نصائح للمقبلات على الولادة

السلام عليكم..
كيفكم ياحوامل...وشو أخبار الحمل؟..الله يسهل عليكم جميعا..
مثل ما تعرفون إني ولدت وجبت بنوتة أمورة سميناها لولوة ..وعشان هالسبب ما أقدر أدخل المنتدى ولا أقدر أطول في الجلسة..

بس عندي شوية نصايح من تجربتي في هاي الولادة ..وحبيت إني أكتبها لكم علشان تستفيدون..
التساهيل بيد رب العالمين ..بس في شوية أشياء جربتها في هاي الولادة..والحمد لله سهلت علي الولادة نوعا ما مقارنة بالولادات السابقة..
من أهم هالأشياء قراءة آيات وأدعية تسهيل الولادة على ماء ورد منقوع فيه زعفران وشربه عند بداية الطلق..
شرب ملعقة من العسل..
كف مريم محلى بالعسل..
استخدام تمارين التنفس عند كل طلقة...
الصراحة هالأشياء هونت على الطلق وسهلت علي الولادة..
طبعا مافي ولادة من غير طلق..ومن غير آلالام ..بس هالأشياء بإذن الله تخفف الآلام وتهون الطلق..
وإن شاء الله ..الله يسهل عليكم جميعا..ويرزق كل وحدة تبا تحمل الذرية الصالحة..
ولا تنسوني من دعواتكم ..