بسم الله الرحمن الرحيم
السلام عليكم
بعيد عن اللوكات والدروس حبيت اكتب هالموضوع كبداية لي في هذا المنتدى لعل البعض منكن يستفيد لو من معلومه بسيطه وهالنصائح هي من تجربة شخصية وأتمنى تستفيدون أو تضيفون معلومه جديده او نصيحه نتابعها ونستفيد منها
1-لايوجد مقياس لابطريقة ولا بماركة معينة بمعنى ان ممكن تشتغلي على نفسك بأسلوبك انتي مو بأسلوبي انا وهذا يحتاج وقت وممارسة
2-قد تكون بعض المشاكل من بشرتك حتى لو اقتنيتي اجود واغلى الماركات فلا يكون عتبك على الكوافيرة او على طريقة وضعك
3-دايما احرصي على عمل التست على بشرة الوجه ومو على اليد لان البشرتين يختلفون نهائي عن بعض وحتى الكحل ماييمنع تجربينه من تحت النقاب وتروحين لدورة المياة وانتم بكرامة تشوف كيف شكله بعينك وهل هو ينزل بسرعة او لا
واذا صاحب المحل يشخبط على يده عمال على بطال فهو ماعنده ماعند جدتي خصوصا لاصار ابيض ويلق هههه
4-اذا دخلتي المولات الكبيرة لاتستحين ولا تجاملين اللي يبيعون لانهم خطر يغصبونك على الشراء واسلوبهم مو صاحي ويقنعون اللي مايقتنع لان كل شغلهم بنسب لهم فانتببهي وخليك ذكية
واللي ماتبينه لا تشرينه لو شفتي لونه وطريقة وضعه خيااال
5-اذا عندك كريم اساس غامق وبلشتي فيه اشتري فاتح وابدي ادمجي بدون مايضيع عليك خسارة وحتى البلاشر برضو ممكن تدمجين اثنين في واحد
6-اذا شريتي بودرة وجه وطلعت اي كلام فاطحنيها اذا كانت مضغوطة واشتري كريم اساس اي كلام وامزجيهم وخليهم للجسم واذا تحبي اخلطي معه لمعة ذهبي او وردي عشان يطلع لها نظرة
7-استخدمي الشدوهات مكان الارواج بحيث تحطين الشدو على شفايفك ويكون مائي وتحطي فوقه قلوس وتطلع لك الخلطة خيااااال
:26:
انتهى ودعواتكم ياغاليات...
نصائح من ذهب
وننتظر ابداعاتك لاطولين علينااا
وحياك الله