نصائح لآظافر احلى وأقوى..واكثر صحه (تجاربي الخاصه)

مرحباااااااااااااااااااا

والله اني دايخه حدي ... لكن الافكار بمخي بعدين بتتبخر..وبتصير ذهب مع الريح
وين الاحقها بعدين..بتصير لا حياة لمن تنادي
:22: :22:



المهم................

ببتدي لكم من البداية ....

اظافرنا..اول ما يلفت النظر لايادينا ..وجمالها وصحتها تعكس جمال وصحه صاحبتها...........



اول شي................


لا تصبغين اظافرج كليوم بلون وطول الوقت صبغ الاظافر عليهم...لانه يسبب جفاف
لكن حاولي عالاقل كل مرة تجيج الاخت المتسببة (( الدورة)) تحطين عليهم المنيكير...
لانه طول الشهر تكون معرضة للماي واللي يسبب تكسر وتقصف للاظافر العزيزة...

ثاااااااني شي.......


اظافرج ..اظافر .. مو فتاحه علب...ولا وسيلة تسلية وتمضية وقت..........

خطييين تحت هالجمله..



يعني لا تفتحين ابهم اشياء صلبة.......
ولا تقعدين تقروظين فيهم (( تراها عاده كسيفة .....واقول لكم عن خبرة..ترا كنت اقرض اظافري..بس الحمد لله تركت من سنين))

ولا تقعدين تطقطقين فيهم وتفركينهم ببعض...تطلع صوت مزعج ينرفز..وبنفس الوقت مو زين للاظافر


ثالث شي.......

الجلد الميت حول الظفر.........ممكن تتخلصين منه بطرق وايد
اذا كان خفيف ..ممكن تشيلينه بسهولة..
وقت تتسبحين..يصير الجلد لين وينشال بسرعه...بس ظغطي بظفر سبابتج حوالين الجلد الميت دار مدار الظفر ((قصدي الجلد اللي يتجمع في بداية منبت الظفر..ويصير كانه طبقة جلد رقيقة))...بدل لا تستعملين ادوات ما تعرفين لها وتجرحين روحج.......
اما الجلد الصلب تقدرين تشيلينه بعده الاظافر..او حتى بالمقراظ..بس بحذر...لا تقصين صبعج وتسوين لنا بركه دم وتقولين لمساااااات تفلسفت وقالت...:30:

بالنسبة لطول الظفر.........

ترا الظفر اللي طويل وايد شكله كلش مو حلو..وماهو زين للظفر لانه يضعف..ويخليه يتكسر بسرعه..وتتجمع القاذورات تحته...

بتقولون لين ناكل بقفشة ما ادري ملعقة.. هاي ما يمنع انه الظفر لازم يكون نظيف

الوصخ تحت الظفر .. يشوه شكله ويسبب فطريات وامراض انتو في غنا عنها...

يعني عقب كل مرة تتسبحين نظفي تحت ظفرج..(( باستخدام الراس المدبب للمبرد))
ترا عقب ما تنظفونه..بتشوفون انه حتى الجلد الميت تحت الظفر ينشال..مما يظهر شكل الظفر احلى وطبعا انظف..........

مو تسوون روحكم فلته ..وترزون المبرد تحت الظفر بالقوة بس عشان تشيلون الجلد الميت وشيلون الجلد الاصلي بس عشان بين الظفر اطول..

مع العنايه والاهتمام الظفر يطول بسرعه وبصحه


بالنسبة..لبرد الظفر..........

كل وحده يناسب اصابعها ونوع ازافرها شكل معين يختلف عن غيرهه..بردي اظافرج بما يناسب هالشي..
مو تقولين ولا فلانه بنت فلتانه اظافرها مرة روعه مسويتهم اطار...يمكن هالشكل ما يناسبج..

لا تبردين الحواف وايد...لانه يخلي الظفر اضعف.....

لا اخر فتره اشوف اخر صرعه للاظافر..يطولونهم ويبردونهم المفروض انه شكل دائري..لكن والله كانه سهم...

اخاف تبط عيوني... ما ادري هاي ظفرها لو متسلفة من قطوة فريجهم هالاظافر...

انتبهي انتبهي من انجي تبردينهم بهالشكل...... والاسباب...
نفس ما قلت قبل شوي ..برد الاظافر من الاطراف وايد يخليها ظعيفه........

ثاني شي اذا الله لا يقول انكسر ظفرج شويوونه على طرف تقدرين تعدلينه الى شكله ((خاصه اذا كان اطار تسوينه دائري)) بدون ما تضظرين انج تحشينهم كااااامل..حسافه عليهم

ثالث شي...خطر عالمجتمع..تعصبين على احد تشمخينه..يطلع منه الدم...

