نصائح في الزيوت/منقول

منقول لعيونكن الحلوة

صبــــــــــــاح الورد
واللي تقرى هالموضوع بالليل نقولها/

مســـــــــــاء الجوري

حبيباتي ، ،

في كل مره أروح فيها للعطار ، وهو رجل كبير بالسن وله باااع بالزيوت ، يعطيني الله يجزاه خير نصايح
واتبعتها ، وكان حكيه صح مية بالمية ،

ومن خلال متابعتي لموضوعاتكم الشيقةوردودكم الرهيبة

تأكد لي أن الخطأ في الاستخدام يأدي لعواقب وخيمه ياساتررر

عشان كذا جمعت لكمم هالتجارب ، وبأنثرها بين ايدينكم وأتمنى أنها تفيدكم جميعاً

1- يابنات حواء لاتتهور وحده وتحطه لشعر بنتها زيوت!!

ابدي من فوق العشر سنوات حطيه قبل كذا لااااااااا ، وزيوت بارده فقط .

2- قبل وضع اي زيت لازم تمشطين شعرك زين مازين ،علشان مايعذبك في الدهن والغسل ، بعدين تقسمين الشعر

لقسمين وأبدي بالقسم اليمين اتباعاً لسنة الرسول صلى الله عليه وسلم ، وخلي معك مشط الاسنان وابدي خذي

خصله خصله من الأمام للخلف وحطي الزيت وأفركيه برفق على فروة الراس ، لازم يابنات تفركون اشوي ، وهكذا

لييين تخلصين شعرك كله .

3- اللي شعرها مصبوغ لاتحط الزيوت الحاره / تبدأ بالزيوت البارده لمده اسبوع كل يوم ، عقب تبدأ باستخدام الزيوت

الحاره عشان مايسبب لها التساقط ، طبعا لاتستخدم الزيوت الا بعد شهر .



4- اللي شعرها مو مصبوغ تحطه الزيوت الحاره عادي بس مو أكثر من ثلاث مرات بالاسبوع .

5- احذري من انسكاب الزيوت على الجبين أو الظهر ، لأنه مع الوقت يفتح المسام ويظهر الشعر .

6- لاتحطين زيوت في وقت الدوره ، لأنها تبرد الراس وتأثر على أرحامكم / يعني لاتصلحين شي وتدمرين شيء

7- خلط الزيوت أكبر خطأ نقع فيه بدون سؤال المتخصصين به ، في زيوت حاره ولو تخلطينها مع غيرها ماراح تتحمل

فروة رأسك ويطيييييح شعرك ، عشان كذا لازم الخلط يكون من قبل عطار محترف ، لأن النسب هم أعرف بها ، وتكون

في قارورة زجاجية

مثلا : ماينخلط زيت الزيتون وزيت اللوز ، لأنهم كلهم حاريين ...وهكذا



8- لمى تغسلين الشعر من الزيت - خصوصا الزيوت الحارة - لاتكبين الشامبو على راسك على طول /

انتبهوااااااا ، خذي كوب بلاستيك وخليه عندك بالحمام وصبي الكمية اللازمه وخففيها بالماء ، عقب صبيها على راسك

وابدي غسليه ، ولاتغسلينه إلا وراسك في المغسلة ، علشان ماتنسكب الزيوت على وجهك وجسمك وتحسسك .

9- من الخطأ أني ازيت شعري ، عقب استشوره بعد غسله مباشره / حاولي تخلين الزيوت للعناية الكامله / يعني

حطيها بوقت ماتحتاجين استخدام الاستشوار عشان يستفيد شعرك بشكل جيد منها .

هذي أبرز أسرار العطار ، ممكن نشوفها بسيطه بس كثييير مهمه