بسم الله الرحمن الرحيم
هذا أول موضوع لي في هذا المنتدى
كنت متابعه لهذا المنتدى المتميز قبل سنوات !
حبيت أسجل وأطرح لكم الفائده
طبعا كل أنثى شعرها هو جمالها
وأيضا شعرها يدل على الشخصية ! هذه تجاربي مع بعض المنتجات
وراح اذكر لكم بعض النصائح
- أول شي أحب أذكركم انه كل وحده شعرها يختلف عن الثانيه
فلما أذكرمنتج او
وصفه يمكن ماتنفع معاك لانه يختلف من شعر لشعر ومن جسم لجسم
وطريقة الغذاء!
- فأتمنى كل وحده تختار الشيء الي يناسبها وماتقلد في كل شيء
· شعرك فيه قشره !
سههل ججدا إستخدمي شامبو headand shoulders
انا عن تجربتي شعري كان فيه قشره مليآن !
ولما أحط شامبو ضد القشره صح انها تخف ولكن ماتروح
ولما جربت هذا النوع من الشامبو افاد شعري كثير وخفف القشره
وراح تلاحظين إنتعاش وهذا شيء متأكده منه 90%
وما أجبرك على نوع محدد من هذا الشامبو اختاري الي يناسبك
وزياده على كذا انهزين للشعر من كل النواحي وهذا غير انه يمحي القشره ! + اذا مثلا تستخدمي
كريمات محدده حاولي تسخدمي كريمات ضد القشره للشعر
· شعرك مصبوغ !
انا ماعندي خبره كثير بالشعر المصبوغ
لانني صابغه شعري خصلات فقط وماصبغته كامل
الصبغات كلها بشكل عام تسبب ضرر بالشعر
ولكن بطبيعة المرآءه والفتاه انها تحب التغيير في شعرها
اولا انتبهي لنوع الصبغه لازم تكون موثوقه
ثانيا ضروري اذاصبغتي شعرك تستخدمين شامبو للشعر المصبوغ
انا استخدم هذا garnier fructis ثالثا اذا صبغتي شعرك وحابه يكون اللون
غامق استخدمي زيوت اذا حابة يكون اللون فاتح استخدمي بلسم
رابعا اذا صبغتيانتظري 3 أشهر على الاقل بعدين اصبغي مرة ثانيه
في ناس الله يصلحهم صبغة ورى صبغة يدمرون شعرهم
· أفضل الزيوت للشعر
طبعا الزيوت تحير لانه الكل ينصح بمنتج
وكلنا نجرب وضايعين
دابر أملا الكل ينصحفيه < انا عن نفسي مايصلح لي + لكن كثير نفع معاهم والي
تتضايق من ريحته يقولوننزلو منتج جديد ريحته زينه اتوقع بريحة الياسمين
ويمدحون كثير زيتخلطة فرح يقولون انها تطوول وتكثف الشعر بشكل
رهيب < ماجربتها للأمانه
لكن أفضل زيت عندي والي نفع مع شعري يطووله وينعمه
زيت صانسليك السبع زيوت " للشعر التالف " لونه برتقالي
يشهد ربي علي انه منثاني استخدام تلاحظين شعرك يبدأ يطول ويقلل التساقط وينعمه
ويقلل الجفاف وريحتهماقولك عاديه الا خياليه ريحته كثيير حلووه وتفرح القلب
J + عالعموم منتجات صانسليك تتميز بريحتها الحلوه + وتعطي ليونه للشعر
والزيوت لازم تداومينعليها يعني اذا تقريبا عدا نصف العبوه تقدرين تحددين اذا هو
أفاد شعرك او لامايصلح من رابع او خامس استخدام تحددين ! ولازم المداومه انا عارفه
انه البعض يتمللمن هذا الشيء لكن مو مشكله ! واذا تتمللين كثير من الزيوت
على الاقل مرة حطي ومرة لا تحطين
· الخلطات الطبيعيه :
اليعض يفضلها على الزيوت والكريمات وهالأشياء
هذه نصحتنا فيها مدرسه التدبير المنزلي ^,^جزاها الله خير
وعن تجربتها تقول هيحطتها يومين تقول يبين أثآرها
وجربوها ثنتين من صديقآتي مرة ويقولون لها نتائج واضحه من أول مرة
وحتى تقول حطتها بعدها حطت استشوار خفيف وصار ناعم كثيير
هذه الخلطه طبعا علىحسب طول الشعر هذه حق شعر متوسط اذا كان أقصر قللي
من المواد واذا اطول زيدي شوي :
بيضه , زبادي ( روب ) , مايونيز , ملعقة عسل , ثوم < قطعة صغيره
حطيهم كلهم مع بعض حمريهم شوي بس شوي
يعني بس عشان يصير حار او دافي يعني بس حطيه شووي شووي بس
وبعطين جيبي هذه " المشخاله أو يسمونها الصفايه ( الي يصفون فيهاالمكرونه او الرز
J "عشان تنزل الخلطه كلها ويبقى الثوم فوق < لانه مانبغى الثوم ! بعطين انتطري تبرد الخلطه شوي وحطيها ساعه كامله في شعرك انا داريهانه الريحه
ماراح ترحم أبد أببد غطي شعرك زين
ولما تجين تتحممين لا تتروشين على طول كل جسمك
اول شي حطي راسك بالمغسله وفعدي غسلي شعرك < اول شي بس بالماي
انتظري لين تنزل ككل الخلطه " لاتطالعين في الاشياء الي بتنزل من شعرك "
بعدد تقريبا ماتنزل كل الخلطه حطي شامبوو لاتحطين كميه مبالغ فيها !
