نشرتي مشاكلكم ...مبروووك ادخلي لتري نتيجة بالداخل

السلام عليكم ورحمة الله وبركاته

حبيت اوضح نقطة مهمه نغفل عنها في ساعة غضب ننشر فيها مشاكلنا للناس

واحنا مانعرف وش الشي اللي حيحصل والنتائج المترتبه .. وانا من باب خبرتي حبيت

اخبركم النتايج:
1- بتفرحين الحساد وبنشرون عنك الخبر مضاعف

2- اهلك واللي يحبونك بينشغلون عليك ويشعرون بالذنب تجاهك ويحسونك انسانه ضعيفة

3- راح تطيحين من عين ناس كثير

4- اذا كان عندك بنات ابشرك طيرتي الخطاب السنعين لان الناس بسرعه تنشر الخبر الشين وبتخربين سمعة زوجك واهله ومن ثم ماراح احد يقرب من بيتكم لان سمعتكم مش ولابد ... وكم من بيت ظلم فيه بنات ابرياء بسبب ام شكايه ولو كانت سترت على زوجها ابرك لها هي تنسى والناس ماتنسى

5- خسرتي الصبر والاجر عليه لان الصبر عاقبته فرج وانتي ماصبرتي فماراح تلقي الفرج ولا الاجر واللي كسبتيه خسارة سمعه واجر

6- لما زوجك يدري بانك نشرتي مشاكله راح يطينها تعرفين ليش ؟؟ لانها خربانه خربانه فيقول خلينا نعميها وانتي الضحيه
الزوجه الذكيه اللي تبين لزوجها انها قاعده تلمع في صورته عشان الناس يحبونه ويحبون بيته ويكبر بعيونهم تلقينه لو انه خرطي يكبر عشان يوصل لللمستوى اللي هي راسمته له قدام الناس

ومبروك لمن صبرت والله يعين اللي فضحت بعمرها قدام الناس

والله فيه حريم تدعي وتشكر لزوجها بالمجالس وهو خرطي بس عشان تكبر مقام بناتها وماشااللله تحقق اللي ببالها