نصائح المجربات في النقل من بيت لبيت !!!

وعليكم السلام ورحمة الله وبركاته

ياهلا والله وغلا بالمعتصمه

الله يعينك ويسهل عليك :(

من خبرتي اول شي ابدء بالمطبخ لان حوسته واجده افرغ المواعين بكراتين واذا خلصت منهن اكتب على الكرتون المطبخ علشان اذا نقلوه للبيت الجديد يحطونه بالمطبخ مهوب يرقونه فوق والا ينزلونه تحت:mad


ةالف الكاسات والفناجيل الاشياء القابله للكسر بورق جرايد او قطع كراتين علشان مايتكسر واكتب على كرتونهن قابل للكسر:19:


والملابس اللي يتصفط احطه بشنطه واللي يتعلق تلقين عند اليو هولU- HAll مدري السبيلنق كذا والا لا كراتين خاصه بالملابس اللي تعلق
دخليهن باهالكرتون وصكيه واذا رحتي للبيت الجديد على طول طلعيهن وعلقيهن .




معليش ارجع لك بعدين

مطلوبه انا هالحين


:

رائعة يا عائشة
كملي الله يسلمك وقولي للي طلبك انا عندي حالة مستعجله روح للأوضة بتاعتك الله لا يسيئك

السلام عليكم ورحمة الله

الله يسهل عليك ويعينك

بالنسبه للملابس المعلقه مثل ماهم بمعاليقهم وبالشنط على طول وبعض شركات النقل تجيب معها مثل المعاليق الكبيره في المحلات هذه تنفع كنت اخليهم يعلقون فيها الجاكيتات والاشياء الثقيله

بالنسبه للمطبخ مثل ماقالت عائشه
والحمامات والكنس خليهم اخر شي
لانهم اثناء النقل بيحوسون الدنيا فراح تضطرين للكنس ثاني
واذكر بعد مانقلنا وخلصنا رجعت للبيت ونظفت التنظيف النهائي
وكان يمكن بعدها بيومين فماكنت مجهده
يعني خلي معك وقت كافي قبل النقل وبعده بحيث يكون معك تقريبا اسبوع قبل التسليم عشان تاخذين نفسك
واهم شي بعد تكتبين على الكراتين

هلا اختي المعتصمه الله يعينك وياليتني قريبه منك كان ماخليتك تسوين شي والبنات ماقصروو وضحوا كل شي

بس انا بقولك وش سويت لما نقلت من تاون هاوس الى شقه اول شي بديت في غرفي لميت الملابس كلاها بالشناط وتعرفن اغراض التسريحه حطيتها بشنطه سمسونايت
وبعدين بديت اللم التحف واغراض المكتبه وحطيتهم في كراتين واخر شي رحت للمطبخ عاد حوسته حوسه الله يعينك وانا لما نقلت كنت توني جايه لامريكا مابعد شريت اغراض كثيره مثل الحين
اغراض المطبخ صففتهم بكراتين الكاسات مع بعض والصحون مع بعض عشان اذا جيت ارتبهم القاهم مرتبين مع بعض وهكذا


