نصائحكم تكفون سلفتي اصغر مني راح تولد وانا راح استقبل من مرت بهالموقف ؟؟

بنات تكفون قربت انهاااااااااااااااااار قبل ما تولد

والله اني فرحانه لها وربي يشهد اني احبها وعلاقتنا طيبه

بس يا بنات انا اكبر منها كثير يمكن ست سنوات وزوجي اكبر من زوجها وحملت وراح تولد

المشككله مو فيها ولا في عماني
المشكله بالناس اللي راح تجي تبارك

احنا ساكنين بنفس العماره لازم اكون معها بعد ما تولد

خالتي ست كبيره وبناتها متزوجات لازم اساعدها بالضيوف

مره شايله هم كل ما جت وحده تبارك لها راح تدعي لي الله يرزقني وانتوا اكثر ناس فاهمين وش قد تضايق نظرة الناس اذا قاموا يدعون
لان هالشي صار يوم حملت كانوا حتى يحاولون ما يباركون لها قدامي
وادخل واحسهم يسكتون
ياااااااااااااارب الصبر

مره شايله هم ومتضايقه وهي لسى ما ولدت

يارب تيسر هالايام وتعديها على خير يارب ما تولد الا وانا وانتوا حوامل ياااااااااااااااااااااااااااااااارب

معليش بنات كلامي ملخبط بس تكفون نصايحكم بالتعامل مع الموقف

والله خايفه حتى ابوس البيبي او اشيله

الله يعين قربت اخلص خمس سنوات

رب لا تذرني فردا وانت خير الوارثين