نصائح قبل السفر للسياحةخارج الوطن

مدري لو الموضوع له تكملة أو لا


عموماً نصايح مفيدة يعطيك العافية ماقصرتي

حجز الطيران
غالبا الخطوط السعوديه تكون دايركت لكم دولة تقريبا ال ٥٠ دولة بس احس عيبها طياراتهم ضيقة شوي اما تعامل الموظفين راقي جدا الله يوفقهم يارب
باقي الخطوط اغلبها ترانزيت
الافضل اذا ترانزيت تاخذون اكثر من ١٥ ساعة وتختارون دولة بدون فيزة او نفس فيزتكم علشان ماتنحجزرون بالمطار على الفاضي
انا اسمع اذا ترانزيت اكثر من ١٥ ساعة نفس الخطوط تحجز لكم فندق الى ان ياتي وقت المغادرة ..تاكدوا من المعلومة
عموما الترانزيت غالبا يكون لموطن الخطوط مثلا طيران الامارات سواء فلاي دبي او غيرة الترانزيت بيكون على دبي او ابو ظبي او اي مدينة اماراتيه تابعه للخطوط
الطيران التركي الترانزيت غالبا على اسطنبول او اي مدينة تركية ثانية
وهكذا ان شاء الله فهمتوا علي .
خلاص الحين صدرت الفيزه وحجزتوا طيران الله يسهل اموركم وتروحون وترجعون بالسلامة ان شاء الله ..
النصيحة القادمة بتكون عن الحجز الفنادق

لا إله إلا انت سبحانك إني كنت من الظالمين

حجز الفندق

حجز الفنادق يختلف من شخص لاخر
بس اول شي تاكد انه مكتوب اوتيل مو هاوس
فيه ناس يفضلون فندق واحد كل السفره او فندقين هذا بالنسبه للي ماراح يغيرون المنطقة اما اذا كنت بتزور كم منطقة ضروري بتحجز فندق بكل منطقة
الفندق اذا جيت تحجزه غالبا من البوكنق ضروري يكون تقييمه فوق ٨ ونص
واطلع على التعليقات شوف ايش سلبياته وايجابياته بعدين قرر
لاتستغرب اذا اخذوا الفندق عليك مبلغ اضافي هذي ضريبه في اغلب الدول الغربيه
يفضل اذا حجزت الفندق تحجز معاه الفطور
تاكد ان فيه مواقف للسيارات مجانيه وواي فاي
اطلب غرفتك مطله اطلالة جميلة بس ممكن يكون سعرها اغلى شوي
الفندق غالبا مايسلمونك الغرفه الا الساعه ٢ والمغادرة ١٠ صباحا يعني لما تغادر الفندق وتوصل الفندق الثاني قبل الوقت اسالهم اذا فيه امكانية تحط شناطك عندهم ومجانا الين يجي وقت استلام الغرفة احسن لك من تنقيلها معاك خاصة اذا ماكان عندك سيارة انا جربتها مع فندق واحد بسويسرا وصلت قبل بساعتين ووافقوا
اسال الفندق اذا عندهم غسيل ملابس حظك اذا كنت مستقر بالفندق كم يوم اما اذا كنت تتنقل كل يوم بمنطقة بتتبهذل بالبحث عن مغسلة ملابس
اذا عندك اشياء ثمينة خذها معك افضل شي فيه ناس يحطونها عند امانات الفندق انا ماجربتها بس اسالوا عنها
يفضل الفندق يكون قريب من بحيرات او مولات علشان تستمتع بيومك .

جزاك الله كل خير