السلام عليكم ورحمة الله وبركاته
كثير مننا نروح السوق ومعانا 300 ريال مثلاً ونكون في البيت قايلين اننا راح نشتري ب 150 ريال بس :44:
ولما ندخل المحل هاتك يااااشراااااا ،،، و ناخذ اللي نحتاجه واللي مانحتاجه
فأنا صرت اتبع نقاط معينه حتى ما أصرف كثير بما أن مصروف البيت في يدي وهي :
1- اكتب الأغراض اللي ابغاها بالحجم :)
2- اقدر الأسعار حسب خبرتي السابقه يعني اتذكر المره اللي فاتت اشتريت مثلاً سائل غسيل صحون بـ 15 هذه المره لازم يكون بأقل يعني بـ 12 ونازل
3- انظم المشتريات .. يعني انا الحين مو محتاجه رفوف بس محتاجه سبتات تنظيم ،، أروح أشتري بس السبتات بسسسس
والشهر اللي بعدو أجيب الرفوف .. ترى والله الدنيا مو طايره :)
4- اثناء التسوق أخلي الورقه حقت الطلبات قدامي وأشطب كل شي آخذه
5- إذا شطبت كل الطلبات على الكاشير على طووووووووووووول بدون لفلفه ... اللي يبغى يلفلف بس يجي من غير فلوس وبطاقة الصراف عشان مايشتري << عن تجربه والله
6- إذا البيت محتاج مثلاً أغراض كتير هذا الشهر من مؤونه و كدا ،،، لازم فيه تنازلات .... قللي من مصروفك الشخصي أو أستغني عنه بالذات لو كنتي ربة بيت وماعندك طلعات كتير و قللي من مصروف زوجك عشان تقدروا تجيبوا الطلبات مره وحده لأن لو قسمتوها راح تشوفوا ال 400 قليل و ال400 التانيه قليل و غير الطلبات اللي من البقاله و يطلع الناتج بدون ماتحسوا 1500 ريال :35:
7- الشراء بالجمله جميل للعائلات الكبيره
8- التسوق قدر الإمكان بدون أطفال و بدون الزوج بالذات إذا كان مايحب السوق :mad:
9- الجوده مهمه زي السعر بس فيه منتجات ماتفرقي بينها وبين النوع المفضل لك والغالي يعني مثلاً لما تدوروا للقشطه مثلاً حقت الحلى مو لازم تكون التاج أو السعوديه ... الطائي بـ 2.50 وتؤدي نفس الغرض
المكرونه كلها تقريباً وحده وأفضل قودي و نفس الشي المايونيز ولو كان سعرهم أكثر إرتفاع من المنتجات التانيه بس الجوده هنا مهمه
و إذا فيه نصايح تانيه أبشروووواااا من عيوني أول ما تجي في بالي أجي أكتبها
وياليت انتوا كمان تقولوا نصائحكم عشان الكل يستفيد
وهذا الموضوع من كتابتي الرجاء ذكر المصدر عند النقل و إلا أعتبرتها سرقه
مدى السلطان @md_alsltan
محررة برونزية
يلزم عليك تسجيل الدخول أولًا لكتابة تعليق.
فـوفـى
•
جزا ك الله خير
الصفحة الأخيرة