حططي كميه كبيره مرة وحده بس لانه البعض بيكثر كمية الشامبو عشان تروح
الريحه < وهالشيء ماراح يوخر الريحه
بعد ماتخلصين تتروشين وتروقين !
كيف نوخر الريحه : حطي دهن عود , او حطي كريم في شعرك < تكون ريحته حلوه
بس دهن العود هذا زيين بيوخر نسبه كبيره , واتوقع بيجكم وسواس على الريحه
لكن مو لهذه الدرجه صدقوني بعد ماتتروشين وتحطين دهن عود ان شاء الله تروح
وانصحكم الي عندها دوامات لاتجربها خليها في الويكند
· إيش تحطين بعد الاستحمام :
بوتيك الفازلين بفيد للشعر الجاف
وبديل الزيت بانتين يفيد للشعر الدهني
· كريمات مفيدة للشعر :
أنا أستخدم كريمصانسليك الوردي كثير مناسب لشعري وريحته كثير حلوه
وينصحون بفاتيكا جربته من قبل حلو " ضد القشره لونه أصفر " +منتجات فاتيكه يمدحونها
البلسم :
نصيحة : البلسم غير مناسب للي فيهم قشره !
مو مشكله استخدمي بلسم مع شامبو هاد اند شولدير < انا زي كذا
ما أحس بزياده القشره , بس اذا فيك قشره وتستخدمين بلسم مع شامبو
عادي هذا راح يزيد القشره
انا استخدم صانصليك الي لونه أصفر ماشفت منه ضرر او منفعه
راح اجرب نوع ثاني
فاشكول تستخدمه امي من زمان
امي تستخدم بالجرجير اتوقع لونه اخضر
+ إستخدمت مرة بالثوم تقول ماتعودت الا على الجرير < الله يحفظها:]
له فوائده للشعر يكثّر ويغذي والأهم انه يحمي من التساقط
· الشعر المتقصف :
الي تعاني من تقصف في شعرها اما تقص الاطراف أو تستخدم بوتيك فازلين < مو على كل الشعر فقط في الاطراف
استخدميه بشكل مستمر للي عندها تقصف وان شاء الله يروح
التغذيه :
ماعندي خبره في هالشيء
لكن اهتموا بتغذيتكم
الي عندها نقص كالسيوم تهتم بالكالسيوم
والي فيهم فقر دم" مثلي " شعرهم اغلب شيء يكون جاف أكلو زين
ابتعدو عن المشروباتالغازية والاشياء المو زينه < كلام عارفينه من زمان لكن لابد أذكركم
/
أتمنى لكم شعر جميل يليق فيكم
اتمنى يتحسن شعركم وتكونون راضين عنه
لانه فاهمه الشعورانك ودك تشوفين شعرك بالصورة الي تتمننيها
أدعولي تكفوون ,وأدعو لنفسكم انه شعوركم تتحسن للأفضل
أتمنى أفدتكم لو بشيء بسيط
سامحوني ماصورتالأشياء تصوير شخصي + وماكتبت سعر كل منتج
الله يوفقكم اجمعين وييسير اموركم
وتذكرو " شعرك هو شخصيتك " لازم تهتمين فيه 33>
