نصائح للملكة

نصيحة لكل عروسه تبغى تجهز لملكتها تقوم بعمل الاتي :

اول شي وقبل كل شي لازم تحجزي عند الكوفيره مثلا احجزي عند اكثر من كوفيره بشهر او حتى تلات شهور بس طبعا قبل الملكه بشهر لازم تحددي وحده منهم وتروحي تدفعي عربون


ثاني شي القاعه :

خدي اسماء قاعات واكتيها ارقامها في ورقه وخلي عندك مدة تلاته ايام بس بحث عن قاعه روحي شوفي بنفسك القاعه واسئلي عن كل شي مثلا الضيافه البوفيه هل داخل في سعر القاعه او لا وبعدين حددي وحده من القاعات وادفعي عربون


تالت شي الفستان :

حددي اللون اللي تبغيه وخودي فكره عن الفساتين في اكتر من سوق بس لا تطولي لانك خلاص حجزتي قاعه فلازم تحطي في بالك انك تبغي تستلمي الفستان قبل موعد الملكه بالقليل باسبوع عشان لو فيه تعديلات


رابع شي : احجزي مصوره وانتبهي اتفقي مع المصوره متى راح تجيكي على القاعه لان بعضهم يجوكي قبل الزفه بساعه او نص ساعه وما يمديها تصور باخلاص واصلا انتي تكوني متوتره خلاص وطفشانه وتبغي الزفه فلو زفتك الساعه 12 قوليلها راح ازف الساعه عشره واعطي المصوره فكره عن لون الفستان عشان تستعد هي بالاكسسوارات والاضاءات المناسبه


خامس شي : الكوشه خلي الكوشه سمبل في الملكه وتكون ورد طبيعي بلون الفستان وداخل معاها لون محايد زي اللون الابيض عشان يكسر اللون


سادس شي : الاكسسوارات حق الشعر روحي اسئلي الكوفيره ايش المناسب وايش الموضه وبعدين اشتريها

سابع شي المسكه : بصراحه انا افضل تاخدي المسكه ورد صناعي وفي محلات الورد الصناعي حقهم مره فخم يبان كانو طبيعي زي محل جنتي والورد الصناعي احسن في حاجتين الاولى انه ما ي>بل فتاخدي راحتك في التصوير ما تخافي غليه تاني شي يقعد حلو لل>كرى تحطيه في بيتك ان شاء الله


تامن شي: ------------------------- اواصل غدا