نصائح للبنات بمناسبة قرب العطله الصيفيه وكثرة المناسبات 

للبنات نظرا لاقتراب العطله وكثرة الزواجات و المناسبات •• إليك بعض النصائح كيف تصطادين المعرس أهم شي تتقربين من العجوز الي تدوّر لولدها عروس ثم نفّذي مايلي:... 1) خليك مع امك ولاتروحين مع البنات وخري عنهم كم شهر ليما تتم العملية.2)امشي وانتي حاطه راسك بين كتوفك ولا ترفعينه كلش حتى لو عورك خلي الفكس دايما في متناول ايديك3)كلمه خالتي خليها دايماً على لسانك خاصة لام المعرس عشان تحس بنوع من التميز عن باقي العجايز.* ملاحظه :لامانع تنادين عجوز ثانية (الأسبير) بخالتي عشان اذا مانجحت الخطه مع العجوز نمبر 'ون' تنجح مع نمبر 'تو' الاحتياط واجب وانا اختك 5)اخوانك الصغار لاحقيهم وطامري معاهم وين مايروحون حتى لو ماهي عادتك بس تصرفي معاهم كأنك امهم عشان العجوز تاخذ فكره انك حريصة على ذريتك . 6) كل ما كلت امك من اكله زينه خليها تقول:نفس الأكله الي تسويها بنتي حتى لو الأكل من مطعم صيني او مكسيكي7) اذا جيتي بتمدين ايدك تألمي وخلي امج تقول:قايلتلك وانا امك ماله داعي تنظفين اطوف البيت الخارجية» {اقول نظفي غرفتك اول الي تقولين صايرهـ فيها قنبلة ذرية}.اذا تكلموا الحريم عن العرس كتمي نفسك لين تحمر خدودك عشان يقولون البنت تستحي ومالنا حق تكلمنا عندها» {بس لاتكتمين نفسك وايد اخاف تروحين فيها واصير قتلت نفس بغير حق}خخخخخ 9)مهما كان موضوع الحوار حماسي لاتبدين رايك خليك مثل الطرمه لان اللقافه تجيب موت الخطة10) شعرك استشوريه لاتخلينه طاير ولاتجعدينه مهما كانت موضه الكشيش لان العجايز مايدورون الا الي شعورهم ناعمة11) اذا ادلت العجوز{ام المعرس المتوهق}بأي رأي سواء سياسي والا وطني والا اقتصادي وافقي عليه حتى لو انه ماصخ وماله داعي.*مثال:تقول العجوز:بوش متقهوي عندناامسقوليلها:وليش ماعلمتينا ياخاله نساعدكم؟!ههههههه? 12)اذا جئ طاري السوق خلي امك تقول:بناتي مايحبون يطلعون السوق ابوهم يجيب اغراضهمالحين العجوز بتكون وقعت فالفخ.**{تحذير مهم}: ابتعدي عن امهات الرجاجيل المتعلمات راعيات الشنطة نفس لون الشوز » هذولا يبيلهم خطط بعيدة المدىموفقين هههههههههههههههههههههههه?
حبيت اوسع صدوركم فديتكم 