التي تسأل عن كم يستغرق التشطيب من وقت؟صحيح كما ذكرت ان توفر السيوله امر مهم لاتمام التشطيب ولكن الاهم مدى توفر الاختيارات يعني نوع الارضيات ,والاسقف, واطقم الحمامات, والاضائه وتوزيع الصحي والتكييف,والابواب والشبابيك وتصاميمها ومواصفاتهاو من وين بتاخدينها,

كل هذ يؤثرعلى الوقت, وليست العبره بالسرعه, لكن العبره بالنتيجه يعني الواحد يصبر شوي ويطلع ببيت حلو كونه بيت العمر مهوب كل مره بيبني.!!!
وكلما عرف الشخص تسلسل المراحل التشطيب كلما انجز شغله اسرع وادق ,

3-بانسبه للحمام العربي فيه بعض الناس ترتاح له وتقدرين تحطينه في الحمامات اليوميه حقتكم ,وما احبذ وجوده في حمامات الضيافه لان الحمام العربي مع قلة الاستخدام تنشف قناة الصرف حقته و يطلع ريحه بالاضافه انه يتعذر فرش الحمام لان الارض بتكون دائما رطبه

الحمد لله أني غيرت رأي عن الجاكوزي أخر لحظة واشتريت بانيوعادي بس عملت تجهيزات لكابينة البخار من تصريف وكهرباء وبعدين اشتريه أحس البخار يفيدك لما تعملي حمام مغربي ولا ايه

بالنسبة للمراوش المقفلة أحسها حلوة كثير عشان ما تعمل طرطشة للماء وإذا خايفة من الخنقة ممكن تخليها شوي كبيرة وخذيها بلاستيك قوي احسن من الزجاج وفيه اشكال للأطفال تجي فيها رسومات حلوة ملونة وتشرح الصدر أنا كنت ناوية اشتريها للأولاد بس المشكلة عندي انه بيقفل على نص النافذة ( انتبهوا لهذه النقطة وقت البناء ) فخليته مروش عادي

بانسبه للي تطرقت للمغسله داخل الحمام
فانا اشوفها ضروريه من النحيه الصحيه, ان كانت مساحت الحمام تسمح.
لان الواحد احسن يغسل بعد قضاء الحاجه -اعزكم الله -قبل ما يمسك يد الباب ويفتحه
ملاحظة وخاصة لام عزيز بخصوص الحمامات
مقاسات الغرف والحمامات وكل شي يصغر على الطبيعة لان البلوكات تاخذ 20 سم من كل جهه
يعن يلو الحمام2*2 يصير 1.8 *1.8 يعني كرسي ومغسله بس(( ام عزيز حاولي تقنعي زوجك يشوف حل))
انا تفاجأت لما لقيت المقاسات اختلفت على الطبيعة ما كنت ادري
وكمان اللياسه سماكتها تاخذ 1.5 سم من كل جدار ......طبعا هذه النقصان حق البلوك واللياسة بسيط جدا بس يفرق لو ان المساحة صغيييرة جدا ..... انتبهوا لهذه النقطة

افياش الكهربه لازم ما تكثرين منها في كل جدار لانها تنحسب لك وانتي تخسري روحك عليها بعدين تلقين ان ما منها فائدة بس تشويه للجدار .. وطبعا تنحط جنب الباب عشان من تدخلين الغرفة تلقين السويش تشغلين الليت احسن من تخبطين في شئ .. ولازم يكون عندك تصور لأماكن الاثاث .. لاماكن الثريات اللي بالسقف واللي بالجدار .. وهذا غير افياش التلفون والتلفزيون .. وعندج بالمطبخ افضل في كل جدار فيشة واتكون على مستوى الخزائن يعني في النص بين الخزانات .. عشان الاجهزة كثيرة في المطبخ بس تحملي عند المغسلة طبعا ما تخلين فيش عشان الماي ما يكهرب .. ايه بعد الافضل يكون تحت مو بالنص عشان لا تشوه الجدار بالاسلاك المتدلية ..

وباقي الأخوات بالنسبة للأفياش لاتنسون الأفياش في غرفة النوم للأستشوار عندالتسريحة وأفياش للأبجورات تكون أسفل الجدارعندالسريرواذاكنت بتحطين في الصالة ولاأي مكان آخر حددي موقعها عشان تتلافين مشكلة التوصيلات الكهربائية وانتبهوا فيه أفياش للتلفزيون وخلافه تجي فتحاتها دائرية نصيحة ابتعدوا عنها لأن لمايكون فيش أي جهازكهربائي عندك مشطوف مايدخل الابتوصيلة لأني عانيت من هالمشكله وحبيت أنبهكم

هلا درييييييييييييم

ماقصرتي يعطيك العافيه على هالمجهود

اختي استرخاء بالنسبه للجبس انا جبت شركه متخصصه وهي الحقل الاخضر اللي في التخصصي بس صراحه شغلهم مره حلو.وسيراميك الحمامات الله يكرمك من نجم اباحسين صحيح غالي شويه بس ماتلاقين تشكيلته في مكان ثاني.والمطابخ من عند المنى.
والله بالنسبة لأسعار الحقل الأخضر كانت مررة مرتفعة والجبس أحنا ماتكلفنا فيه ولاحطينا موديلات
بس بالنسبة للديكورات الداخلية اللي على الجدران هم اللي راح ينفذونها لأن عندهم حركات روعة ومايرضون نصورها00لكن الأسقف ممكن تجيبين معلم من المحلات العادية وراح يضبطه لك ويعطيك ضمان 000 أحنا تكلفنا بالشكل الخارجي للبيت سوينا رسمات على الأطراف بالجبس الفرنسي وسوينا كرانيش كبيرة وخلت البيت شكله خيالي بشوف إذا منزلة صور على جهازي برسلها لك على الخاص
مثل ماقلت لكم من قبل ما أقدر اعرضها
أنا المساحة الخارجية حول الـ 900 متر عشان كذا مترددين بنشوف الأرضيات الداخلية كم راح تكلف وبعدها نقرر
الارضيات الخارجيه عندك ما ودك تشوفيين الخرسانه المختومه تراها اوفر للي مساحات حوشهم 200 متر فما فوق
لانه بدون ترويب وما فيه مجال تتكسر واشكالها حلوه

اسمهم : البنعلي للخرسانه المطبوعه
موقعهم: الدمام- الرياض
ارقامهم:في الرياض 4766026___4764022
اما ارقامهم في الدمام 038300541________038338587
ما عندهم مشكله ينفذون في اي موقع
وبالعكس ما تزلق انا شفت ناس اعرفهم حاطينها ارضيه لهم والحوش
فيه مسبح والمويه معبيه المكان من الاطفال ومع ذلك ما تزلق
اذا انتي من الرياض بتشوفينه مسويه عند بوابه مركز المملكه
وهي تاخذ اي تصميم واي لون يعني فيه على شكل حجر وفيه على شكل بلاط
والوان ويسوون لك تصميم للممرات
سعرهم 80 ريال للمتر راكب في حوشك
بس يشترطون الحد الادنى 200 م
انا ودي بها مره واحسها عمليه
لكن انا عندي الحوش اغلبه حديقه والتبليط يادوب ممرات
وما توصل للحد الا دنى الذي طلبوه
ميزته لا تشققات لا تسربات ومستوى واحد ما تلقين عيوب المبلطين
بلاطه ترويبتها اكثر من الثانيه وتلا قينها مرتفعه ومقبقبه وبعديين تنكسر
اتمنى اني افدتكم وبالنسبه للصور مثل ما قلت لكم انتظر اختي تحملها