوب ،، بس كثرة الاصناف والاكل هو المشكله واللي ممكن يسبب رمي للاكل واستهتار ..

واستغلي الفرصه اذا كنت يوم تعبانه وماتقدريي تسوين الفطور والعشاء .. بلاش يروح للمطعم ويجيب مالذ وطاب عشانكم صايمين ...

لا ، قولي لزوجك انا تعبانه بس اعذروني اليوم بسويلكم شي خفيف ؟؟ انت هنا فرصتك عشان تعالجين المشكله ؟؟

طبعا اذا كان تعبك دلع مو ذاك التعب اللي ماتقدري تسوي شي ؟؟

وبما ان الكسل عامل عمايله برجالنا بيفرح ، وروحي فاجئيهم بنواشف وشكشوكه :22:

والا اي طبخه سريعه بس تكون حاجه وحده بس ؟؟ اكييد بيصير:ohmy: من الصدمه خخخخ

بس عادي لا يهمك مايقدر يقول شي لانك تعبانه وفوق هذا سويتي لهم ،، ومثل كذا نحاول نغير ونأثر عليهم بالطريقه المناسبه ..

ولا نستعجل النتايج ،، رمضان هذا لو كل اسبوع يوم اكل خفيف نكون انجزنا انجاز عظيم ..

ورمضان اللي بعده اكيد بيكون الوضع افضل ، لين تنتهي المشكله ..

فكره اخيره ايش رايكم المبلغ اللي محددينه لمقاضي رمضان نبقي منه مبلغ معين ويصير للصومال ..

منها تصدقنا ،، وقللنا مشتريات مالها داعي ،، ومنها بركه في الاشياء بنلمسها بأذن الله .

في النهايه احب اوضح انه مايصير تمر علينا ازمات ومشاكل وجراح سواء اسريه او بمجتمعنا او بالامه الاسلاميه..

وحنا مكانك سر ، ماتغير فينا شي ؟؟

اذاً لو سوينا وبدأنا بأنفسنا واسرتنا بيكون طلعنا بنتائج رآئعه ..

اولا / عززنا عند الطفل الرحمه والاحساس بالغير ..

ثانيا / اكتسب الطفل صفات مهمه وصانا بها الرسول وهي الدعاء والصدقه ..

ثالثا / اكتسب الطفل صفه جميله وهي الكرم ،، لانه صار يعطي من ماله الخاص ..

رابعا / قضينا على مشكلة الاسراف بالاكل والاثم اللي ممكن نحصل عليه من التبذير .. ومنها اصبحوا اكثر وعي بصحتهم ..

وعالجنا او تجنبنا امور السمنه وآثارها المترتبه على الاطفال ..

رابعا / اكيد بيتغير الابناء بالاسراف في كل شي مو الاكل وبس اذا صار فيه وعي وتذكير مستمر .

المشاركه الثانيه فيها صور لاطفال الصومال لازم الاطفال يشوفونها .. وانشوده مؤثره :44:

يلزم عليك تسجيل الدخول أولًا لكتابة تعليق.

تسجيل دخول

فرناز • 13 سنة

اغلب الصور جديده ،، لها يومين وثلاثه ؟؟

يعني اللي نشوفهم الان تراهم بهذي اللحظه يتقطعون ألم وجوع ومرض ..

اسأل الله الفرج العاجل لهم يارب .. والله شي يقطع القلب ..

انشوده جدا مؤثره .. اسمعوها و ركزوا بالكلمات والمقارنه المحزنه بينا وبينهم ..

WIDTH=400 HEIGHT=350

نفس مطمئنه • 13 سنة

لا حول ولاقوة الا بالله العلي العظيم
صور تقطع القلب

يارب ارحم تقصيرنا

والله يجزاك خير فرناز

لا اله الا الله

حيـ الروح ـاة • 13 سنة

سبحان الله وبحمده سبحان الله العظيم

*نوااامه* • 13 سنة

الحمد لله الذي عافانا مما ابتلاهم
والله يفرج كربهم ويرزقهم ويغيثهم غيثاَ هنيئاَ
والله يديم علينا نعمه الظاهره والباطنه

جزاك الله خير فرنوزه موضوعك ابداع كالعاده
وانا ضد الطبخ الكثيييييير والرمي !
حلى وتمر وقهوه فقط
وبعد الصلاه شوربه وسمبوسه وصنف خفيف زياده والحمدلله والله انها نعمه كبيــــره

بيري ماكس1 • 13 سنة

طيب حناا وش دورناا كمسلمين تجاه مئساة اخوناا في الصوومال وين نرروح نتبرع فيه

تكفوون قولولي