أم الكل

أم الكل @am_alkl_1

عضوة نشيطة

نصائح أهل الخبرة ...

ساعدوني

السلام عليكم و رحمة الله و بركاته

هذه أول مشاركة لي و أتمنى أن لا تكون الأخيرة ..... و هذا يعتمد عليكم أخواتي .... أتعرفون ليش .... لأني أكثر من 6 شهور و أنا أحول أسجل و كل مرة بعد عناء مرير في أختيار الأسم ... أول ما حاول المشاركة ... تطلع لي المسج الحلوة لم يتم تسجيلك ... و أنصدم طبعا .... و أقعد أحول مرة ثانية .... و عاشرة ..... لين ما تعبيت و فقدت الأمل في الأنضمام لمجتمع و الناس الحلويين في عالم حواء


بس من هو ... ما في للاحباط مكان عندي .... و الأصرار صار أقوي .... و أخيرا راح أرسل أولى مشاركاتي :icon28:

طبعا الأسم غريب شوي .... ليش أني حنونة زايادة عن اللزوم .... و أحب الكل.... صرت أم الكل ...

فلكل مني أحلى سلام .... و أرق التحايا .... و أهلا و مرحبا و غلا بالحبايب


طبعا مستغربين و ين المساعدة المطلوبة


جايتكم في الطريق


أنتظروا شوي بس

:30:


أريد مساعدتكم الكل ...( أحب هذي الكلمة !!:) ...........

راح أبني بيت العمر قريبا إن شاء الله ... و الأمور صارت بسرعة و غير متوقعة في الوقت الحالي.... أحب أسمع نصائحكم الكريمة كل من بنت أو تبني حاليا أو تفكر تبني.... لأن كنت حابة أخذ وقت أطول في التخطيط و الاستشارات لكن الوقت مو في يدي


زوجي يقول ما لا داعي التعقيد .... , أنا أقول نتأخر كم شهر و ندرس الأمور أكثر ... أحسن ما نضرب كف على كف بعد فوات الأوان؟ :angry:

أحب أخذ رايكم في طريقة توزيع الغرف .... و هل أفكر أو أخطط للطابقين من ألحين أو بس الطابق الأراضي ... وما أرح أثر مستقبلا على البناء...
أهم الأمكان الواجب الأهتمام بها .... الأطفال و حاجاتهم و خصوصا بعد ما يكبروا ... لأن بنتي عمرها سنة و 7 شهور و ما عارفة هل أبني غرفة بجوار غرفتي أو منفصلة عني

المخزن في البيت بالنسبة لي ضروري .... و كنت أفكر أعمل 2... أش رايكم؟

أبحث عن أشكال جديدة للشبابيك و الأبواب .... حابة يكون البيت بسيط... ناعم .... عملي .... بس يكون في فكرة ... غريب؟؟؟ :(

حقيقة وايد أفكار في راسي ... بس أبغي أحد يساعدني خصوصا من لهم تجربة... لأن زوجي يقول الأضافات دايما ممكنة بعد ما يجهز البيت... و أنا أخاف ان بعض الأشياء لازم الواحد يحسب حسابها من البداية .... شنو رايكم أنتو ...؟؟؟؟

في أنتظار مشاركاتكم و ردودكم على أحر من الجمر

:icon35:
و دمتم سالمين
2
436

يلزم عليك تسجيل الدخول أولًا لكتابة تعليق.

تسجيل دخول

زائرة
مشاء الله تبارك الله مبروووووووك منزل العافيه ان شاء الله والله يهنيكم فيه

والله ماعندي اي خبره بس حبيت ابارك لك بالبيت الجديد

الحمدلله الوقت الي بنينا فيه بيتنا زوجي اهتم بكل شي وريحة راسي من التعب

يقولون فيه قناة بالدش اسمها العقاريه لو تشوفينها يمكن تجي ببالك بعض الافكار

واذا عندكم بعض العماير الي تنبني ادخليها انتي وزوجك وشوفي على الطبيعه

ايش الي ممكن تسوينها في بيتكم

واعذريني لاني ماعرف بالبنيان وان شاء الله الاخوات يفيدونك
زائرة
هذا رابط قسم الديكور وتأثيث المنزل

وانشاء الله تلاقين الي يسعدك

http://forum.hawaaworld.com/forumdisplay.php?s=&daysprune=&f=7