هل المديرة هزأتك قدام خلق الله؟؟:30:
هل تهاوشتي أنتي ورجلك؟؟:arb:
صديقتك مزاعلتك عشانك من سنه ما دقيتي عليها؟ << ياللي ما تستحين على وجهتس!:09:
أمك أعطتك تهزيئة محترمة؟؟؟:hahaha:
طيب إذا صارلك كذا وش تسويييين؟؟:blink:
إن كنت من النوع اللي يحط حرته في الأكل فمباشرة بتنصين أقرب كيس شيبس:10_8_9: ولا قطعة شوكولاته كبر الحمار ولا بتطلبين لك بيتزا ملياااانه جبن:10_8_10:. شوفي حبيبتي كل الناس يتعرضون لضغوط نفسية بس كونك تستخدمين الأكل عشان تتخلصين من الضغط هذا يعني إنك قاعدة تاكلين كالوريات زايده ما تحتاجينها.. بمعنى آخر تربين كرشتك وفخوذك!
وإن كانتس ما تبين تسمنين وتوفرين هالكيلوات جربي هالنصائح إذا جتس حالة الهجوم على الثلاجة!
إذا كنتي طفشانه وتدورين شي تسوينه.. حاولي تنمين هواية من هواياتك يا مبدعة.. ارسمي صممي اشتغلي على الفوتوشوب وإن كان ما عندتس شغالة روحي غسلي المواعين:3_13_12: بس قفلي الثلاجة بالمفتاح وعطيه ابو الشباب عشان يحطه في السيارة .. لأنه خطر عليتس يا طويلة العمر .. بعد كل صحن تغسلينه بتشقرين على الثلاجه عشان تاخذين لتس لقمة سعنوووونه فاستعملي الطريقة أعلاه عشان ما تبلعين الثلاجة..
تحسين بالوحده؟؟ اهلتس كلهم طلعوا وخلوتس.. ولا ابو الشباب طلع لعزيمة وخلاتس مع هالمبزرة؟؟؟.. مش مشكله استلمي التلفون ودقي على خلق الله ووسعي صدرتس:a_smil17: ولكن إياني وإياتس تقربين الثلاجه حاولي إنتس تنسينها! ولا استخدمي الطريقة السابقة (طريقة وضع مفتاح الثلاجة مع ابو الشباب)
تحسين إنك مضغوطه؟؟ تعوذي من ابليس وقولي اذكارتس واقري وردتس.. همن سوي رياضه .. مشي ولا يوجا..بتحسين إن نفسيتس تحسنت عقبها..
حزينة؟؟ سوي أي شي عشان تضحكين.. سولفي مع اختس ولا تفرجي على حركات ولدتس الجديدة ولا إقري مجلة حياة (دعاية مجانية) ولا أي كتاب مسلي.. وإن شاء الله إنتس بتنسين الأكل وحرورة البطن بتروح!
طبعا الحتسي المكتوب أعلاه مترجم بتصرف من موقع عنجلينزي (أتحداكم تلقون أحد يترجم أحسن مني!):S_45:
alkansaaa @alkansaaa
محررة
يلزم عليك تسجيل الدخول أولًا لكتابة تعليق.
يعطيييييييييك العااااااافيه حبيبتي على هالنصاااايح
اهم شي مفتاح الثلاجه نصيحه جهنيمييييييه
اهم شي مفتاح الثلاجه نصيحه جهنيمييييييه
الصراحة ترجمة ولا أحلى .......... بس اللي تاكل كدا لمجرد الأكل ......... عموما تسلم أنا ملك على هذا الجهد والنصايح الحلوة .........
هههههه بصراحه اول مره اشوف ترجمه جذي هالنوع يديد لول
يسلمووووووو يالغلا موضوع حلو
يسلمووووووو يالغلا موضوع حلو
هههههه بصراحه اول مره اشوف ترجمه جذي هالنوع يديد لول يسلمووووووو يالغلا موضوع حلوهههههه بصراحه اول مره اشوف ترجمه جذي هالنوع يديد لول يسلمووووووو يالغلا موضوع حلو
فديتج يا alkansaaa على هالترجمة :biggrinlo :biggthump ـ ـ ـ مشكورة يالغالية وجزاك الله خير
.
.
الصفحة الأخيرة
مترجمه عجيبه والله
يعطيك العافيه
ونصايحك حلووووووووووه انشالله انفذها لاني من النوع اذا تمللت اوتضايقت اكل
لاتحرمينا من جديدك