بالنسبة للبلاط أنا أقول لك اختاري اللي تختارين بس أهم شيء ابعدي عن الجرانيت
الجرانيت ثبت علمياً إنه يصدر اشعاعات في البيت وحنا موناقصنا كفاية علينا الإشعاعات اللي طالعة من الأجهزة الألكترونية <<< مو كأني قلبت مريم نور ؟؟

اسمعي عزيزتي انا بقول لك مميزات وعيوب كل نوع من أنواع البلاط وأنت براحتك اختاري

طبعاً أصح شيء ممكن تحطينه هو الخشب لأنه يمتص جميع أنواع الإشعاعات الضارة الموجودة في المنزل والناتجة من الأجهزة الكهربائية المختلفة وكمان الناتجة من المجالات المغناطيسية للأجهزة اللاسلكية في البيت مثل الريموتات بجميع أنواعها وشبكات الانترنت اللاسلكية عشان كذا دائماً ينصحون بالخشب في غرف النوم وفي المكاتب
عيبه طبعاً : إنه لازم له صيااااااااااااااانة أكثر من أي نوعية بلاط ثانية ولابد من اختيار نوعية كويسة ومعالجة حتى تضمنين إنه ما يجيب حشرات وطبعاً معروف إنه النوعيات الكويسة منه غالية وأغلى من الرخام حتى بس فيه نوعيات وسط منه

الرخام والحجر الطبيعي
كلاهما ميزته في إنهما كونهم طبيعيين إنهم مثل الخشب يمتصون الأشعة الضارة في المنزل لكن درجة امتصاص الخشب أقوى شيء ثم الرخام والحجر تختلف درجة امتصاصهم بحسب نوعية الرخام أو الحجر نفسه فبعض الأنواع تمتص الأشعة أكثر من الثانية بس لا أحد يسألني أي الأنواع أشد امتصاصاً
عيوبهم : طبعاً هم بحاجة لصيانة دورية ولكن أقل من الخشب الرخام والحجر الملع يحتاجون للجلي الدوري والذي يختلف حسب النوعية والمكان ... كمان فيه عيب كبير فيهم إنهم ما يتحملون الحمضيات مثل عصائر البرتقال والليمون وبعض المشروبات مثل القهوة وأي بقعة لو ما لحقتي عليها بالموية والفيري جلست معاك طوال عمركمرات تروح مع الجلي ومرات لأ
طبعاً الحجر الغير مجلي تجي منه أنواع أقوى من الرخام وأقوى من الحجر المجلي وأنا عن نفسي جربت على قطعة حجر غير مجلي عصير الليمون وعصير الفيمتو وتركتهم فترة ويوم مسحتهم مابقى أي أثر وهذا أحد أهم الأسباب اللي يجعل الناس تستخدمه في خارج المنزل

البورسلان : أقل امتصاصاً فبالتالي أقل من الخشب والرخام والحجر من الناحية الصحية لكنه يمتاز بأنه شدييييييييد التحمل فيحتاج لأقل قدر من الصيانة فينفع في الأماكن (اللي عليها كرف ) كمان بعضه يجي مقصوص قص ليزر فيركب مثل الرخام والحجر بدون أن تظهر الترويبة ويجي طبعاً أشكال وألوان لامع ومطفي ونص لمعة ومنه على شكل خشب ومنه على شكل رخام ومنه على شكل حجر كمان

السيراميك: وهو أقل الجميع امتصاصاً وأقل من البورسلان في التحمل لأنه عند الخدش يظهر اللون البني المحمر اللي أسفل طبقة اللون العلوية بعكس البورسلان اللي كله لون واحد فحتى لو تم خدشة فلن يظهر لك سوى نفس لون السطح


هذي المعلومات اللي عندي والناتجة عن 3 سنوات من البحث والتقصي عسى ربي ينفعكم فيها وتستفيدون منها


بالنسبة لصور الجبس اللي حاطتها ام نوري هي صحيح حلوة وجميلة بس أنا بصراحة ما أأيد الحركات الكثيرة بالجبس وأحب الجبس الهاديء أرقى وأشيك وما ينمل ولا تروح موضته

