يعطيكم العافيه

جزاكم الله خير

انا عندي طريقه فرزنة الطماطم لشوربه
احسن ما انك كل يوم طحن طماط وغشل في كاس الخلاط

جيبي لك كرتون طماطم والفضل انه يكون احمر وقطعيه قطع متوسطه وقطعي معه فص بصل وحطيه في قدر وخليه على النار الى ان اذوب البصل والطماط وتحسينه استوى

وخليه يبرد واطحنيه ووزعيه في اكياس قد مقدار اللي تحطينه في شوربتك اليوميه وحطيه في الفريزر وماعليك الا انك تطلعين كيس لحم وكيس طماط

بغيت اسألكم من جرب فرزنة المطبق وهل افرزنه قبل لا يستوي ولا وهو عجين؟؟؟

موضوع حلو ومفيد..

جزاك الله خير أختي ..

استفدت كثير ..وبانتظار اجابتكم عن المطبق ..

مشكوووره الله يعطيك العافيه


م ي م و

اشكر جميع الاخوات على الموضوع المهم .
انا تجربتي لتجميد اني اجهز السمبوسة اسوي اربع انواع(الجبن+الخضار+اللحم+البطاطس) استخدم اوراق سويتز واحط في كل كيس 4 حبات من كل نوع .والسمبوسة طبق يومي وينفع للضيوف.
واجهز كفتة بطاط و اوزعه في صحون البلاستك(طبعا بدون قلي الكفتة).و اجمد لرمظان ورق العنب واضعه في الصحون بعد لفه بدون طبخ .اشتري الكبة من سيدةواجمد.
وفي بعض اخوات يسون الفطائر وبعد خبز يترك ليبرد ثم يكيس وعند استخدام الفطائر يترك ليبرد لدقائق ثم يحمر الوجه قليلا.ــانا ماجربت بس ناوي اجرب قبل رمضان واذا نفع بستخدم الفكرة للعزائم رمضان.
الله يبلغنا رمضان ويجعلنا من صوامه وذاكرين الله لليل ونهار آمين