نصائح للمقبلات على اجراء الإخصاب المساعد مع وجود تكيس المبايض

السلام عليكم بنات كيف حالكم
زي ما كتبت في احد التعليقات ان شاء الله راح أحط مواضيع تتعلق بكيفية الاستعداد اجراء الإخصاب المساعد من ناحية المقويات اللياثبتت علميا انها تحسن من جودة البويضات والأجنة بإذن الله تعالى. الهدف اننا نكون جميعا على علم باخر نتائج الأبحاث اللي من خلالهاممكن يرتفع نسبة نجاح الإخصاب المساعد باذن الله تعالى. احب اشرح وأوضح بعض النقاط المهمة فاعذروني لو طولت عليكم شوي.ياربالكل يستفيد وراح احط مصادر المعلومات في النهاية
اليوم زي ما هو مكتوب في العنوان راح نركز على تكيس المبايض. يعني لو عندك تكيس مبايض وانتي مقبلة مثلا على حقن مجهري كيفتستعدي من ناحية المقويات ومضادات الأكسدة ونمط الحياة.
أولًا لازم نفهم ايش اهم مشكلة عند صاحبات تكيس المبايض وما هو الشي الممتاز في حالتهم . الشي الممتاز في التكيس هو مخزونالمبيض. ما شاء الله مخزون المبيض عادة يكون مرتفع معناته مع التنشيط يطلع بويضات كثيرة باذن الله
المشكلة في التكيس هو انه غالبًا ما يرافقه لخبطة في الهرمونات مثلا ارتفاع LH , الحليب، و ممكن الغدة . لو ما عدلنا هذه الهرمونات حتىلو طلع لنا بويضات كثيرة تكون جودتها ونسبة النضوج منخفضة . هرمون الحليب والغدة نتابع مع الدكتور المتخصص وعادة ينزل اليالمستوى الطبيعي مع العلاج ان شاء الله . بس لازم تتبعي تعليمات الدكتور من ناحية الجرعة ومدة العلاج . يعني ما توقفي العلاج من غيراستشارة .
الان خلينا تكلم عن LH
ارتفاع ال LH ( غالبا يكون ضعف الFSH) احد الدلائل على وجود خلل في توازن الهرمونات المرافق لتكيس المبايض .طيب ايش المشكلةاللي يسببها ارتفاع ال LH ؟
ال LH المفروض يكون منخفض في بداية الدورة ثم يرتفع في منتصف الدورة ( عشان يحرض الحويصلة للتبويض) وبعدين يرجع ينخفضثاني بعد التبويض وهكذا. في تكيس المبايض الLH دايما مرتفع فتؤدي احيانا الى عدم التبويض وكمان وجود نسبة عاليه منها تضعفجودة البويضة . الحين بعد ما عرفنا أهمية انه ال LH الأفضل تكون على الأقل قريبة من المستوى الطبيعي خلينا ندخل الان في المقوياتومضادات الأكسدة اللي اثبتت علميا ان شاء الله انها تحسن من جودة البويضات في حالة التكيس . نأخذهم ثلاث شهور (ايوة ثلاث شهورلا تقولي شهر او شهرين .. ثلاث شهور بعدين ابداي في الحقن )



مايوانوسيتول (Myoinositol ) هذه اهم مقوي للتكيس لانه اثبتت انه بيخفض مقاومة الانسولين ويخفض مستوى الLH وهرمون الذكورة ويحسن من عملالانسولين في حالة تكيس المبايض باذن الله. طبعًا انخفاض الاLH مهم لرفع جودة البويضة زي ما شرحنا فوق
كيوتن ( Q10) والنوعية الأسهل امتصاصا يكون مكتوب عليها Ubiquinol: هذه مهمة مهمة جدا للجميع ، هي تساعد على توليدالطاقة داخل الخلايا فتساعد الخلايا على الانقسام بشكل جيد
مجموعة الفيتامينات prenatal زي البرجناكير وغيرها حسب النوع المتوفر في بلدك اللي تكون فيها حمض الفوليك
فيتامين دال الدراسات الحديثة اثبتت انه نقص فيفيتامين دال قد يؤدي في بعض الأحيان الى خلل في توازن الهرمونات .معناته لازم تفحصي وتتاكدي ما عندك نقص وتأخذك الجرعة اللي توصف لك هي الدكتور



لو انتي من النوع اللي ما يحب يأخذ أدوية كثيرة خلاص اكتفي بهذه الأربعة . لو عندك تكيس وعمرك متقدم شوي الأفضل تضيفي واحد اواثنين من مضادات الأكسدة التالية
فيتامين E
فيتامين C
أوميجا ٣
ال N-acetyl cysteine
بالنسبة لنمط الحياة اكيد كلكم عارفين لازم نبعد عن السكريات والنشويات والزيوت المهدرجة ونكثر من الفواكه والخضار والحبوب الكاملةوالدهون المفيدة .مع ممارسة رياضة المشي باستمرار وشرب كمية كافية من الماء يوميا
في النهاية احب انبه . أتمنى من الكل انه يكتب هذه المعلومات في ورقة وتناقش مع الطبيب المختص لحالتك،. يعني أساليه عن كل فيتامينزي ما هو مكتوب وخذي راية والجرعة اللي يوصي بها و لو يدلك كمان على شركات تصنع نوعية ذات جودة عالية من هذه الفيتامينات يكونكمان أفضل .
اسأل الله العظيم رب العرش العظيم انه ينفع بهذه المعلومات كل وحدة متاخرة ويكتب لهن جميعا الحمل السليم التام والذرية الطيبة .
لو عندكم أسئلة انا حاضرة باذن الله . اعذروني لو تأخرت في الإجابة لانه عندي امتحانات هذه الفترة. وكمان جديدة في المنتدى وعددتدخلاتي محدودة . ان شاء الله راح أحط موضوع لصاحبات المخزون الضعيف والبطانة المهاجرة في وقت اخر باذن الله
المصادر