بالنسبة للأرضيات الغامقة أنا معاك فيها وأأيدها بشدة ولكن مو في الصالونات الرئيسية أنا عن نفسي مفكرة أحط أرضية دورنا غامقة من نوع الحجر الهندي وهو مثل الأرضية اللي أنت حاطتها في صورة المدخل بس راح أحطها بورسلان على شكل الحجر لأن هذا النوع بالذات من الحجر خفيف ومايصلح داخل البيوت لأنه يطلع أتربة طوال الوقت وحتى أخذت عينة منه ولاحظت إني كل ما أمسحها يطلع لون بالمنديل حتى بعد ما غسلتها بالفيري برضه فصرفت النظر عنه لكن بحط بورسلان إن شاء الله
والبوفيه انا زيك بلشانه بالبوفيه اللي في صالة المعيشه مدري وش احطه سيراميك ولا حجر ولا البسه خشب ولا ايييييييييييييييه ؟
بس مشكلة الحجر يمسك الوسخ
والبراويز تعتمد على كبر البوفيه بالنسبه لنا لانه صغير ماحطينا لا اقواس ولا اعمده عشان يعطي مساحه
والله ييسرها علينا وعليكم
الفرح : بالنسبة للحجر انك تعمليه كأطار حول قوس البوفيه ممكن بس انا اشوف جمال الحجر هو وضعه بمساحة متواصلة بجنب بعضه ليظهر جماله اكثر ولو خليتي القوس عادي جدا سادة وخليتي الحجر فوق دولاب المطبخ او اي جدار مطل على الصالة بالشكل هذه ممكن يطلع احلى ويعطي منظر للصالة حلوكثير

السلام عليكم ..

بنات اليوم كنت ابي اروح الخياط بس كان مسكر وصوبه محل للأرضيات والحمامات والبلاط .. قلت خلني ادخل علبال ما يفتح الاخ ....
لقيت كل شئ كنتو تتكلمون عنه والله احس نفسي صرت خبيرة في الارضيات ههههههههههههههه

شفت المارفيل اللي تقولون عنه وعجبني بس انتو قلتو كم سعره ؟؟ لاني شفت سعره ب 8 دينار للمتر يعني 80 ريال .. مو ب 250 ريال .. وفرنسي ما ادري ايطالي ما ادري اسباني .. ههههه نسيت من كثر ما شفت ..

رتووش شفت بلاط حمامات مثل جلد التمساح ومثل جلد التايقر .. بس كأن انتي قلتي انه جلد حقيقي يعني اشلون ؟؟

وشفت التراكوتا عجييييييييبة صراحه وااايد حلوة واكثر شئ عجبني اللي جاي حجري على فخاري وبعد يكون مثل شكل القطع الصغيرة ويكون شكل دائرة كبيييييرة في البلاطة الوحده اللي عرضها نص متر تقريبا ..

ايه شفت الخشب السيراميك واااااااايد حلو عجبني انصح كل وحده تحب الباركيه تركبه لانه اريح .. وبعد ارخص .. وما يفرق عنه شئ ..

بس انتو قلتو لي في شئ يقصونه بالليزر شنو هذا ؟؟ هل هو الرخام او البورسلان ؟؟

وشنو اخر موضة في الحمامات ؟؟ لاني اشوف على طول قطع الزجاج والنحاس اللي بين البلاطات .؟

