السلام عليكم اخواتي
موقف صار لي يوم الجمعه بصراحه موقف صعب جدا والحمدلله ربي يسر لي ناس اجواد ورجعت لي شنطتي
بقولكم الموقف
انا كنت مسافره مع زوجي للرياض عندنا شغل وعيالي عند امي وخلصنا شغلنا ورجعنا لديرتنا صباح الجمعه وحنا بالطريق مرينا احدى المحطات ونزلت دورة المياه اكرمكم الله ورجعت للسياره وركبت ومشينا وتخيلو لما مشينا نص الطريق تذكرت شنطتي وصرت ادور عليها بالسياره ومالقيتها :06: قلت لزوجي وقف بدورها تحت المرتبه يمكن تكون طاحت تحتي وقفنا جانب الطريق وبحثت ومالقيت شي .. وتذكرت بعدها انها بدورات المياه المحطه وقلت لزوجي خل نرجع بسرعه ناخذها قبل لايشوفها احد ..ورجعنا عكس الطريق مع الطريق الترابي والله خطر بس ماقدامنا الا هالطريقه وانا في الطريق كنت ادعي ربي ان الله يحفظها او تصير مع ناس اجواد لين نوصلها وحنا نمشي اتصل ولدي بسم الله عليه على جوال ابوه ولا ردينا قلنا مانبغى نقلقهم ويدرون بالسالفه خل نلقاها اول وكرر اتصالاته قلت خل ارد يمكن متصل على جوالي ولارديت وقلق علينا والحمدلله اني رديت صار داري بموضوع الشنطه وسالني قال ماما وين شنطتك ؟؟ قلت وش دراك قال اتصلت على جوالك وردت علي حرمه قالت قل لامك انها نست شنطتها بالمحطه قال ولدي خلاص انا بعلمهم وانتم انتظروهم .. واتصل ولدي على جوال ابوه وعلمنا والله بكيت من الفرحه وسبحان الله ربي سخر الحرمه وجابها للمحطه علشان تلقى شنطتي وتنتبه لها وسبحان الله الصدفه اللي خلت ولدي يتصل على جوالي وقت نسيان الشنطه وترد عليه الحرمه ...
والحمدلله وصلنا المحطه وسلمت على الحرمه وشكرتها ودعيت لها بس والله من الفرحه والعجله وصعوبة الموقف ماتعرفت عليها ولا ادري من اي ديره
وانا كتبت الموضوع علشان اشكرها وان شاء الله ماراح انساها وبدعيلها كل وقت واتمنى انها تكون من اعضاء المنتدى وتشوف الموضوع وتبلغني لاني بصراحه حبيتها عقب ذا الموقف وودي اتعرف عليها واشكرها اكثر
ونصيحه انتبهو لاغراضكم ولاتنزلونها المحطه مهما كان
استشاريه @astsharyh
عضوة جديدة
يلزم عليك تسجيل الدخول أولًا لكتابة تعليق.
8ظل الياسمين8
•
يحياتي انتبهي مره ثانيه مو كل مره تسلم الجره هالمره حصلته حده امينه المره الثانيه تجي وحد وتاخذه
استشاريه
•
يحياتي انتبهي مره ثانيه مو كل مره تسلم الجره هالمره حصلته حده امينه المره الثانيه تجي وحد وتاخذهيحياتي انتبهي مره ثانيه مو كل مره تسلم الجره هالمره حصلته حده امينه المره الثانيه تجي وحد وتاخذه
اي والله الحمدلله ربي ستر وسخر الحرمه وتمسكها لي .. والله يحفظنا من كل مكروه
الله يجزاك خير :26:
الله يجزاك خير :26:
زهره جده
•
جزاها الله الف خير الله يكثر من امثالها
الحمدالله انها عدت على خير وطاحت بيد وحده تخاف الله
( أستغفر الله الذي لا إله إلا هو الحي القيوم وأتوب إليه ).
الحمدالله انها عدت على خير وطاحت بيد وحده تخاف الله
( أستغفر الله الذي لا إله إلا هو الحي القيوم وأتوب إليه ).
الصفحة الأخيرة