المنافسة والمقارنة
يقال ان الناس يصلحون اي شي لثلاث أسباب فقط
١- المنافسة
وهذا اسراء سبب انك تصلح شي مثلا ابي اطبخ عشان طبخي يصير احسن من فلانة.
ضروري نعرف ان مستحيل نفوز دايما لازم احد يفوز علينا واذا كنت شخص تنافسي فالتعاسة الي تحصلها بسبب الخسارة اكبر من السعادة الي تحصلها بالفوز لانها تقتلها الأفضل تتجنب المنافسة في حياتك
٢- محاولة الاتقان
ممكن اقول بصلح لقيمات الين اضبطها وتصير مل حبة نفس مقاس الثانية ودايم تظبط وماتخرب .
الاتقان لمهارة مافيه مشكلة خاصة اذا كانت مصدر رزقك لكن لازم تعرفين ان مافيه احد كامل او متقن بشكل كامل. احس طباخ ممكن يحرق طبخته يوم ما
٣- الاستمتاع ممكن تطبخ عشان تستمتع بعملية الطبخ والتجريب والمحاولة وتستمتع بالكل اذا خلصت. هذا السبب المفروض يكون سبب تصرفاتنا الغير الاساسية ي ولو قدرنا ندخله في كل شي ممتاز يعني بروح الشغل وانبسط وأخذ فلوس روعة
.…
المقارنة
المقارنة من طبيعة الانسان قابيل وهابيل قارنوا نفسهم ببعض
المشكلة انك ماتعرف قيمة شي الا لما تقارن مثلا ١٠٠ ريال كثيرة والا قليلة ؟
اذا بتشترين بيت قليلة اذا بتشترين قلم كثيرة
نجي موضوع المقارنة بشكلها الكريه
مثلا هدى اشتروا بيت حلو وكبير وملك. رحت زرتها بيتها رائع. لكن غير مبسوطة وزعلانة ليش سلفتها بيتها اكبر ب ٥٠٠ متر واحلى
طيب ليش ماتقارنين نفسك فيني بيتي شقة صغير وضيق وإيجار.
النصيحة الدينية انك تنظر للناس الادنى وتحمد ربك على نعمه ولاتنظر للناس الأعلى وتتسخط وتزعل
بالاضافة انك لازم تنتبه ان الناس تكذب مثلا لما اعزم صديقاتي انظف البيت. قبل بيومين واشيل كل الحوسة واحطها في غرفة واوزع نباتات في البيت وفواحات وشموع اذا دخلوا اشوف في وجيههم الغيرة . انا مااقول لهم ان هذا مو وضعي اليومي و هم ميتين غيرة من شي خيالي غير موجود الا في مخيلتهم
حتى انتي نفسك تخدعين نفسك نقول ليت الماضي يعود ونتذكر فقط اللحظات الحلوة ونتناسى المشاكل الي كنّا نعيشها
فنخسر اللحظات الجميلة الان لأننا نفكر في الماضي الخيالي الي رسمناه

تمنياتي للجميع بسعادة دائمة

اللهم صلي وسلم على نبينا محمد

الله يسعد قلبكك دنيا واخرةة يارب يارب 😊😊جميللل

Sent from my SM-T231 using عالم حواء mobile app

ماشاء الله بوركتي حبيبتي
قرأت لك موضوعك هذا
وموضوع الصداقه

كلامك جمييل مسترسل واقعي على أساس علمي يدخل القلب
ويجبر الواحد ينهيه لآخر كلمه

أتوقع لك النجاح في هذا النوع من المواضيع

وأتمنى تحتفظين بكتاباتك هذي وتتوسعين بضرب الامثله خلال النقاط عشان توصل الفكره بقوه لاختلاف مستويات الناس اللي تقرأ ويزيد الاستمتاع بالموضوع

افتحي لك حساب أنستغرام ونسقي كتاباتك وشوفي الحسابات الناجحه اللي في نفس تخصصك وتعلمي منها


أتوقع لك نجاح ساحق مع قليل من الصبر والاجتهاد

حبيت أنك تكلمتي وتميزتي بمواضيع تشمل جوانب الصداقه والحياه بشكل عام
وماكررتي مواضيع الزوج ومالزوج اللي تشبعنا منها

عشان كذا أتوقع لك النجاح بإذن الله

أستمري وواصلي

وفقكِ الله ❤️