اهلين حبيبتي
هالحين حنا الي بنقول ان البحربن ارخص من عندنا!!!!!!!!!!!!!!!!!!!!!!
لان في عمري ما شفت رخام مارفيل ب80 ريال للمتر
ارخص رخام كريم مارفيل متره ب250 ريلل سعودي,وارخص رخام في السوق اسمه سسيلي وهذا الي ينحط صف تحت في لسفل السور عادة علشان ما تتقشع وتتقشر البويه من الرطوبه او الاوساخ ,وكذلك اسفل سور الحجر حتى ما يمتص رطوبه ودهون من الشارع ويحافظ على لونه بدون تصبغاتوهذا متره ب60ريال
واختي ابي افيدك بالنسبه للارضيات (البار كيه)اي الخشبيه
لان يبتي الحالي كله باركيه ما عدى المجلس والمطبخ
اولا حددي الهدف من وضعه
اذا كان النظافه مع المحافظه على درجه من العزل للارضيه يعني ادفى من السيراميك شتاءبكثير
وما فيه وجه مقارنه , وما يتعب الاطفال ببرودته
فعليك بالباركيه الحقيقي( بالخشب )لان فيه باركيه من m.d.f يعني خشب مصنع ومضغوط
وهذا مهوب ذاك الزود والناس يحكمون على الباركيه ظلما بانه مافيه فرق بينه وبين السيراميك وما يعزل ووووو
وعلى العموم فيه وكيل جيد للبار كيه الزين اسمه( باقر للارضيات) نهايه شارع التخصصي باتجاه الجنوب ولهم فروع في جميع انحاء العالم واذا تحبين ارسلل لك رقمهم على الخاص تامرين امر
انا اخذت من عنده من 5 سنوات وما شاء الله ما تغير بس هو يبي له تنظيف على الجاف
مهوب زي السيراميك مايخالف باماء
اما اذا كنتي بتاخذينه علشان شكله معجبك ف انتظريني بكتب لك رد ثاني لاني اخاف اطول في الكتابه ويمسح الرد وانصدم خصوصا الي ما يكتب بسرعه زي حالاتي

لسالفه كبر الغرفه المفروض ان جناح غرفه النوم المثالي يقسم الى 4 اقسام تشمل التالي :
(-غرفه نوم ,غرفه ملابس ويكون فيها التسريحه منعا لازعاج الطرف الاخر
ثم دوره مياه مستقله, وغرفه جلسه متصله بالجناح فيه كل سبل الترفيه سواء كمبيوتر او مسجل وتلفزيون) اكرر مستقله يعني بباب يفتح على غرفه النوم الرئيسه ليتسنى لك الاستفاده منهابحريه اكبر و منعا لازعاج الطرف الاخرالذي قد يكون نائما 0مو قوس لو بلوك رجاجي لان كل هذه التصاميم حلوه بس ما تحقق الهدف المطلوب يعني توصل الصوت والاضائه
نرجع نوضح انه يجب هندسيا ان لا تزيد مساحه هذا الجناح باجزائه الاربعه عن 25% من مساحه مسطح بناء الدور الاول
لان الغرفه الرئيسه بكذا بتكون للنوم فقط, وما ينحط فيه الا السرير والكمدينو الصغار على جوانب السرير وصوفا واحده ووحده الادراج الطويله للانجري فقط
فما فيه داعي انه تكبر على حساب باقي اجراء الجناح
خصوصا انه اذا كبرت تعبتي في تنظيفها -خصوصا اذا كنتي زي حالاتنا ماتخلين الخادمه تنظف غرفتك_وما تبرد لم صيفا بسرعه وما تدفا لك شتاء بسرعه
نظرا لكبر حجمها يعني 5×9 =45 متر تستهلك تدفئه وتبريد بشكل كبير يوميا ان لم يكن على مدار اليوم لان ذا يقوم وذا ينام
ومن ثم ترتفع شريحه الكهرباء ويزيد معامل الضرب -خصوصا لذوي التكييف المركزي وعاد شوفي الفاتوره واذا تبين اقول لك عن 25نصيحه هندسيه لنجاح تصميم غرفه النوم انا في الخدمه وذلك فيما يتعلق بفرشها وتصميمها واسففييييييييييييييين على الاطاله

بالنسبه للشبابيك مهندسنا يمدح لنا شركتين للشبابيك الاولى غرناطه والثانيه لادا للالمنيوم
وانا زرتهم ممتازيين وهم التب في مجال الشبابيك خصوصا غرناطه لانه ضمانه5 سنوات
و لانه يعطي حلول مبتكره للشبابيك مثلا غرف الاطفال يحط شبابيكه بمفتاح للناحيه الامنيه - تقدريين تقفلينه اذا بغيتي تطلعين مثلا وغيره وغيره
وحل مشكله الشبابيك الطويله انك تحطين شتر بالكنترول للصباح وباليل اذا كانت الزجاج عاكس والاضائه هاديه بالغرفه فيكفيك ستاره شيفون
وانتي جربي اول خلي يطالع الشباك من الشارع ويرد لك بالخبر اليقين والا ما لك الا ستاره بلا ك اوت الله يجيب هالمرحله على خير

جزاك الله خير ياعسل

الله يعطيك العافية اختصرتي لنا الموضوع