هلا ياوردة ذبلانة
ومرحبتين ياأم محمد....
أحب أشاركم في هالموضوع بما أني متملكه وزواجي بعد أسبوعين وماأقول إلا الله يخليه لي وعسى الله يديم اللي بيني وبينه.
وأنا اشوف أهم شئ في هالفترة هي الصراحة من الطرفين يعني يقولون الشين قبل الزين ولازم البنت تشغل مخها في المكالمات يعني تفتح لكل شئ يصير في المكالمة مو تفرح بالمكالمة وتلهى بالسوالف وبس وخاصة في الفترة الاولى من الخطبة.
وبعدين ياأم محمد بما انكم متملكين أشوف مافيها حاجة لو كنت رومنسيه معاه واتركي عنك الحياء وخلاص صار زوجك وغير كذا الرجال ياخذ انطباع انك باردة او ماحسيتي ناحيته بشئ وهذا شي غلط.
واخر شئ احب اقوله عساهم بعد الزواج مايتغيرون ويبقون زي الحين في الاهتمام والكلام الحلو..
:32: :32: :32: :24:

الله يجزيكم خير ويحفظكم:24: :24: :26: :26: :24:

تسلمين اختي وردة ذبلانه على هالموضوع..

وأنا نفس حالتكم مالجه.. ليتني اتبعت هالنصايح من البدايه :(

أنا فهمت وايد اشياء في شخصية زوجي في هالفتره.. الحمد لله.. وأكبر درس تعلمته هو ((الصبر)).. يعني أحس يمكن أغلب البنات تييهم أفكار سوده هالفتره وانا منهم.. ونبدا نتساءل يمكن ما يباني.. يمكن مجبور علي.. كان مفروض ما أوافق.. شكلي بغير رايي أحسن قبل حفلة العرس... إلخ بس طردت هالأفكار بقراءة الكتب وسماع الأشرطه اللي تتكلم عن اختلاف الشخصيات ونفسية الرجل وطريقة تفكيره.... إلخ

يمكن أكبر غلطاتي هالفتره إني أرضى بسرعه يوم يغلط بحقي :( شكله استهان بزعلي.. يكسر خاطري يوم يتأسف ويراضيني وعلطول أرضى..

انا اليوم قررت أزعل من شي سواه :) وناويه أغير أسلوب الزعل.. يعني ما أقوله شو السبب علطول.. وما أرد على اتصالاته ((بحاااول ما أرد.. دايما اقول جيه بس يوم يتصل أقول يمكن صار شي.. يمكن موضوع ضروري وأرد)) ومب عارفه إذا زارنا وأنا زعلانه منه كيف أعبرله عن زعلي.. ما ادخل وأسلم عليه.. ولا ادخل وأواجهه بالموضوع..

ونحن مع انه صار لنا نص سنه مالجين.. بس بعدنا نستحي من بعض.. هو خجول وانا نفس الشي.. كل واحد ينتظر الثاني يبدا بالكلام الحلو وانا مستحيل أبدا..

والسموحه عالإطاله

بنات يعطيكم العافيه ماقصرتوا:27: :27: :27:

ورده ذبلانه تكفيييييييييييييييييييييييييييييييييييين استمري بالنصايح خلينا نستفيد:24:

احسن شي قولي له لو ماابيك كان مااخذتك واذا اصر قولي له
ان الشي اللي تدور عليه يحتاج وقت
وانا مشاعري ماتنهز بسهولة<<<<<<عجبتني مررررررررررررررررررره
:24: :24:

ويسلموا.......................

السلام عليكم


مشكورات بنات على ردودكم الحلوة واعذروني طولت مارديت

بصراحه نسيت الموضوع وانشغلت

بس اختي دنا الله يجزاها خير ذكرتيني بالموضوع

اتمنى اختي ان تكون النصايح مفيده

والفتره هذي مشغوله بالتجهيز لعرسي احس عقلي ممسوح مرررررررره

بس عشان خاطرك مستعدين حبيبتي

اذا عندك استفسار معين انا حاضره

وشكررررررررا:26: