بسم الله الرحمن الرحيم ..
امس بمستشفى عرفان في جده كان في محاضرة عن الشعر عموما وألقاها دكتور وانا حضرت واستفدت كتير عن الشعر والعنايه بيها .. و حبيت أقولكم وش قالنا للافاده وللنعم كلنا بالشعر الصحي اللامع والجميل وحأقولها بنقاط بأختصار..
- تكلم عن الصبغااااات .. وقال انها ضاااره جدا جدا على الشعر والي تكثر من الصبغات ما حتدخل سن الأربعين الا وشعرها تساقط نصه .. وانو اشد انواع الصبغات تأثرا على الشعر الي تكون على شكل خصل .. والي تحب تصبغ فع الأقل تصبغ مررره بالسنه لتحافظ عليه ..
- تلكم عن الفرد .. وانه مضر جدا على الشعر .. وقال انو الشعره سبحان الله تتكون من ثلاث طبقات .. وعند عمل الفرد ، الماده حقته تزيل ا الطبقه الثالثه ( وهي الطبقة الي تغذي الشعره)..
عشان كده .. ضروري عمل حمامات الزيت ووضع الكريمات على الشعر وتكثيف العنايه به عشان تغذيه لانو الطبقة الثالثه الي تغذيه راحت ..
وقال انو الناس الي ضروري يعملو فرد لشعرهم لانو طبيعته افريقيه .. هدول على الأقل يعملو فرد مره بالسنه فقط كأقصى شئ ...
- تكلم عن أفضل الشامبوات .. وانو احسنها واصحها للشعر هي الي الي تكون( للأطفال ) او الشامبوات الي يكون مكتوب عليها ( للأستعمال المتكرر ) < عمري ماشفت زي دي
- قال انو الشامبوات الي بالزيت الزيتون او الي يقولك انو شامبو بزبت اللوز .. دي كلها مش صحيه ولاتصدقوها ..
- تكلم انو الشامبوات الي تكون اتنين في واحد يعني شاميو مع كوندشين ده مرررررررررررره ضااار وانو الافضل شامبو وحده وكوندشين وحده ..
- قال كمان انو لازم ماتكثرو من حمامات الزيوت على الشعر والي شعرها جاف تكفيها تعمله مره بالاسبوع ..
- ودي نصحيه مره مهمه ...
قال انو خطأ انو تخلطي زيوت كتيره مع بعض ..
لانو لكل زيت فائده ولما تخلطيهم سوا حتروح الفائده حقته ..
وانو أقصى شئ بس تخلطي زيتين مع بعض ..
- قال افضل 5 زيوت للشعر وهي :
زيت الزيتون
وزيت الصبار
وزيت النارجين ( جوز الهند)
وزيت اللوز
زبت الخروع
- وافضل زيتين لتساقط الشعر هم : النارجين والصبار
قال اخلطيهم مع بعض وحطيهم دايم ع شعرك وحتى قبل ماتستحمي 3 او 4 ساعات ..
..
ان شاء الله اكون أفدكم أخواتي ..
وادعولي ربنا يوفقني بحياتي ..
وسلامتكم ..
cute moon @cute_moon_1
محررة ذهبية
يلزم عليك تسجيل الدخول أولًا لكتابة تعليق.
أم معن4
•
جزاك الله خير
الصفحة الأخيرة