بس الله يعينك فعلا شغله

اتمنى اني فدتك ولو بشي بسيط

هلا اختي المعتصمه
شوفي انا ما ابطيت ناقله و ما بعد نسيت ..
1-اول شي تدبين فيه اذا عندك اكثر من حمام ابدي بواحد الي ما تستخدمونه كثير و فرغي ادواته من الصابون و اغسليه و خوذي فرشاته و اغسليهم و لفيهم بورق جرايد او اي شي علشان ما يتكسرون اذا هم زجاج و قفلي الكرتون و اكتبي عليه .. حمام . حتى الحمام الي تستخمونه بشكل يومي شيلي كل شي فيه و خلي بس الصابون و فرش الاسنان .. و اذا فيه معجون باقي فيه شوي خليه لاخر وقت و ارميه و اذا فرش الاسنان من زمان ما غيرتوها اسخدموها و بعدين ارميها قبل لا تمشون .. علشان تخف الاشياء الي يبيلها نقل
2- بعدين روحي لالعاب عيالك اذا هي كثيره ضفيها بكرتون و خلي لهم كم لعبه و قفلي الكرتون و اكتي عليه انه يروح لغرفه العيال ..
3- روحي للمخزن و الي ما تبينه ارميه و الي تبينه حطيه في كرتون و خلي كرتون مناديل واحد مثلا للحاجه اذا احتجتيه ...
4- الجرايد و المجلات الي ما تبينها ارميها
5- خوذي كرتون او شنطه و روحي لملابس عيالك حطيهم فيها و خلي كم قطه بس للايام الجايه و حاولي كل شي تحطينه يصير نظيف علشان يكون اسهل لك بالترتيب في البيت الجديد .. جيبي كرتون كبير من ال UHall و حطيته بجنب دولابك و شيلي الملابس مثل ما هي بعلاقاتها و لا صفطيها و لا شي علشان تستمر مكويه .. و احطيهم بالكرتون و خلي لك قميصين ما تبينهم و كنت ناويه ترمينهم علشان تلبسينهم لين النقل و بعدين ارميهم و خلاص ..
6- بعدين جيبي اوراق بيضا ساده من ال Uhall او الي فيها فقاقيع الهواء ما ادري وش اسمه .. و جيبي كم كرتون و ابدي بالمطبخ .. بس خليه اخر شي يعني قبل النقل بيومين مثلا .. و اولا خوذي كرتون صغير للبهارت و تعرفين اللصقات البيضاء الساده .. lable خليها عندك و كل كيس بهارت اكتب عليه بهذه الستكر اسمه و لصقيه على الكيس و حطيه بالكرتون .. و بعدين اكتي على الكرتون المطبخ و اكتي تحته البهارات .. علشان تعرفين كل كرتون وش فيه قبل لا تفتحينه .. و بعدين ابدي بالقدور حطيها ب كرتون و بعدين ابدي بالصحون و الكاسات .. ( نصيحه لا تلفين المواعين بجرايد ) لانها راح تتوسخ من الحبر و تضطرين تغسلينها اذا رحتي للبيت الجديد .. لفيها بورق ابيض من ال u hall و حطيها بالكرتون .. و قليه و اكتبي عليه
7- ايه نسيت قبل المطبخ خلي فيه كرتون للمفارش و جمعيهم في كرتون بس لا تقفلين الكرتون خليه مفتوح بس اكتبي عليه وش فيه علشان اذا صحيتو يوم النقل تحطين المفرش الي انتم نايمين عليه ...
8- خلي فيه كرتون فاضي علشان و انتم طالعين اذا صار فيه شي نسيتيه تحطينه .. و اكيد راح يكون فيه
كرتون البي بي الصغير .. حطي فيه الحفاظات و الحليب و الرضاعات و المناديل و المهادات .. و كم غيار يعني الاشياء الي تستخدمينها يوميا .. و خليها دائما داخل الكرتون بس لا تقلينه كل ما تحتاجين شي خوذي منه و بعدين رجعيهم ثانيه للكرتون لانك يوم النقل راح تكونين مرتبشه و مثل ها الاشياء ما تبينها تضيع .. ايه ما انسى .. شفتي شنطه الودلاه الي اخذتيها معك للمستشفى .. حطي فيها كم غيار و خليها جاهزه و بالسياره لان يوم النقل راح يكون الكرتون مقفل و لا تقدرين تأخذين منه شي يعني الي بالشنطه بس يكفيك وقت النقل .,,,,
9- ايش بعد .. ايه اذا عندك تحف او لوحات جمعيهم بكرتون , و خلي الصور و التحف هم اول شي تجمعينه ..

باختصار كل شي تطيح عليه عينك حطيه بكرتون على طوووول بس الي تشكين انك يمكن تستخدمينه لا تقفلين كرتونه ..


و انا نصيحتي انك ما تنظيفين البيت الا اذا نقلتو و راح الاثاث ارجعي بعدها بيوم و انت معك اغراض التنظيف و نظفي البيت .. و ممكن ما تأخذين المكنسه مع الفش يوم النقل علشان اذا رجعتي تنظفين تنكسين البيت و بعدين تاخينها معك و انت طالعه ..

ان شاء الله اكون افدتك ,, و الله يهون عليكم النقل .. :26: