الله يحفظك يااخت باشي

الظاهر مافيه الا وانتي والمشرفات الله يسامحهم ماردوا على اقتراحي مع العلم ان نشاط المصلى

طبق في اغلب المدارس ... نكمل بقيه الحديث ...بسم الله

دور المشرفه مع الطالبات :

يعلن عن نشاط المصلى في الفسحه على الطالبات في الاذاعه او في اوراق وتلصق في الممرات من ترغب في الحضور فالتنظم الينا وسوف تجد مايسرها ....

اولا / ذكرناا لنشاط في الفسحه يكون منوع مسابقات وهذا يكون في البدايه حتى نجذب الطالبات والجوائز

تكون بسيطه وليست كل مره وهي عباره عن شريط تطلبين من الطالبات احضار اشرطه من بيوتهم ومايحتاجون اليها

وتقومين با ختيار ما يناسب منها ويوضع في كيس بلاستيك صغير مع حلاوه مصاصه او اي شيء

وبطاقه مثل حقت الاذكار او بطاقات للشيخ العريفي منشره بكثره في المكتبات الاسلاميه وتربط بشريط الهدايا

في هذي سوف يساعدونك بنات المصلى او البنات في حصه الانتظار ....

ثانيا/ تحفظ الطالبات سوره الحجرات او تبارك ويكتب اسماء الحافظات في اللوحه داخل المصلى وتعلن اسمائهن في الاذاعه مع تقديم جوائز لهن .....طبعا يكون الحفظ 3 ايات مثلا كل يوم ممكن تعيني طالبه اوطالبتين لتسميع

على شان وقت الفسحه قصير ومره تقرئين عليهن عن اهميه الحجاب من كتاب حراسه الفضيله ...او عن اهميه الصلاه ....او عن كيفيه الوضوء وفيه نشره راجعها الشيخ بن جبرين وتحوي صور رائعه ممكن توزع عليهن

او تقراءين عليهن فتاوي بالنسبه الان راح تحديثينهن عن فضائل شهر شعبان وبعدين عن رمضان ...

3/ اصدار مجله في النصف الاول والثاني باسم جماعه المصلى وتضعين لها اسم مناسب من عندك او ممكن من الطالبات ....تحتوي على ايه وتفسيرها ومواضيع منوووووووعه

4/ اصدار نشرات دوريه عن المناسبات الدينيه سبق ذكرها ...

ممكن تستعينين بالطالبات في عمل النشره طبعا من لديها كمبيوتر وتوضع اسمائهن في ورقه ويكتب

(اسماء طالبات مميزات في نشاط المصلى) وتعلق داخل المصلى ...

ثانيا ::::::::::::لك دور في حصص الانتظااااااااااااار اغلب المعلمات يتضايقون منها ... الله يعين جات ام محمد

بالدفتر والي تقول يافتاح ياعليم اللهم حوالينا ولا علينا ههههههههههه

حتى ازيل الهم عن المعلمات تحضرين سله كبيره ويوضع داخلها قصص دينيه منوعه كتيبات تناسب سنهن

وكتيبات مسابقات فتاوي عن الحجاب عن الصلاه وغيرها ممكن يساعدونك الطالبات في احضارها

وانتي تختاااااارين مايناسب .....توزع على الطالبات في حصه الانتظار او تقراء عليهن احد الطالبات

او تعمل لهن مسابقه وبهذا ماراح يكون فيه فوضى ولا ضياع وقت والمفروض تستغل هذي الحصه منك انتي ايتها

المشرفه طبعا اذا كان لديك حصه فراغ في توجيه الطالبات وخاصه عن الصور ذوات الارواح في حقائبهن

ومنها صوره باربي اليهوديه وغيرها كثير ...

ثالثا / في مجلس الامهات :::::::::

لابد ان يكون لك دور في هذا المجلس تتحدثين الى امهات الطالبات عن السلوكيات الخاطئه لدى الطالبات

وكذلك عن وسائل التربيه الحديثه لحل مشكلات الابناء

توزعين عليهن نشره عن تربيه الابناء وغيرها واذا صادف موعد مجلس الامهات مناسبه دينيه تحدثي عنها ..

لاتنسين المستخدماااااااااااااات في المدرسه فهن بحاجه الى التذكير والارشاد ....

الظاهر قصدك أنا وأنتي ..........
لكن الصحيح ما فيه إلا أنتي وأنتي ..........فأنا لم أضف أي شئ بل أتابع باهتمام أفكرك الرائعه وأدعوا لك ولكل من شاركك( خاصة أختي اشراق55) في ظهر الغيب

بارك الله فيك
افكار جدا رائعه
:26: :26:

السلام عليكم ورحمه الله وبركاته انا قبل فتره لقيت كلمه ترحيبيه للمصلى وقمت وحفضتها بس بلغلاط قمت وحذفتها ولا قمت وفرغت السله من زين الطبايع هههههه :01:ارجوكم ساعدوني ضروري الي تعرف الرابط تساعدني والله يجزاها الجنه امين

:26: معليش نألف...؟؟؟

وش رايك في هذا

المصلى فتح قلبه من جديد... ويقول بلسانه العذب اشتقت لكم

او

فتح المصلى ذراعية...ليحتضنكم جميعـــــــــــــــــــــــا


او مرحبا كقطرات العسل ....
وكرشات المطر
وازكى من رائحة العطر....

او مرحبا فاحت عطوره
مرحبا تفتحت زهورة
مرحبا سطعت بروقه

تعبت ياورقة وعلى الله تعجبك

اما الرابط فبصراحه ما عرف اللي تقصدين