المنفعه الوحيده انج تخرعين اليهال اذا غربلوج...بخافون على سلامتهم :hahaha:

زين...

الحين بالنسبة للصابون اللي يعلق تحت الاظافر بعد الاستحمام..تشوفين ظفرج لونه ابيض لوعه ما تشتهينه...

سهلة..حطي تحت ظفرج اللي تبين (( كريم ..فازلين .. لوشن ..)) اللي خاطرج فيه...خليه دقيقتين...وبعدين نظفيه باستخدام المبرد نفس الشي ومسحي اللي يطلع من تحت ظفرج بكلينكس ..
خليه دقيقة عقب مسحي تحت ظفرج باستخدام قطعه قماش رقيقة....

بهاي الطريقة تتخلصين من الجلد الميت + بقايا الصابون + الاوساخ اللي تحت ظفرج
وفي نفس الوقت تخلي ظفرج اقوى.. لانه يرطب الظفر

هاي النصيحه شوي خاصة للي قضرون اظافرهم..............وخاطرهم يطولونهم

والحل............

واحد من 2

اما 1.........تروحين الصيدلية وتشترين دوا حق اظافرج.........وهو مر واتوقع الكل يعرفه...وطبعا وقت تحطينه على ظفرج..خلاص ما تقدرين تشيلينه..وهو ما يمنع الصلاة
عقبها ظفرج يودع اسنانج...لانه لسانج بيشتغل حارس..وبيطرد الظفر المسكين.......:22:

الدواااااااا مرة بشكل مو طبيعي................

الحل ال 2 .........

اللي استعملته انه ..وامي كل ما كانت تشوفني تعطيني محاضرة طول بعرض...........

لاني شسويت..........

* المبرد طول اليوم وياي..بمجرد ما اقرض الظفر ابرده .اعدله... وسيييييده احط عليه اما صبغ اظافر اسلامي حوالين الظفر كامل حتى صبعي اصبغه!! :22:

** وقت ابي اقرض ظفري..الفه _ والله بالبحرين نسميه شلوشن_ الشريط اللاصق اللي نستعمله للاوراق والكتب...عقب وقت اقرض..يصير اللزقة بحلجي..وما يتقروض.!!اتم اتعبث فيه لين اتملل...

*** اهم شي عندج اراده انج توقفين هالعاده الكريهه... لانه اذا مو مصنفة وما عندج اراده...لا تعبين عمرج ............:(


آآآآآآآآخر نصيحه في مجموعتي لليوم.....

شلون تخلين اظافرج تبين صحية ..قوية..لكن في نفس الوقت نعووووووووووووومه وبناتيه
وحلى شي تلمع وتلق طبيعيا...بدون لا صبغ ولا مبارد تلميع ولا شي..بتلاحظين التقصف يقل بشكل ملحوووووووووووووووظ

هاي الطريقة شوي مكلفة (( حوالي 52 ريال))
روحي ذي بودي شوب...............عدكم المبرد الملمع للاظافر ب 12 ريال
او كريم لترطيب الاظافر والبشره ب 40 ريال...العلبة كلش صغيرة كانها مرطب شفايف..لكن الكريم داخل ثقيل شوي..كمية صغيرة تنفع للاظافرج كلها وتخلي ظفرج يهبل لفترة طويلة


شلووووووون............

اول شي بردي ظفرج من فوق بظهر المبرد (( هو المبرد طرفين واحد ملون يخلي الظفر املس من فوق وسطح ..خاصة اذا الظفر فيه تشقق او كسور ..او حتى اللي تنمو اظافرهم وفيها نوع الخطوط الخفيفة بسبب انه الظفر مو مستوي السطح تماما))

بتلاحظون الظفر عقب صار ملمسه ناعم حريري...........اخذو كمية كلش كليله من الكريم وحطووه فوق كل ظفر نتفة بس..

وودلكي الظفر واذا زاد مسحي على اصابعج...

وبتشوفين الفرق ..........اظافر ناعمه..متألقة..وصحية..مو مكسره ومشدخه..كانه لاعبين بوكسنج



اما اذا خاطرج اظافرج يلقون ويبرقون كانج حاطه عليهم صبغ.. فركي اظافرج بالجانب الثاني من المبرد..كانه فيلينه.........بسرعه شويه ..بتحسين بحرارة خفيفة....... عقب طلي على ظفرج....

يا سلااااااااام عاللمعان.. ولا يبطل الصلاة ولا يبيله اسيتون...ولا هم يحزنون ...

واذا تذكرت شي يديد من عفايسي بخبركم.....................

وان شاء الله افدتكم:26:


تحياااااااااااتي لكم

لمسات وردية
لحياة وردية